前幾篇都講過我唔會要Wonder Charles唱跳Nobody，呢個除咗係我送比佢o既禮物之外，我亦真心唔想玩寸個party~~(It's my Birthday Party too~~)
要由好幾年前講起，我有位同事係奶奶級人馬娶深抱，佢話當早拍晚播時見到個仔比人迫著毛毛胸圍底褲(原諒奶奶同事覺得比堅尼堅係等同胸圍底褲)、拿起個痰罐飲埋o個啲唔知咩怪獸口水o既時候，佢個心好痛，亦都覺得個仔好肉酸好無面，現場有個仔啲老闆同事朋友，佢直頭覺得個仔以後會比人笑一世，o個一刻，開始動搖咗我接新娘要玩玩佢o既諗法~~
我可以想像得到如果我奶奶見到個仔o係影片入面變咗個諧星
，佢塊面應該會黑過歷蘇
，o個十幾分鐘o既歡樂大概會為我換來入咗門休想有好日子過o既深宮妹仔生活，所以我好快決定棄暗投明，就算玩都係玩o下o個啲戴個勁cutie大眼鏡同啲兄弟玩o下跳飛機算喇~~
又再後來，見到Blog友幸說：婚姻之事不可兒戲，何必讓人難堪？
呢幾句說話給了我很大的啟發啊~~
由一開始話搞結婚，查理斯已經將呢個"接新娘要玩遊戲"視之為惡夢o既開始，每隔一段時間就會講：唔玩遊戲得唔得呀？
我完全感受到對佢o黎講金絲盛宴o既壓力只有遊戲呢一part~~
咁既然成日口口聲聲話呢個人係我至愛，佢又對我全心全意同埋勞任怨o既，我無理由咁衰仲要玩佢o架(如果唔係，我估我要淘支避雷針先敢出街喇.....)
加上o個日本雀大壽 + 大婚，我就係咁二放條生路佢行，叫佢自己搵啲嘢o黎做攝咗o個啲時間，慕求要令到我又感動又開心、早拍晚播又有啲嘢睇咁啦~~
查理斯，我對你咁好，你仲唔快啲謝雀隆恩？
其實我都唔明點解接新娘時係都要新郎+兄弟要著到咁..... 又要戴 bra...又要戴假髮之類..... 我都覺得肉酸架....雖然做得兄弟嘅都預咗... 尤其是戴野喺個頭我就最唔鍾意 咁人地好有心機咁 gel 好個頭架嘛.... 我呢啲頭髮軟嘅真係戴完後會塔晒架...... 唔好話自己BD丫...咁做人地兄弟時都想自己靚仔啲架嘛..... 你話因為果一part嘅遊戲需要而要戴嘅都OK
回覆刪除但係一入屋就要先要戴住直到講愛的宣言嘅
又覺得真係麻麻地鍾意架..... 睇完你第二段嘅野.... 我先知原來有父母係會有咁嘅諗法..... 不過我估A都唔駛我戴呢啲嘅 (如果A同啲姊妹真係準備咗呢啲野嘅......咁我都會戴嘅....)
接新娘遊戲都係想考嚴下個新郎，唔好接得咁易。不過宜家攪攪吓變咗「刁難」為目的，搵好多無聊野折磨班兄弟。遊戲都有好多種架嘛。。。
回覆刪除其實.. 我覺得當然唔好令人核突既野啦... 我個時講出好多問題.. 唔俾 d 姊妹做同玩.. 最緊要大局為主呀
回覆刪除其實係真架, 可能係我既問題, 我覺得如果接新娘係要個男人「愛的宣言」我係可以接受, 但如果要玩又要著BIKINI, 其實我都接受唔到呢! 你當我老土怪又好, 點都好啦, 我有D好傳統既思想, 覺得男人著女人衫褲係唔會發達架 調番轉要我big day 當日扮男人著孖煙通畫花塊面, 我會嬲爆囉! 既然我都唔like, 就咁唔好要人地做呢d野啦!!! 金絲雀你就要佢自己做d野, 到時重surprise過係你面前做wonder Charles 啦!!!!! 發自內心既更好呢!!!
