之前講到2nd in咗兩份都無下聞，其實其中一份打咗比我，原先我都話唔適合我，turn down佢o既offer，但唔知係我耳仔軟吖，定係好耐都無比人咁賞識過喇，clarifly咗啲job duties之後，尋日仲簽咗約喇，但係，我一啲開心o既感覺都無......
從來都未試過有工請我，但我一啲啲啲啲開心o既感覺都無...減咗少少人工，但係車費平咗，拉上補下，都係差唔多......
可能我唔鍾意啲job duties，所以悶悶不樂......唔明白自己點解唔鍾意又要簽，真係好無聊...
唔知自己想點，只係知道每日都仲要keep住睇報紙、寄信，其實我真係好勤力咁寄求職信o架，不過我都明白當有咗幾年經驗、人工一路路升...其實去到樽頸位...但真係好討厭有啲學校o徒人時間車錢，好似尋日朝早去咗天水圍見interview，約我9:45am，我9:25am去到，足足咗2個鐘先有得in，個miss年紀真係好細，淨係好循例咁叫你用英文介紹一下自己，又話我人工偏高喎....都無咩問過我o既工作範圍...係我自己搵位"攝"入去講啲講啲咁....
人工偏高...我封求職信都寫咗o架啦，你比唔起錢就唔好o徒人時間啦！都唔知佢請幾多人，我坐足兩個鐘，成間房起碼有人20人係o黎面試o架，到11am都仲係in緊9:30am o個批...同一個時間都唔知約咗幾多個人...安排混亂...
不過都好得意o既，等等o下大家又傾o下偈...(我真係好多嘢講o架....成日interview都會撩人傾偈...
)
天呀....快啲比個好啲o既offer我啦~~
而家做緊間學校，無良小器校長又發放咗消息，話office要cut兩個人，搞到啲同事都心慌慌同埋提唔起勁...氣氛仲差過之前...其實睇到佢哋咁我都好心酸，更加唔想開口講嘢，想o係個位度做自閉仔...我都明白自己好好彩，仲後生有氣有力走得郁，呢度有啲同事付出咗十幾廿年o既青春，好多電腦技能真係唔夠人爭...如果要佢哋重新搵工，真係難o架...
加上呢個咁o既卑鄙賤格校長話要同佢哋評分，睇個評分分數而決定out邊個，其實評分又係佢評，佢只要將啲零分比晒心中最想out走o既人，所有同事根本上連反擊的能力都無啦...
我只係希望留o係度最後的日子，多啲笑聲、少啲怨氣.....
呢個校長.....真係.........有無搞錯!!!!!!!!!!!
回覆刪除搞到個工作氣氛咁...邊有人真心幫佢做野丫!~
一個好既上司應該體恤下屬~咁下面既人先會同你打天下~(我自己覺得)
算啦~而家有一個offer先~可能o個邊既工作環境會令你做得好開心呢~
慢慢黎啦~一定會有條好既出路既~~~
我都仲係interview同寄信ja!!!!!!!
[版主回覆07/23/2010 16:17:00]佢仲有好多賤格嘢o架,遲啲慢慢再blog番比大家睇吖...
你都要加油呀~~天氣又熱又落雨,等車去見工好辛苦
個校長咁衰既...
回覆刪除依家有個offer都好啦,做住先啦..
[版主回覆07/23/2010 16:17:00]係呀,都係騎牛搵馬啦....
其實我想問... 做校長要有咩資格??? 你間的校長好明顯 管理 唔掂啦~~
回覆刪除今日諗返我個中學校長又係好唔掂! 佢竟然當面問一個o係學校附近的學生 (放左學) : 做咩仲唔返屋企? 企街 呀??? 我個同學同我講的時候... 我都唔知咩叫 "企街"..... 真係多謝呢位"校長", 我先識呢個詞語!
[版主回覆07/23/2010 16:21:00]做校長要心狠手辣、小器專橫、自以為是、隻手遮天、記仇報仇、陰陰濕濕...我唔知其他人點做到校長呀...但我呢個就應該係憑呢啲特質啦~~
"企街"？把口咁賤o架....我都試過做間中學,個校長係教育署副署長調任o架,但佢把口都好衰,啲學生話佢成日指住啲整路工人,話人哋無出息,問啲學生係咪好似人哋咁喎....好衰格!!!!
唔中意都簽約??? 你係咪心急... 想快d confirm 呀???
回覆刪除而家簽左約... 如果唔做要賠$$ 嗎??? 唔好頹啦~~ 可能好快有2,3,4,5,6 個offer 呢~~
[版主回覆07/23/2010 16:23:00]唉....本身又未到好唔鍾意,不過越諗越唔適合自己做,發揮唔到專長....甚至可以話係用咗我最弱的一環....我都係心急又驚真係失業,所以快快手畫咗隻龜啦....不過份約9月1日先生效....所以都無話搵到第二份要賠錢o既...希望承你貴言快啲搵到其他合適的工作啦
真係搵食艱難
回覆刪除[版主回覆07/24/2010 08:58:00]呢句講得真係最貼切呀
^^我都同你一樣,上個week resign左~~都搵緊工~~有d公司真係好衰,約人早,但等就等勁耐~~~ 一個人o係間房仔等又悶........waste time..... Good Luck~希望大家都可以搵到自己想要o既工~~~
回覆刪除[版主回覆07/27/2010 11:26:00]有時等等o下又勁急先衰呀....去厠所又唔係...等又唔係....哈哈
大家要一齊努力先得啦~~ 加油~~
好多人都唔係做緊一份100%喜歡的工作,小m都係,唔單止唔係100%喜歡,差點就100%討厭(我份工的辛酸可以出本書tim呀!!)...哈哈!!但冇辨法啦~工作人工都穩定在加上自己喜歡的工作好難找,加上小m又冇咩技能... ....都冇咩機會轉工!! 不過事實就係有份工重要d....結婚生活的開資好大,做住先算~加油
回覆刪除[版主回覆07/27/2010 15:09:00]你講得好o岩,亦remind咗我打工真係為錢only,好難講到為興趣咁高檔....小m，雖然你份工係好辛苦，但起碼你份工係好偉大o架~~我呢啲文職人員無得比呀~~
結婚的開支好大....係啦，所以都無咩可能唔駛做呀....大家都要加油呀！
加油呀~ 希望你下一份工係好工加同事好~
回覆刪除[版主回覆07/30/2010 13:06:00]好!!!!承你貴言~~