惡女‧美女‧品美女

嘻嘻，講個秘密你哋知吖，上星期雀腸胃炎嘔咗兩日，星期五查理斯差啲想以死進諫我唔好出o黎同幾位B2B見面o架 (仲要去打邊邊喎~~)，好彩我無理佢o乍，咁就成就咗雀一次同3位美女同枱食飯o既機會喇~~~呵呵呵~~~ (好像變態金魚佬.....)

(放心，以毒攻毒o既情況之下，我已經排毒成功，而家舒暢晒~~)



惡女，呢個只係佢o係網上世界o既化身，真實世界o既佢其實唔係惡形惡相仲好靚女tim~~(其實呢，如果你唔開聲就更加可以扮係斯文溫柔o既表表姐呀~~)

我好好好鍾意睇惡女個blog，大家成日話我寫啲嘢好笑，其實佢寫啲嘢仲啜核仲抵死風趣呀，好多次，我都忍唔住一邊幻想o個啲情境一邊笑出聲呀~~

美女，真人靚過上鏡好多呀!!! (其實你唔發覺o乍，我偷望咗你好多次然後o係個心入面慨嘆：我塊面大概係你o個塊1.5倍，我全身最白o既地方──腳板底都無你咁白淨啊~~)

品味女，呵呵呵，呢個....你係公認o架啦~~~

(惡女‧美女‧品味女，你哋自己對號入座啦~~)

除咗20111120 o既BG2B之外，我都好喜歡同佢哋見面，因為大家實在太o岩傾喇，每次聚會完我都有"可恨個太陽咁早收山"o既感覺~~

由初初大家只係分享一下啲著數，到後來大家真心想對方都有著數，我好珍惜呢份友誼，如果唔係搞結婚，相信個天唔會將我哋擺埋一齊，因為我哋一碰面實在太太太太嘈同太多嘢講，而有時啲說話同埋諗法又真係好爆....同埋好賤格~~

今次仲開心o既係，終於都可以見到另一位同我同一日大日子o既B2B，簡直有相逢恨晚o既感覺呀!!!

一邊烚o下烚o下，一邊聽o下大家遇到o既爆人爆事，"大地在我腳下"、"龍鳳theme"、"龍鳳茶壺Limited edition"......真係正到痺~~

我哋大家最緊要唔好忘記，12月頭要去

執 死 雞!!!