之前贏咗萬福的對戒，都未post過佢o既真面目，又比大家睇o下先~~
其實萬福的對戒(圖左)都幾.....特別的，鑽石的位置對準我們的婚禮日期，看到嗎？是20 Nov~~
不過雖然係好有意義的獎品，我哋都無打算用來作結婚戒指.....而幾年前其實我都幫襯過萬福買咗對18k玫瑰金的光身指環，作為我同查理斯的週年禮物，平日又唔會戴咁多戒指，所以呢對獎品都係無戴過o架....(原本諗住帶佢上去影pre-wedding，點知唔記得咗喎......)
圖右就是我們的結婚戒指了，拍出來好像不夠玫瑰金.....其實....這陣子我看中Belgium Diamond House的對戒，真的既特別又漂亮~~
但係.....
對於已擁有4隻全新戒指的我們.....再買一對似乎太浪費了.....所以我成日都同查理斯講：一週年我們就換過對結婚戒指吧......哈哈
究竟有無人好似我咁結婚戒指都會轉款o既呢？
後記：
有日終於去咗睇左上角呢對戒指，女裝的實在很漂亮，但男裝的即刻變咗同潮流特區買o個啲925純銀情侶戒指咁.....唔Grand.....
本來諗住買呢款o既女裝，再搭另一款的男裝，擺埋一齊都好襯好似一對o架，我知查理斯好想買比我，仲猛叫人度晒手指幾多號(估到佢諗住第日自己再o黎買啦)~~但係，一對要$21000，一啲都唔值呀!!!!!!!加上求婚戒指已經係好似crown咁款，我唔需要再為自己隻手指加多一個冠冕喇~~
成功無敗家咁行番出呢間舖頭，感覺仲開心過買咗呀!!!!!因為慳番呢筆錢差唔多可以book埋Garden Suite喇~~
實情係......結婚第二日開始唔戴戒指
回覆刪除[版主回覆09/14/2010 11:51:00]哈哈~~咁都得
我覺得belgium左上角果對好襯你地~!
回覆刪除[版主回覆09/14/2010 11:51:00]我都係最鍾意o個對呀!!!!!!!!!你好了解我呀
五周年換一次新介子都有20年用呀! 哈哈..so sweet~^^
回覆刪除[版主回覆09/18/2010 08:26:00]至怕未夠20年，隻手指肥到戴唔到戒指迫住要換
你依對得獎介子，我都有諗過做婚介，但王志話太重wo﹐所以未有考慮
回覆刪除[版主回覆09/20/2010 09:10:00]其實都比想像中輕呀.....不過有日期就都特別O既~~
我地都係咁, 仲未決定用邊對戒指做婚戒.. 因為我成日整唔見戒指的~~~
回覆刪除[版主回覆10/03/2010 09:13:00]貓貓貓貓貓~~加油呀!!!!!!咁夜仲唔瞓!!!!!!!做咩仲睇blog呀~~~一係當頸鍊戴住吖？
見到你讚Belgium Diamond好鬼高興，因為我地對介就係果到買架！so far都無咩見有bloggers提過有去lee間睇，終於見到有人都欣賞啦，hehe!
回覆刪除[版主回覆12/14/2010 09:49:00]你買咗邊對呀？佢啲戒指真係好靚會令人迷失o架,但好彩我夠定力,因為佢個價錢都好堅呀~~
I also like the female style on left top pic but ended up buying another one as the male style of that pair is not as good. We went for the one which looks similiar to your pic on right top, but is the exactly the same. Perhaps I will put a pic on my blog later when have time :)
回覆刪除[版主回覆12/15/2010 11:11:00]係呀,o個隻男裝好hea唔靚,同個系列完全唔夾,但其他款都靚呀~~