完全唔記得咗點解會無啦啦走咗去Cake 2 (Cake Square)訂蛋糕，不過原因都不外乎係貪便宜去試食 → 覺得好好味自己想食 → 餵飽啲賓客o既o者~~ 
有啲新娘子係因為想o係個靚靚蛋糕前面留倩影，好在我唔係因為呢樣嘢而比咗咁多錢去阿茂整餅o者，如果唔係，我一定當場噴血......
由於我哋揀咗15磅三層o既蛋糕，而蛋糕中間係用cake stand隔開，因為咁樣望落去呢會高啲，影相出o黎好似大體啲咁。咁cake stand呢啲空位就要用花去遮住佢喇~~
傾款式比尾數之前我一再問sales駛唔駛要好多花o架？佢話唔駛好多o架o乍~~ 咁由於呢間餅店一直都好好comment，我亦掉以輕心放咗一萬個心......咪就係咁觸礁囉~~
話說我哋一直都"以為"係19號(結婚前一日)先需要攞啲花去餅店，到17號patpat痕攞張單瞄一瞄先知，18號就要將啲花送去花店，但18號一早真係N咁多樣嘢排住隊等我哋處理，於是我哋就打算o係17號呢個尚算得閒o既日子KO埋佢~~
我哋去咗餅店附近o既花檔打算比錢買咗，叫佢第二日朝早送去餅店咪搞掂囉，不問由自可，一問，先知完全無概念應該買咩花同埋買幾多?!!!!!! 見間餅店唔遠就直接去問啦~~
一問，佢話係......
100枝玫瑰 !!!!!!
我唔知佢有無收過99枝玫瑰花束，我只係知道，100支真係雷咁大束!!!!!!
究竟將雷咁大束o既玫瑰花放落我個豆潤蛋糕度會唔會令個蛋糕變咗豆腐渣工程呢？
o個刻我哋真係 O 晒咀......
難得個店員仲以為我哋慳得就慳，叫我哋出花墟買，平啲喎......對於呢個建議，真係多謝晒!!!!!!
鬼唔知唐唐無膊頭無腰骨咩？我夠知花墟平丁屎咁多啦，問題係，平極，100枝又要送貨，我估八、九百蚊走唔甩囉......
如果我要加八、九百蚊落個蛋糕度，我希望係實實際際買多幾磅食飽佢，多過買雷咁大花束整冧佢喎！
同埋最重要係，我哋無時間過海去買花o黎entertain個蛋糕囉！
好喇，佢又退一步喇，話一係買9枝繡球，仲一定唔知要咩品種o個隻......
頂頂頂頂頂！
我個樣似屋企開花舖嗎？繡球都講緊$50@枝啦，咁即係又加幾百啦！同埋我最唔放心o既係繡球一離水就好快玩完，而家仲要早兩日送去比佢，真係捱得住嗎？個店員梗係話佢哋有專人處理啲花啦，但我已經唔再信任佢哋喇......
呢個已經唔金係錢唔錢o既問題喇，而係我訂時已經問過要幾多o架啦，佢話唔駛好多，100枝玫瑰都唔係好多？
我哋話咁我哋有啲絲花繡球得唔得？佢話唔得！
我哋問佢咁而家改款唔用cake stand得唔得？佢又話唔得！
但其實佢個蛋糕呢一刻肯定係未整o架喎，又或者只係唔用cake stand直接將第一層同第二層叠番埋，我睇唔到有任何技術攔阻而做唔到囉！完完全全唔helpful，無諗過要幫個客解決困難......你死你事！
結果，我哋唯有o係附近o既街市搵咗檔僅餘o既花檔，買咗80枝桔梗，請佢翌日指定時間送去餅店。
由於我哋無睇過啲花，結果唔知係啲花送去o既時候已經唔新鮮(呢個機會好微，因為佢檔仔太細，唔會有咁多桔梗存貨)定係餅店唔識搞(唉......)，大家睇o下過咗鏡o既桔梗十足十梅菜一樣，感覺上個蛋糕每一層都插滿咗......
唔新鮮o既西生菜!!!!!!
