昨晚查理斯的幾句無心說話，讓我哭了半晚，其實每年年近歲晚，我的"絕少蒲頭低落症"就會發作......
每年由年廿幾開始，身邊的同事、朋友就會商討著年廿幾要去邊個親戚屋企團年、年廿幾又要同邊個屋企人做節，但是，我的家人，由二零零一年開始，已經沒有再圍坐在一起食團年飯，而呢個場景，亦未必會再出現！每年團年，都要分兩次，有時爸爸會回港做節，而許多時其實不會。
幾年前聽過梁思浩的一個訪問，那個令人心酸的訪問，他說自小家人便遺棄了他，所以每年的中國節日，但凡要回家同屋企人做節的節日，佢都好難受，因為已經沒有一個家去讓佢感受同屋企人圍埋食飯的溫暖、熱鬧，而佢身邊好多朋友都知道佢o既處境，所以都會o係呢啲節日邀請佢番屋企一齊做節，但係，佢話咁樣佢更加難受！因為坐到埋枱佢更加感受到人哋先係一家人，佢只係一個外人，那屋企人之間o既窩心、默契，係無佢份o架.....所以，以後每一年，佢都唔再接受朋友的邀請，去人哋屋企做節了！
已經唔係第一次因為年三十同邊個團年的問題而同查理斯鬧得不快，我好希望快將成為我老公o既佢可以明白我諗緊乜嘢，可以唔駛我將好難開口o既說話講出o黎，可以體諒我的處境多一點.......今次就罰佢今年情人節無咭收啦~~
人有悲歡離合，月有陰晴圓缺，此事古難全
但願人長久
千里共嬋娟
新年快樂+情人節快樂
回覆刪除祝你同你未婚夫越唻越sweet
因為我好ｌａｚｙ 所以無咩點ｕｐｄａｔｅ 個ｂlog
ｈａｈａ
[版主回覆02/17/2010 09:23:00]多謝多謝！祝你新一年笑口常開、豐衣足食、身體健康~~
哈哈，你都知自己懶鬼成日唔update個blog，咁我再祝你新一年勤力update啦~~
其實我自己屋企都十幾年無做節了，當係一日假期，take it easy~~
回覆刪除[版主回覆02/18/2010 11:16:00]謝謝你的安慰~~Take it easy──我會努力！
加油! 但不要太過將感情投入老公身上, 有時男人不明便不明白, "牛皮燈籠",
回覆刪除婚後更加要令自己成長及成熟! 支持你~
[版主回覆02/18/2010 11:59:00]"牛皮燈籠"──形容得真好....男人係唔鍾意估你想點，淨係想你直接話佢知你想點......哈，多謝你的提醒同埋鼓勵呀!!!!
新一年祝你生意多多，開心快樂，心想事成，身體健康~~
我都一樣, 有時為咗屋企人搞到自己有D脾氣..所以我有時叫自己"自私"D,唔好咁為佢地,要令自己開心!! 你都係呀!!!要開心D!!
回覆刪除[版主回覆03/01/2010 08:19:00]Thank youuuuuuu