2012年2月14日 星期二

給查理斯的信(一)

查理斯老公：

終於可以正正式式公開o係查理斯後面加上老公呢個稱呼喇~~老公老公老公......，我真係想不斷不斷咁嗌你呢個新朵，直至將過去未結婚o既時光都補回來為止~~



2003年係我哋過o既第一個情人節，o個一年真係好好笑，我仲讀緊final year，你就係社會新鮮人喇，因為好早就落堂關係，我唯有又走去圖書館煲碟等你啦，點知原來圖書館個死角位收唔到電話，害得你早早收了工又捧著禮物滿街的逛，看看是否可以碰上我......

不過那一年就好似我哋o既愛情路咁，雖然係遲咗啲，拍咗咁耐先結婚，但係總會再遇上並且快快樂樂咁一齊行落去啊！

結咗婚原來真係有磨合期o架，可幸你係一個萬能俠，唔單止o係啲手作仔方面你贏咗我，就連o係呢個極度需要愛心忍耐美德o既磨合期你都贏我幾條街，好多次明明係我牢騷王上身，捉住你依依哦哦發脾氣，你都可以傻笑置之，但願你呢份好脾氣唔會被磨蝕，因為呢，我呢個仲未稱職o既老婆仲需要啲時間去接受(更大程度係想勞改)你同我唔同o既生活習慣......哈哈~~

呢段時間我又無做嘢又無搵嘢做，你都無比任何壓力我，仲成日擔心我無錢，你又唔係油王礦王樓王點心王，但你都盡量想我可以瞓到自然醒，每日lunch只要好開心咁打開門就有你買外賣番o黎餵妻(大家唔好諗到好似餵狗咁呀)，夜晚煮唔煮飯你都由得我，污衣籃滿晒就o黎無恤衫著你都唔會催我，我病仲扭計要飲啖可樂你都縱我......

由你整咗城堡求婚開始，除番開呢兩年多入面差唔多每一日都會有人同我講：你好幸福呀！

說真的，我 知，但o個種感受唔係好真實唔夠實在，但係結咗婚之後，o係一啲負面消息o既衝擊之下，我反而更多時刻反思我哋呢段關係，而結果，我真係好想大大聲聲話比你聽：

「做到你老婆我真係好好好好幸福呀！」
原來幸福去到最深處o既時候係唔實在o架，每一日都好夢幻好似發夢咁，有時半夜醒咗或者半夜未瞓得著，望住你瞓到gur gur聲，我真係覺得自己幸福到不得了，有時諗諗o下又會眼濕濕咁攬住你錫o下你，對住熟睡如豬o既你講：老公，我真係好幸福啊！好幸福啊~~

就係咁，半夜裏有個傻瓜(隔離屋如果聽到可能以為有個瘋婦)又喊又笑又大叫~~

婚姻係長途賽，落咗場我哋就要努力咁一齊跑到終點，如果中途你攰喇，唔緊要o架，話我知或者拉下我隻手，我會停低拖住你慢慢行o架，行o下行o下咁就一世o架喇，我好希望我哋每走一步都係笑住咁去享受！

老公，好多謝你由一開始已經立下決心要讓我過得幸福，有時我脾氣很爛臉很臭，但我真係好愛好愛你o架 !!!

餘生請你指教

查理斯太太
寫於婚後第一個情人節
張貼者： 於

39 則留言:

  1. 仙蒂小溫太2012/2/14 凌晨3:20

    哈哈哈 好LUM呀^3^ 情人節快樂 ！祝你每天幸福甜蜜
    [版主回覆02/14/2012 17:22:22]嘻嘻,你好快到大日子喇,記住好好享受到時每一分每一刻呀,相信你都一定會有一個好冧好難忘的婚禮o架~~祝你一切順利同埋情人節快樂~~

    回覆刪除
  2. 2wonwon2012/2/14 上午8:48

    好幸福呀~~~~~~~~~~~~~~
    情人節快樂呀!!!!
    [版主回覆02/14/2012 17:22:50]thanks~~情人節快樂:)~~

    回覆刪除
  3. Arale2012/2/14 上午9:11

    "原來幸福去到最深處o既時候係唔實在o架，每一日都好夢幻好似發夢咁"~~~ 講得好岩呀~~ 祝你日日都幸福快樂!!
    [版主回覆02/14/2012 17:23:04]多謝你呀~~情人節快樂:)~~

    回覆刪除
  4. 笨文迪2012/2/14 上午10:05

    sweet sweet!~ ^^
    祝你日日都係情人節~ sweet 到老~
    [版主回覆02/14/2012 17:24:05]大家都sweet sweet啦,我都祝你同ben哥日日都係中國情人節,圓圓滿滿,人月兩團圓(人月兩臀圓),wakakakakakaka

    回覆刪除
  5. 小beebee2012/2/14 上午10:15

    so sweet!!!
    [版主回覆02/14/2012 17:24:19]thanks,beebee~~情人節快樂:)~~

    回覆刪除
  6. Egglant2012/2/14 上午10:38

    Wow... Sweet! 你好幸福呀~
    [Egglant回覆02/14/2012 17:32:51]未呀~你加油先la. ^^
    [版主回覆02/14/2012 17:24:58]thanks~~好耐無見喇,你有喜未呀？祝福你同hubby都日日開心幸福~~情人節快樂:)~~

    回覆刪除
  7. 珍妮貓2012/2/14 上午10:49

    真係要講3聲嘩...嘩...嘩....好晒呀!!!^^不過見到你咁幸福我都忍唔住一路睇一路笑呀!!!!你地依家咁幸福我好羨慕你地既小朋友因為佢地都會好幸福呀!!!!^<>^

    咁我希望你日日都發夢啦~~不過工作個時就唔好啦~~知嘛~~kakaka

    回覆刪除
  8. cc2012/2/14 上午10:51

    好幸福好幸福呀~~~~~~
    祝情人節快樂!!