(哈哈哈哈哈，我而家唔氣忿o架喇，所以我覺得自己形容得好貼切~~)
個cake topper都係同呢間餅店買o架，七百個大洋，如果唔係佢，呢個蛋糕真係完全唔靚！但係我哋交低個cake topper比餅店時已千叮萬囑要幫我哋開著燈，結果，又係無做到要查理斯補番......個開關o係底部，佢放咗上去又攞番落o黎都真係又煩又o徒時間！
唔好問我點解個蛋糕啲吱花點解咁平凡咁簡單，我估我哋同佢傾款時中咗魔咒，先會比幾千銀買個咁實而不華o既蛋糕！
最後，查理斯送我的驚喜豬頭蛋糕都係幫襯佢o架，呢個蛋糕真係做得好似好真，但前面啲糖霜做o既細雀仔同個相愛9年牌又唔知加咗幾多錢先有o架，又掠多一筆......
總括o黎講，我點都唔推介大家比幾千蚊去呢間上咗神位o既餅店訂你o既結婚蛋糕，除非你真係唔求外表但求好味o既新人，因為好多賓客都話個蛋糕好好味，而姊妹仲話同個結婚餅餅影相時聞到個蛋糕好香tim~~
下..我見好多人真係去果間野買喎... 我見酒樓有得送蛋糕, 仲要係總有一間係你左近既美心... 我做唔會難食得去邊卦... 如果唔係, 我一定走去拆佢招牌呀...
回覆刪除[版主回覆02/22/2012 19:28:24]係呀,呢間嘢好出名呀,丁生丁太結婚都係呢間呀~~
哈哈!!!個CAKE真係好多花花,不過都仲係好靚^^
回覆刪除我嗰時又OK噃,冇事冇幹,花都唔洗我買
最最最開心就係個個都讚靚靚^^
[B KI KI回覆02/23/2012 16:38:52]係呀,我話咁咁咁,佢地就點點點喇,真係冇叫過我地買
[版主回覆02/22/2012 19:29:58]連花都唔駛你買咁好?!!!!
你唔講個d桔梗係鮮花..我以為係假花/絲花....仲有呀...你再話似西生菜之後...不禁又覺得似囉!!! 幾千蚊唔緊要...但職員唔helpful...條氣都頂頂地!!! 查實...個cake係靚囉...但d唔夠sharp咁...
回覆刪除[版主回覆02/22/2012 19:30:36]係勁似西生菜呀!!!!! 比咗咁多錢最後賣相麻麻哋.....好彩好味道O乍.....
唔新鮮o既西生菜!!!!!! <---WAKAKAKAKA.........我o個時遠睇唔覺唔新鮮
回覆刪除[版主回覆02/22/2012 19:30:56]近睇似到痺,而家睇相都似啦~~
西生菜~~~ , 又真係幾似
回覆刪除[版主回覆02/27/2012 23:55:04]好似o架真係,剝開個西生菜中間黃黃綠綠o個啲葉係咁o架
d vendor 一出名就變成咁... d service 真係好差呢...
回覆刪除不過整體黎睇妳個蛋糕都仲係好靚呀，不過其他人未必覺值咁多錢 loh...
[版主回覆02/27/2012 23:54:42]....陰功......駛咗七千蚊o係cake 2訂蛋糕呀.....
個蛋糕睇嚟清得嚟好靚啊~ 當然中間如果夾玫瑰應該會更靚~
回覆刪除有冇得齋買個cake topper ga?
[版主回覆02/27/2012 23:54:01]有呀,我個cake topper唔係訂蛋糕先買得o架~~
估唔到有個咁大0既波折....不過你放心!!!!當晚我食個cake0既時候係無見過成個cake的真身!! only睇個綠色底的蛋糕上面有2朵花的裝飾時, 我覺得好靚~味道仲好好~^^
回覆刪除[版主回覆02/27/2012 23:53:26]THANKS SOOOOO MUCH~~~o個日真係唔好意思呀,連同你傾多句都無時間,之後會再寫番半島啲衰嘢呀,真係好開心見到你o黎o架,thanks sooooooo much~~~
唔新鮮gei 西生菜 ---> 笑咗﹗
回覆刪除但你放心，你唔講係唔覺佢似，至少離遠 gei 感觀係似花唔似菜 ...