回覆刪除完全同意, 依家有好多接新娘games都好meaningless. 根本就係比個機會啲姊妹玩人only
回覆刪除我都覺得依定接新娘遊戲已經變哂質, 變成姊妹喪玩, 將仲未搵到好人家嘅怨氣發洩係新郎身上.........好恐怖
回覆刪除你想俾D難度佢地, 當然OK, 但係要我老公又毛毛BRA, 又底底咁, 我就真係唔得, D相我仲要留成世, 唔通想第時個仔睇到佢阿爸當年咁失禮咩 , 所以我好早已經決定, 屎尿NO, BRA底底NO, 攪到佢地成班小丑咁有咩好呢
近排我去飲, 見到D姊妹將D糖放落新郎隻襪到, 再要新郎餵俾佢兄弟食, 我自己聽到都頂唔順啦, 又唔係自己娶老婆, 做咩事要攪埋其他人呢
我都講到明唔准玩咩屎屎尿尿, 仲細咩!! 唔好再講埋d咩「愛的宣言」, 我都唔係好接受到...我覺得樂以不文既小遊戲可以, 但玩個d咁核突既, 夜晚睇返都唔好睇!!!
回覆刪除無錯，其實接新娘唔等如玩殘兄弟團，而且影出黎的相又唔見得靚，何必呢？
回覆刪除Make it for Fun 是我當日結婚的宗旨，大家玩得開心，兄弟姊妹就更融洽。總好講兄弟有兄弟做，姊妹有姊妹做，咁呢個婚宴都好公式化了~
支持你，要謝雀隆恩啦~
我記得年幾前做伴娘，一齊諗下點樣玩其實都幾開心，不過最開心既係諗到一啲唔令人難受，但又好玩，而且有意思既遊戲，就最開心！有意思既遊戲出咗黎會令人覺得好甜蜜溫馨！當日既氣氛都會好啲啦！
回覆刪除我都禁止姊妹當日要新人著bra+底底玩不文遊戲，其實唔知做乜。恐龍機師班兄弟團個個有返咁上下體能，反而我地想考佢地腦力....例如﹕玩七步成詩自己真心講愛的宣言....(因為我屋企比較矮，可以一條20級既樓梯就到)...仲有意思~
回覆刪除非常同意﹗ 玩下體能﹐動下腦筋﹐肉麻一下就 OK 啦﹐令人難堪都算﹐噁心個種就吾好﹐人地都有阿娘生嫁﹐新郎本人+其家人會好無面﹗
回覆刪除exactly, 人家咁辛苦生個仔出來，真係唔好搞到奶奶心痛肉赤丫 ... 同埋，其實自己都唔會玩嗰啲核突遊戲，又何必迫老公玩呢 ... 我又唔信，如果新席郎真係食咗嗰啲尿片朱古力花生，個新娘會攬住佢來狂錫丫 FIY, 搞笑大眼鏡呢，中環石板街有售，而且比旺角女人街便宜很多 (當然你同阿姐講價講到超平另計啦 )
回覆刪除Exactly!! 成日都唔明點解接新娘要玩埋D 核突遊戲, 除左好笑, 都唔知有咩意義.
回覆刪除haha.. agree with you!我男朋友都同我講話唔想玩D恐怖游戲～～～睇完詹瑞文debaichilisation 條片就更加堅持～～～～！不過我都覺得大日子要新郎同兄弟團玩胸圍痰罐唔太莊重！！所以支持支持你呀！
回覆刪除我o個時都限定d姊妹唔可以玩唱歌跳舞咸濕嘔心既games, 而且唔可以整亂老公個髮型同個樣.... 因為女人最靚係結婚o個日, 男人都係, 最型就係呢日!! 不過我覺得完全唔玩又好似少左d野咁....
