某日放工同查理斯行o下金都，竟然買咗嘢.....
哈哈.....話說有次去冠南華見到有個新娘試戴緊呢個鳳冠，個職員話我個頭大啲，應該幾好睇，所以我又試o下啦~~靚就靚，但真係好重呀！租都要$680呀~~不過冠南華個鳳冠真係好靚好新淨o架，佢靚在冠前用的襯花是粉紅色的(有啲舖頭的鳳冠前面係金銀色花花)，襯埋啲紅色o既波波會young啲sharp啲。
後來o係expo.又比我見到呢個鳳冠喎，今次係o係鴻運見到o既，佢仲話會展出租價係$280，真係好抵o架，其實當時都心郁郁，但唔知點解行行o下唔記得咗喎.....
o係金都再見到佢，竟然忍唔住手買咗.....盛惠5張紅衫魚~~嘻嘻，大家一定好奇怪點解我唔租呢？因為.....呢個係細版鳳冠，原本佢係monchhichi戴o架~~哈哈~~你哋睇o下幾細個~~(我覺得我家牛牛戴得好睇過我喎，佢戴咗之後真係好似含羞答答咁
)
咁雖然要5百蚊，但第日用完可以賣番出去吖~~(安慰自己同欺騙查理斯付款o既對白
)
沒有留言:
張貼留言