成帖之路

因為Budget有限但又希望張帖可以配合金絲盛宴的主題，所以我哋都傾向先o係坊間印製普通款再DIY~~

首先我哋o係expo join咗名帖，對於呢間公司，我哋唔會彈但都唔會讚，只可以話大家付出的係等價交換，無蝕都無賺......

我哋每張帖價值大約$7，但只係包咗封面壓紋及熨啞金Logo，Logo咁大個仲要加錢，不過可以攞番個電版~~

製成品一如所料，因為實在太簡單，無咩可以再錯的地方，唯一挑剔的是啞金變咗啞銅金，顏色偏玫瑰金，不過尚可接受~~

大家睇到呢張咁白雪雪o既帖應該都估到老人家係唔會鍾意o架喇，所以我哋決定加啲色水比佢，等佢有番啲囍慶感啦~~

第一樣想到的是加火漆，上網找了很久也只得平常大家買到的金銀紅色，o係香港見過有以下呢啲色但貴到飛起，查理斯很勁，o係淘寶搵到以下呢啲好嘢，落單時我哋只要8隻色(撇除藍藍綠綠色系)，但賣家費事煩，執齊一套比我哋~~好似係RMB$6一支，一支大約可以完成6-8個火漆圖案，你又鍾意邊隻色呢？

除咗火漆之外，我哋仲o係淘寶印製咗透明膠貼紙打算用來貼信封口，至於o個一堆金色係咩呢？

為咗配合金絲盛宴呢個主題，同埋半島o個種simple but elegant feeling，查理斯又淘咗一大堆呢啲人哋製衣用的配料──通花金片~~



萬事俱備，可以開工~~

首先係試o下邊隻火漆顏色靚仔先~~呢隻火漆唔單止顏色選擇多，而且質料亦比其他常見的好，弄得不好看的可以原個好似貼紙咁"meet"番出o黎，亦都唔會o係張紙度留有痕跡，如果大家想配合番自己的theme coior，真係可以慢慢揀啊~~

火漆可以o係呢度買：http://yccx1688.taobao.com/
(我搵唔番我原先買o個間喇，不過見到呢度都有)

跟帖有信封送，我哋揀咗桃紅色，因為可以中和番帖的白，希望看來都囍慶一點但又不土，信封面的熨啞金字體是名帖免費包印的，但只能在它現有的圖案中選擇~~

最初的構思是用絲帶 + 金片 + 火漆 + 內頁pocket，但怕煩的我們最終選擇了比較簡單的做法......

先用白膠漿塗滿金片的底部再逐個貼好，由於金片凹凹凸凸的，又買了一堆文件夾夾實佢風乾.....

左下角是失敗的例子，白膠漿用得太多了，雖然乾掉後變了透明，但還是不合格 !!!

別以為一塗一貼一夾很輕鬆，一個人又塗又貼又夾真的很慢啊，所以後來變了我塗我貼查理斯夾(這樣的分工他很爽吧.....)

貼好了金片已不容易，還要再加上少女k贈送的閃石，試了很多個版本，所以如果你收到的是以下這幾款，恭喜你了~~是限量版製作啊~~

最後我選擇了貼在金片的角位，不突出但光線下一閃一閃的，不起眼的高貴啊~~

痴石也是一項偉大工程，我沒有買箝，先用牙簽點一點白膠漿在要貼石的佔置，然後用手指頭的肉痴起粒石貼落去再求其隨手攞啲硬物按實它，風乾，完成了~~

白膠漿沾到閃石表面會起了一層霧般，但乾掉後用手指甲刮走就可以了，閃~~



信封面也要製作啊~~

信封封口改了用火漆，但原始的滴蠟我哋玩唔起，你看看啊，要先切蠟粒再放到羮上燒溶，我們要製作over 200張帖啦，誰有空玩這個？

 

所以我決定煲蠟 !!!

起初我只是用蠟燭加熱啦，查理斯乾脆找來我們新買的打邊邊電爐，再去10蚊店買咗個煎pan，開工~~~

不用切粒不用逐個燒溶，慳時間又方便，今次用剩的蠟用保鮮袋連煎pan封好，下次再煮過~~

終於來到入帖的一步了，信封面原本用手寫字再加embossing powder，但雀嫌自己手字幼稚咗啲，用printer先印好名字再用embossinf powder，yeah~~靚仔晒~~

猶幸暫時每個收帖的朋友都覺得加了金片的囍帖很Grand，不枉我同查理斯痴到痴咗線，不過如果唔係有查理斯陪住我一齊整，我一定一定一定唔會DIY喇，太辛苦了......希望大家收到張帖就算會丟都"meet"番個金片留念啦~~

請帖陸續製作及派發中，各位紮定馬等接雀彈好了~~