1. 閃靈
去親婚宴，都唔難發現啲媽咪奶奶新娘新郎，都係由頭閃到落腳o架，完全明白套衫閃係想搶鏡，但係連頭髮都噴滿閃粉就真係想問.....仲興o架咩？我見阿小鳳姐入行幾十周年個演唱會都無閃喇喎......
2. 大頭狗
唔知係咪以前擺酒係o係大排檔有啲牛角扇狂吹住，所以啲髮型師硬係鍾意梳到媽咪奶奶個頭好似戴咗頭盔咁，又 大 又 硬，突然間個個好似變晒大頭鬆師狗咁，唔知有無媽咪奶奶睇番啲相係會勁後悔o架呢？
3. 事業線
我連自己o個條都要收埋，當然唔希望見到有人胸襟廣闊咁中門大開啦(如果你私底下露比我睇我無任歡迎)，我見過有啲主人家個家姐/細妹/MC著到勁惹火，好似完咗個婚宴就趕住去蒲老蘭咁，如果真係咁，你o係老蘭紀念我得喇，我都祝你釣到件陳冠B~~
4. 六嬸、三太公
六嬸! 三太公! 大眾開枱喇面似蓮蓉~~
我都知小賭可以怡情，但有啲人小賭都亂性o架o麻，曾經我做姊妹，成圍兄弟未開席已經圍埋聚賭，仲要安排佢哋坐正個台隔離喎，"發 你 個 財 財 入 晒 咪"，今晚贏多啲，聽朝輸咗個朋友o架喇~~
5. 酒鬼
醉酒鬧唔鬧事o既人我都極度討厭o架~~究竟係我嫁得出你開心到咁定係你暗戀我痛失愛人所以先飲到咁大呀？如果唔係，麻煩你跟埋o個一眾事業女郎去老蘭劈過啦~~唔好搞寸我個party，你醉咗，我唔會覺得你係鄧我高興，我只會覺得你連買醉o既錢都想慳番！
6. 超級懼聲
新郎哥通常都係唱番首歌冧o下個老婆o既，唱歌無問題，你五音不全都無問題，但唔該你比啲開大/ 沖涼o既時間開o下金口練o下歌吖~~
有位新郎哥唱首詩歌冧佢老婆，唱到好似朗誦咁，新娘子都感動到喊晒咁......
查理斯，我話你知呀，你唔好製造呢啲另類驚喜比我呀，你高歌o既片段將會被錄低，第日笨啦啦成個家族都會重複又重複咁指住個電視狂笑o架
7. 超級懼聲2
除咗新郎哥鍾意獻唱，有位新郎哥的神學院同學，作咗首歌送比一對新人，問題係佢首歌無人伴奏，佢就咁清唱已經好攞膽，佢啲歌詞真係嚇屎人呀!!!
佢仲將新人個名入詞，又話新娘活潑天真、著咩豔麗晚裝，真係想o係後排酒席搵人射殺佢呀!!!
講到尾，呢啲人都係身痕欠揍呀!!!
哈哈!我試去飲,有人飲到嘔.....唉!所以我同林生講,唔好買d好飲既紅酒,免得d人好飲到要不停飲.....
回覆刪除超級懼星真係好惡頂呀~~~我做酒店part time都見過唔少呢d懼星, 都唔知好嬲定好笑(我多數係忍笑), 真係獻醜不如藏拙喇
回覆刪除另外, 我好怕有個game, 好似東華籌款咁, 係咁叫d賓客入錢落個抽獎箱度, 見d兄弟姊妹團個個拎住個箱仔"籌錢", 威迫利誘咁叫d人放錢入去, 真係好面矇好慘啊~~~之後個新郎仲要好開心好high咁抽d人名出嚟, 叫佢地單手伸入個籌款箱度, 拎得幾多就係你, 仲話自己加咗碼......唉......攪咩呀, 無錢攪game咪唔好攪囉, 唔係人人想自己的全朵俾晒人知ga, 抽成jar $20我係唔係應該開心先......總之成個game都好樣衰呀~~
by笨豬小慧simple
好在我自己結婚果時完全無呢d人~~~
回覆刪除我試過有次去飲, 停哂起菜俾新郎唱歌, 唱得好唔好聽我都覺得okay! 因為佢係主角~ 但最慘係新郎既伴郎, 話要唱歌送俾新人, 仲要唱完一首又一首, 雖然都唱得好聽, 但因為咁停左上菜半個鐘, 仲要佢開始唱既時候已經11點....
金絲雀我最鍾意睇你d blog 架o即 超寫實 愛死你呀衰鬼 hahahahaha...........
回覆刪除同意… 而我最怕有D人自己勁飲之餘，仲隊人飲酒， 好似係佢自己辦喜事咁~ 佢醉左仲麻煩，係度發酒癲… 仲有好鬼驚果D無聊game， 一個唔好彩被人抽中左仲要上台玩， 唉…大家安安樂樂、高高興興食餐飯咪算law…
回覆刪除閃靈!!! 我真係好憎呢樣野呀!!! 死啦我好擔心阿奶奶真係會噴到成頭金粉呀..........................................................
回覆刪除超級懼聲...我成日都明示暗示俾我男朋友聽叫佢俾驚喜我唔好揀唱歌架....
回覆刪除我奶奶咁 like 閃閃閃閃閃閃，我估佢會由頭閃到落腳趾尾 ... 唉，我應該要自備黑超至得 ... 我怕比佢閃暈 ...
回覆刪除好攪笑呀~~~我自己覺得酒鬼係最pk的，其次係賭鬼，但多數都會2合1先得意。見過開席都仲有成班親戚一邊隊酒一邊賭，真係唔知果班友黎做咩o既~~~~~~~~當自己book左場開party咁 >.<"""" by醒目主人simpson
回覆刪除酒鬼哩家野真係唔得講笑，我試過去飲，大家同事坐埋一檯。有啲後生仔 同事自己玩互隊，最後食糖水嘅時候 ，其中有個享枱面嘔到一枱到係。大家驚叫四散～
回覆刪除賭 ~最唔中意LO~真係好似係佢O地自己開P一樣~@@ 賭<--到咩人都唔理~飯都唔食~傻嫁~
回覆刪除哈哈!~~你每一個point都講得好岩丫~~
回覆刪除hahhaha
回覆刪除滿頭閃粉好可怕架, 我阿媽同我講, 有次去佢同事D 婚禮, 佢係聞到人家奶奶個頭有陣"膠"味, 所以佢一定唔會做呢樣野!!! 哈哈!!!
回覆刪除你有無見過老爺奶奶係酒鬼既婚禮, 我有次去一場, 飲醉既係新任老爺奶奶, 真係係主家席大叫 "飲勝! 今晚不醉無歸!!!"
而個一刻, 個新娘忍住眼淚多謝緊佢爸爸媽媽...........
唉
我都好討厭六嬸、三太公同酒鬼!!!
回覆刪除我試過去個小同既喜宴, 隔離枱賭cards, 開席前新人o係台上講野 (感謝緊家人), 佢地仲大大聲賭緊錢, 有位阿叔中間好大聲咁講 "唔好咁 x 大聲啦, 人地講緊野呀"... 附近既枱都清楚聽到佢地講咩!
我中咗啦!有一條友自飲到由march in瞓到走
回覆刪除你知利生做邊一行架啦..
回覆刪除到時佢d..同事.......
實中晒你以上講既野~!!!!
同埋我覺得去親婚宴,...實有人著到勁惹火的....
要靚過身娘....要搶下鏡...姣下佬賣大包~!!!!
實有呢d人架~!!!!