不過，當初寫呢個blog係留比自己同查理斯老咗o既回憶，所以唔理有無人睇我都係應該要繼續寫o既 (但我估我要搵名醫斷咗我條懶筋先.....)
8月頭開始，陸續為雀巢添置呢樣o個樣 (咪即係持續敗家囉)，雀巢已經逐漸成形，不過當中的辛酸真係不足為外人道呀!!!
首先大家睇一睇呢張床 ──
佢就係我哋o係燈神連鎖店買的5呎床，由於Simmons床褥唔用得魚骨床架，而大部份油壓床都係魚骨架，所以就揀咗呢張喇，橫掂我哋應該唔會擺啲咩雜物落床底，所以揭板就算唔方便但都應該煩唔到我哋......不過......
呢張咁實用又都算靚仔(最緊要係平)o既床架o係我哋瞓咗兩晚之後正式玩完!!!!
大家唔駛諗衰嘢亦唔好諗多咗以為有鬼有床震有地震，事實係查理斯藝高人膽大企咗上窗邊掛窗簾，正所謂上山容易落山難，佢想落番床o既時候隻腳差兩吋先掂到個床褥，查理斯當堂洗出輕功鳥，一跳.....呢一跳真係震撼啊......
佢功力太深厚，成張床
Total Loss ! ! !
(啲保險公司除咗家居保險之外，大概可以宣傳一下傢俱保險，總有客源的......)
雖然我都預咗呢啲床襟極有限，但真係估唔到化學至此.....
(其實又唔可以完全賴晒查理斯o既，話說o個晚朋友帶咗佢個仔o黎玩，2歲o既AA不斷玩跳彈床，佢一路跳，佢阿媽就一路講：多仔多女多仔多女，就咁我哋就完成咗安床o既儀式喇~~wakakaka~~由於調查無法進行，我哋就當AA跳床時已經埋下咗床裂o既先兆吧~~查理斯，這樣你會好過一點嗎？)
由於只係瞓咗兩晚就有咁o既化學作用，雀點會甘心呢，梗係打去比燈神略施小計希望有得補救啦~~
結果，我打親去顧客服務熱線都只係叫我留電話等供應商覆我，等咗兩日都無聲氣，忍唔住向消委會投訴 + email比燈神，原來燈神唔接電話但係識覆email，email send出去十五分鐘內有專人打來跟進事件並約好時間等師傅o黎搞掂張爛床，再過五分鐘連師傅都打o黎話佢會o係公司搵兩塊硬淨啲o既床板o黎同我整番好張床，good~~燈神果然有求必應~~
幾日後我哋張床就整番好仲實淨好多tim~~嘻嘻，咁算唔算因禍得福呢？
真係咁化學ga!!! 唔緊要喇....好過你地瞓瞓下張床先黎爛嘛...
回覆刪除[版主回覆09/08/2011 15:52:00]嘻嘻,啲蔗渣板.....流爆呀~~
wa.... total lost really too crazy wor!!
回覆刪除wahahaha~ 查理斯連張床都整得爛.....太勁了。笑爆!!
回覆刪除嘩, 好得人驚, 查利斯彈落黎果下真係好有威力.... 現場睇應該更加震撼!!
回覆刪除WAKAKAK~~我一路睇一路大笑呀~~~~查理斯呢一跳真係好經典啊, 夠晒威力!!! 好彩有得整番, 唔洗買過張。 BY笨豬小慧SIMPLE
回覆刪除頂唔順，笑左成5分鐘~~~~~~~12號我又要跳下床先 wakakakaakkaka
回覆刪除但其實一睇佢個設計應該日後都係唔好比查大伙再施展輕工水上瓢啦~~~~~
by醒目主人simpson
嘩! 咩野床黎架? 好彩你HONEY無事咋, 床板小事整親就大件事啦! 你地就黎BDAY要小心D!
回覆刪除原本塊床板睇落好薄喎! 換左塊硬既, good!!! 不過點解唔換埋餘下既一塊既?!
回覆刪除[版主回覆09/12/2011 11:29:57]餘下o個塊係個櫃枱的面板,佢成個地櫃咁砌好咗o架喇,所以無得換,o個塊反而無咩問題呀,其實只要佢唔再施展輕功,應該都安全鳥~~
嘩~我張床裖都有100磅,如果爛左就慘喇~!希望你地新既床板會好d啦!最緊要係查理斯個人冇事`冇整親就好喇~
回覆刪除跳爛咗張床咁勁爆.......!!!! 應該查理斯跳中咗張床的死穴...
回覆刪除唔係呀...跳幾野就爛左..??? "化學"左d wor... 查理斯有冇整親呀??
回覆刪除如果"燈神"唔整真係要投訴到佢暈呀.. 兩日貨仔就爛~
btw update左版面,你知唔知我係邊個呀???
唔知cfu黎整果時會唔會心諗你兩位究竟對張床做過d咩黎呢...
回覆刪除嘩哈哈,,,有咁勁?HAHA咁都好彩,,係幾日內壞左,,可以換個新的板板,,,不錯架啦
回覆刪除勁啊!!! 原來係咁爛法....
回覆刪除即係中秋0個晚我地響度典既時候係換左既新床?
查理斯內功深厚，真係武功高强呀wakaka
回覆刪除haha~~笑了, 你形容得好搞笑
回覆刪除說實在, 佢support床板得個4條橫坊, 隔咁遠, 好心佢就加多條直板成托啦~ 真係呀....
咁化學,好得人驚!!!
回覆刪除你寫得好搞笑, 攪到我都忍唔住爆笑0左出來添 :D
回覆刪除