好多新人都會好煩惱大日子應該搵邊個負責攝錄呢個大任務，而我呢，好幸運，找到最好的~~(好大口氣....至少我係咁認為)
真係好偶然o係yahoo見到人哋啲snapshot，影得好好，好的意思係......令我好感動！
有些攝影師的snapshot好恐佈，專吼人哋"擘"大個口、閤埋眼的時候影，真係好另類；仲有呀，有啲standard shot為咗要影晒全部人，用廣角鏡，令到站最外圍的賓客變成肥矮卡通人物般好趣怪，我都好唔鍾意......
單看相片就可以感受到新人的故事，這一點，阿Jan做得到了！
有一對新人，新郎哥住的是唐樓，自小o係唐樓長大的我從來都唔覺得板間房走廊可以這樣美，但在Jan的鏡頭下，一切都變得不同了！
另外，Michael拍的Video，無論剪接、所用的音樂都容易讓人投入，其中有一對新人的video，每次看都讓我眼濕濕
Simple but Elegent and Warm──就係佢哋影的相片表露到的風格喇~~
下星期三約了他們見面了，希望到時他們會帶多一點我未睇過的相片繼續感動我啦~~
http://www.elite-productions.hk/
詠儀，聽你咁講，阿jan真係影得好好wo！我都想睇下佢個blog ar，你可唔可以話我知呢！我依家好大機會都係10月9日係陽明山莊ar，今日會去婚紗展。回來再告知你消息
回覆刪除咁你有無揾阿 Jan & Michael 呀?? 可唔可以俾佢的資料我呀?? Thanks.
回覆刪除你好勁啊....你可以咁快做左咁多野0既??/
回覆刪除[版主回覆01/28/2010 09:24:00]係呀，我諗下兩篇可以出個List，我驚嚇親大家呀~~但其實有好多嘢我同男友都想DIY，所以餘下時間都係做啲手作仔啦~~
佢地真係影得好好架~~ 我果日阿Jan 俾人book 左, 本來Michael 想休息添架~~ 見我0係美國搵佢地, 先至肯接job 咋. 仲幫我搵左個師兄幫我影snap shot, 佢地幫我地影左pre-wedding, 0係相機睇preview 都靚到震!! 我請左佢地12 月過黎美國幫我地wedding party 影相呀~
回覆刪除[版主回覆04/28/2010 10:21:00]woowoowoo~~咁你幾時share一下你啲靚靚相先？
嘩,咁elite咪有得乘機遊埠~~
哎呀, 唔記得左講, 我都好怕d 攝影師影人地掰大個口, 一係笑到見牙唔見眼, 仲話有氣氛喎! 好肉酸就真~
回覆刪除[版主回覆04/28/2010 10:21:00]係呀!!!!如果我啲相都係咁,我會殺人o架!!!
佢地仲未得閒俾相我啊~~頸都長埋lu~~ (今日0岩0岩好影左一個月) 係呀, 嘻嘻!! 我好期待佢地過黎, 去水族館同雪山影相 呢邊好多靚景同靚建築物, 影wedding 相一流!! 幣在呢邊無0岩feel 既vediographer 同photographer..... wakakaaa 我會幫你手殺埋一份~~!!!!! 我睇過一次果種相, 宜家都仲記得!! 俾我渣機影, 都無影得咁衰! waka!
回覆刪除[版主回覆04/28/2010 10:48:00]你PRE-WEDDING係JAN幫你影？定係michael呀？你o係香港邊度影呀？
Pre-wedding 係Michael 同阿Jack 幫我地影. 我BD 阿Jan 俾人book 左, 我地又想要1V+2P 喎, 咪"哎"Michael 幫手搵攝影師, 嘻嘻. 果日約Michael 傾計, 咁0岩Jack 得閒, 傾傾下, 見咁0岩傾, 咪問下佢地黎唔黎美國, 佢地好好人呀!! 傾下傾下~~ 又搵埋佢地影pre-wedding 我地無0係香港影過wedding 相, 好恨影中環夜景, 佢地話果欄都好靚, 就影左呢兩個地方. 佢地好勁架, 一條好細好恐怖有老鼠既巷仔, 佢地都影到鬼死咁靚, 我同你都無揀錯攝影公司呀~ 嘻嘻 係喎, 我好似問過你架, 你book 左MUA 未? 證婚律師我見有姊妹同你講Anthony Lam, 我BD 果日佢俾半島直昇機婚禮霸左.... 佢介紹佢太太幫我地證婚.... 嘩, 佢太太好靚女架~~ 把聲又甜~~ 份人又爽快, 好開心搵到佢呀. 你如果搵唔到基督徒既律師, 我都推介你搵佢地呀~~ (好長氣添, 哈哈)
回覆刪除[版主回覆04/28/2010 11:37:00]因為Anthony Lam係佛教徒,所以我哋唔會搵佢喇,雖然佢啲comments好到不得了~~
我都見過之前elite o係果欄幫新人影的相片，真係好"正"!!!!
期待睇你啲靚相呀~~