不過神級餅店堅係啲款唔值咁多錢，所以我食完免費蛋糕後就閃人了 ... XDDDDD
[版主回覆02/27/2012 23:52:21]衰嘢笑人哋....但真係堅似係咪先?
唔新鮮o既西生菜!!!!!! 呢個形容得好貼切呢, 同埋點解唔俾人用絲花呢?! 最後真花假花都係唔會食架啦, 有咩所謂姐,,,
回覆刪除[版主回覆02/27/2012 23:52:04]咪係囉.....都唔明,真假花佢都係咁消毒O架喇.....
佢出左名就會串D ga la~~
回覆刪除[版主回覆02/27/2012 23:44:16]唉....似乎好多VENDORS都係咁
妳個蛋糕仲係好靚, dont worry!!
回覆刪除[版主回覆02/27/2012 23:44:03]THANKS :)
要靚真係只有糖霜蛋糕做到, 忌廉蛋糕的變化少好多嘛。BTW, 街賣的鮮花唔係都有防腐劑農藥o個d, 買嚟做蛋糕裝飾得唔得ga? by笨豬小慧simple
回覆刪除[版主回覆02/27/2012 23:43:47]佢會將啲花消毒O架~~
唔緊要, 依家個旦糕咁睇都重係好靚架! 雖然我睇到你話似生菜真係笑左!!!!!!! 哈哈...
回覆刪除[版主回覆03/02/2012 17:23:58]係咪似先?我一望真係覺得呢個係大型西生菜主題蛋糕,wakakakakakakaak
唔好嬲, 雖然你話唔靚(其實我覺得堅ok架!!), 我見到個蛋糕時已經"嘩~~~~超豪華"
回覆刪除[版主回覆03/02/2012 17:22:11]我估係因為佢雪過啲花,消毒都有可能呀,其實佢用絲花咪好囉....消毒定等人哋揀,又唔駛煩到個客.....
[Lovely Cinnamoroll 小白回覆03/02/2012 16:54:00]係囉, 我真係都覺得OK 呀! 真係見得人呀, 同埋好大座好震撼!!! 但我忽然諗起, 會唔會係因為消毒過程搞到無左顏色??
唔好咁嬲啦~~~睇相都幾靚呀~~~個城堡好靚呀!!!著左燈好靚呀!!!好配合你台既城堡呀!!!
回覆刪除蛋糕Overall都幾靚^^", 尤其個cake topper係一絕!唔好嬲啦^^
回覆刪除或者你買白色嗰隻西蘭花塞落去，化算得嚟仲可以之後煮嚟食。。。
回覆刪除雀仔唔好嬲啦~~~我就咁望落去都好靚丫~~~不過佢D顏色唔得啫~~
回覆刪除不過見你形容為生菜真係係公司忍唔住笑呀!!!
其實都唔係好衰o者... 亦唔算太西生菜 (少少都似o既又...) 大體上親友 comment feedback 好咪算囉. 只係佢幾千銀就真係太貴o者... @@" 我契妹五月結婚都係訂o左佢呀. 希望大吉大利啦...
回覆刪除[老朽元帥回覆03/14/2012 13:17:38]我另外在FB 覆你丫. ^^
[版主回覆03/14/2012 12:29:46]請指教黑金鋼鑊點樣開鑊？我買時佢話唔駛,用水同洗潔精洗洗就OK,但我買咗兩隻又丟咗兩隻,因為痴底得好緊要呀,只係炒生菜唔痴底.....煎蛋又痴,炒肥牛炒飯都痴呀.....我已經喪落油喇,但咁樣好唔健康喎,係咪要有咩特別方法O架? 同埋係咪唔可以用百潔布O架?
其實....我覺得都仲係好靚喎!!! be happy!!
回覆刪除如果我要加八、九百蚊落個蛋糕度，我希望係實實際際買多幾磅食飽佢，多過買雷咁大花束整冧佢喎！-->極度同意﹗
回覆刪除我諗我係你，即場發癲
咪間鋪頭咁唔負責任0既，問佢野又求其答，又唔幫手解決問題。
回覆刪除不過個豬頭蛋糕靚靚呀~