堅係變態的DIYs

係，我有個好鍾意整手作仔o既老公，除咗鍾意整o個種熱誠，佢真係可以做到 "我整我所想" (根據那些年的中學會考課程「以畫為喻」，佢可以為係有熟練o既手腕)

婚期日漸逼近，佢又比我日日逼迫，o係短短幾日之內完成咗幾項DIYs......



首先係油畫，由於3v整錯咗板畫比我哋，要改又要再上去拎，好彩佢比番個油畫框我哋睇o下點樣自家裝裱番上去，攞走個畫框時其實一啲idea都無o架，只係覺得o個塊硬淨黑邊板畫一啲都唔襯半島場地，既然佢有白色金邊油畫框，都係攞咗先~~

查理斯用咗幾條鐵線同啲牛皮膠紙將板畫同畫框合體，後來又怕啲牛皮膠紙太嚇人，再加咗白咭紙封底(無影低tim~~)，成個過程都係佢自己整啦，半粒鐘又搞掂喇~~



然後佢就開始整Welcome board喇~~



材料有好幾年前用剩的牆紙 + $10店的相架，佢將張牆紙"隊"落個printer度印，唔好問我點印，佢專係"隊"個printer食埋啲佢唔應該食o既嘢o架，成品本身都幾靚o架喇，再加埋K石同埋我的絲花組，呢樣成為咗我目前為止最滿意的DIY~~

好，趕時間呀，Next

查理斯一直都想自己整結婚証書套，但中間比我打沉過好多次佢依然心不死，所以我由得佢發揮~~

一整個晚上佢又刀片界又膠紙貼的，很快就弄好了，看到這個雷咁大o既証書套，我個心暗暗慶幸佢唔係B2B而係G2B，否則佢一定超級敗家咁去買勁多絲帶craftpaper o黎製作佢o既大作~~

最後當然要我出手錦上添石啦，加咗啲K 彩石同金片，靚晒又Grand 晒~~

接下來就係回禮小禮物喇，個盒係去筍崗時買的，只係RMB$1.2，啲花茶粒係我o係偉大的淘寶搵番o黎o既，盛惠RMB$1.6，兩者配合起來又唔貴又得體，花茶係取其"花開富貴、開花結果"的意思啊~~

與查理斯開拓包裝部，兩個鐘頭全部KO了~~



未來老公手作仔咁了得，身為人妻o既我都唔可以失禮，用咗Ms Bee送來的蛋糕盒做了Keepsake memory box的底紙，佢哋仲笑我用舊紙皮，但呢塊紙皮真係好鬼靚，花紙都無咁靚呀，仲要有藍莓芝士蛋糕的餘香，哈哈~~加埋K石，爛紙皮成功升Lei呀~~



第二樣就係o黎自小白送o既囍雀一對，我自己都搵過好多次想搵對Love Bird，但睇極都唔o岩心水，好彩有小白送我呢對靚雀，等我又o黎個DIY襯襯佢先~~



睇唔睇到我幫對雀加咗眼睫毛呢？Wakakakakaka~~~

o係婚禮DIY之路有查理斯呢個勁敵，佢唔單止陪住我整我的DIY，仲自己創作一系列o既手作仔，真係令雀好開心~~因為呢啲都係用錢買唔到o既心思心意，亦都代表咗我倆對婚姻的認真同埋共同努力經營啊~~