回覆刪除agree~~
回覆刪除唔駛玩到咁大呀，係咁而影下相交到貨咪算LOR，所以我都係諗住叫吉你估下野，做下瑜伽同掌上壓就算架啦!!
對丫，個日係想大家開心， 而且要折磨未來老公， 所以，我之前已經同姊妹講左唔要三級! so far ，大家玩得好開心
回覆刪除我都同你個奶奶同事有相同的諗法, 俾人玩成咁, 第日點見人, 雖然人地都估到你接新娘會俾人玩, 但係寧俾人知, 莫俾人見嘛.
回覆刪除幾年前, 我男朋友幫人做兄弟, (兄弟同班姊妹本身唔識嘅, 只係見過一次咁大把 ), 接新娘時俾班姊妹玩得好過份, 咁又唔岩, 咁又唔得. 我男朋友話, 唔係俾面個新郎, 真係想拉大隊走人. 佢話, 家下女多男少, 你慌娶唔到老婆咩, 娶你啦, 都又咁又咁, 真係好巴閉, 非娶不可咩. 男人都要自尊架.
所以我男朋友一路都好抗拒結婚要擺酒, 一來佢驚接新娘俾人玩, 二來佢覺得, 我又幾愛你, 我知你知咪得囉, 就算要講愛的宣言, 我同你講咪得囉. 我又幾愛你, 我想多謝邊個邊個, 唔一定要擺酒時話晒俾全世界知架嘛.
好認同你嘅睇法呢...
回覆刪除我真係好唔鍾意玩新郎呢個節目，我一定唔會有呢個環節，連之前做伴娘我都有事先聲明我一定唔會參加玩新郎!!!
SO sweet~~~
回覆刪除係呀...我都聽過有99 咁諗. 雖然我99 果邊好開通, 不過諗到老公被玩自己都唔好受時都真係收收手....
回覆刪除哈 哈~我ng捨得玩佢呀, 同埋我又怕煩呀 :P 加上太多 DIY 要做, 都無心思放係依節目上啦~
回覆刪除絕對同意!! 我覺得玩時玩, 真係唔好玩到咁癲~ 我果時係三級野核突野都唔玩, 係叫佢地戴左d七彩假髮等影相靚d, 同埋叫陳老公插隻腳落冰桶lor(實情係結完婚睇返video先知佢原來大部分時間都係扮野, 無真係放隻腳落去架~~) 其他野都好輕巧~~ 講真, 大家都係至在開心jei...我唔知係邊度聽過(定睇電視既劇情? )話要個新郎爬牆入屋接佢, 都真係痴痴地...
回覆刪除haha~我男朋友已經講到明點玩都唔可以搞亂個頭...唔係d相就唔靚啦!!! 唉...我都好唔想佢俾人玩丫... btw 可唔可以add我做fd呀??
回覆刪除[版主回覆04/13/2011 15:35:00]add咗你喇~~~
我同你果位同事同樣諗法... 我真心覺得果D 毛毛比堅尼係肉酸過胸圍底褲!!!!!!! 亦都好憎D 要食野既所謂遊戲, 根本唔係遊戲, 係侮辱人. 可能我唔玩得啦下~ 我同老公都鍾意開心溫馨, 又唔想D 兄弟玩PUSH UP 果輪玩到成身汗, 食古怪野食到肚痛咁啦! 所以一早同班姊妹傾好呢樣野~ 我唔想個仔睇番我地結婚段片果陣, 問我: "點解爸爸接媽咪果陣要食C, 要著胸圍底褲呀?"....
回覆刪除"婚姻之事不可兒戲，何必讓人難堪"<<<<<<<<<<<<<<<<<<<<<<<<<
回覆刪除非常同意!!!!而且遊戲既目的係製造氣氛,唔係要人難堪!!