2009年12月18日 星期五

我找到了

昨晚食煲仔飯的時候,我知道,我不但找到了,也找對了!(唔係講緊個煲仔飯呀)


你說你想轉工,想賺多些錢,我問你是否for我結婚之後唔駛工作呀?你話,就算我未可以唔駛做,但至少你搵多啲,我媽咪可以唔駛工作,聽到的時候真係好冧好感動呀(雖然我無表露出來~~我個人好內歛o架o麻,哈哈)

雖然唔係一時三刻可以達成,但你有過這個想法已經足夠了,除了愛我,你還很愛錫我的家人,真的很感動很感動,也知道自己找對了人,謝謝你肯為我分擔,做個真係好有責任感的男人!!!!!我明白有時一個兩人家庭,得一個男人去打工,負擔也很重了,但你由買樓到轉工,都考慮到我家人的需要,這份細心讓我好感恩,感謝上帝給我找到了,也找對了!

(都想讚o下自己真係幾識揀~~哈哈~~)

連同昨天所輸的 一起找到了
哭泣夠了 我以後要笑
這一個是我的 碰上即刻知道 不必揭曉
連最想得到的 我都找到了
穿梭人潮 引誘幾多 不再動搖
從未像這樣確定 一伸手抱你 已經抱到最實了

4 則留言:

  1. 你就好啦! 我只祈求自己找到我個六合彩頭獎!
    [版主回覆12/18/2009 23:04:00]吓,你唔係搵到喇咩?乜我唔係你個六合彩頭獎咩......

    回覆刪除
  2. 好sweet ar!我都認同一個真正愛你既人,係會愛你的家人。真正錫你既人,係會錫埋你屋企人。你真係搵到喇!我睇左你日記咁耐,查理斯真係好野黎ga!要好好珍惜呀!!
    [版主回覆12/20/2009 22:07:00]Wing,真係好多謝你呀~~每次睇到你的留言我都好開心呀,可能我哋個名都有個詠字又將會同一日結婚,感覺上同你係同路人!我諗當你真正愛你的另一半,佢所做的可能好細微o既事,都會令你好感動的~~正如你的王志知你好想20111120結婚,佢都好細心咁再問sales一次啦~~謝謝你的提醒,我會珍惜眼前人,共勉之啦~~

    回覆刪除
  3. 我都覺得 "愛屋及烏" 的男人好正
    他愛你都唔止 仲愛埋屋企人 呢個世代 好難得呀 ^^
    嘻~~ 德哥都係

    回覆刪除
  4. 我問左德哥喇 他真係識得張桂林呀 他仲問你係咪叫 “yan” 呀 ?! 他都話呢個世界真係細   ^^
    [版主回覆12/24/2009 13:31:00]唔係呀,阿yan係另一個人呀,我係體育學會主席呀,德之後仲join咗我哋柏青打排球o架,哈,唔記得都唔緊要啦,真係好開心知道你哋生活得好開心,而且....呢個世界真係好細呀~~

    回覆刪除