    回覆刪除
  9. Sonia2012/2/14 上午11:08

    嘩...好感動呀!!!!

    回覆刪除
  10. bubibu*2012/2/14 上午11:13

    wow wow wow 基本上每一篇post都有人讚你幸福架啦，幸福雀~ 係呢個年代白頭到老呢四個字知易行難，不過唔知點解我覺得呢度大部分blogger都可以做到! btw，你連lunch都有查理新斯外賣...

    回覆刪除
  11. 陳太,早安!2012/2/14 上午11:17

    好幸福啊~~^^^
    [版主回覆02/14/2012 17:21:25]thanks,情人節快樂~~

    回覆刪除
  12. IRIS2012/2/14 上午11:50

    咦...............好衰架雀 人地係公司睇你封情信睇到眼濕濕呀
    基本上每次睇你個blog都感覺到查理斯係幾咁愛你架 真係要好好珍惜呀
    祝你地幸福快樂!!
    [版主回覆02/14/2012 17:21:10]唔知感動到咁多bloggers又感唔感動到查理斯呢,嘻嘻~~咁你感唔感覺到我都好愛佢呢？情人節快樂~~

    回覆刪除
  13. 林澄2012/2/14 上午11:57

    happy valentine's day..... such a sweet letter!
    [版主回覆02/14/2012 17:03:36]我尋日行街見個商場展覽啲名人情書,所以我又寫,話唔定幾百年後展出o既係我啲作品,哈哈,情人節快樂~~

    回覆刪除
  14. 艾利絲2012/2/14 中午12:41

    我睇你每一篇都覺得你好幸福！加油！願你倆白頭到老，永遠幸福快樂。
    [版主回覆02/14/2012 17:02:57]其實係我有幸福妄想症,成日寫到自己好幸福o者,個個人妻都幸福啦,情人節快樂~~

    回覆刪除
  15. Tareworker2012/2/14 下午1:25

    so sweet! happy valentine's day~
    [版主回覆02/14/2012 17:02:21]我都祝你情人節快樂~~^^

    回覆刪除
  16. SimpsonSimple2012/2/14 下午1:41

    情人節快樂~~~~你呢篇想冧死人咩~~by笨豬小慧simple
    [版主回覆02/14/2012 17:02:32]情人節快樂~~冧唔冧到你先？哈哈~~

    回覆刪除
  17. Vanilla.T2012/2/14 下午1:59

    情人節快樂!!~ 好sweet呀..!!~

    你老公知道你知道佢既付出...一定再落力d"寵"你呀！
    [版主回覆02/14/2012 17:01:42]情人節快樂~~嘻嘻,比你識穿咗我啲奸計.....

    回覆刪除
  18. 小宅女-阿K2012/2/14 下午2:43

    暈喇暈喇..........我係查理斯都俾你冧暈啦......
    祝你同查理斯十年, 廿年, 三十年...一百年後都咁恩愛!!!
    [版主回覆02/14/2012 17:01:23]嘩,一百年>.<.....變咗乾屍都仲恩愛......情人節快樂~~祝你哋一家三口樂也融融呀

    回覆刪除
  19. 盧汶汶2012/2/14 下午2:48

    幸福到想喊呀!!!! 感動的喊!!! 情人節快樂!!!
    [版主回覆02/14/2012 17:00:50]傻汶汶唔好咁易喊啦,今天應該很高興~~情人節快樂~~

    回覆刪除
  20. Jessica2012/2/14 下午4:25

    You're an humorous person but also very senitmental, your words always touched me in my heart! Can't agree more that 婚姻係長途賽, let's work hard together and become a good wife. :) Happy valentine's day!!
    [版主回覆02/14/2012 17:00:21]情人節快樂,有你o既支持,我會繼續寫寫寫,等大家都開心啲~~

    回覆刪除
  21. Vi2012/2/14 晚上8:47

    oohh... you are so sweet! I'm sure you are and will be one of the luckiest women/wives on earth! :) and yea, Happy Valentine's Day! May your relationship with Charles lasts forever and ever :)

    回覆刪除
  22. 小草2012/2/14 晚上9:34

    sweet雀~~ 希望大家都同老公一直恩恩愛愛到白頭!!

    回覆刪除
  23. 莎拉蛋糕Sarah Cake2012/2/14 晚上11:23

    有係呢位查理斯太太, 查理斯日日都係情人節啦,,,

    回覆刪除
  24. mrs. w2012/2/14 晚上11:28

    sweet dou bao!!! haha.... wishing you 2 live happily ever after! :)

    回覆刪除
  25. Double Leung2012/2/15 上午8:43

    婚姻係長途賽~~真係好岩聽呀!!!
    你同查理斯都好幸福呀!!我相信查理斯一定感受到!!!

    回覆刪除
  26. Isabel2012/2/15 下午1:02

    好sweet啊！！！

    回覆刪除
  27. AG2012/2/15 下午5:28

    好感動呀!!

    回覆刪除
  28. 祺高。小朱太2012/2/15 晚上9:29

    SO SWEET!!!!

    回覆刪除
  29. ☆ⓜⓞⓞⓝcolour★2012/2/16 凌晨12:17

    我係旁人都覺得好感動 ~~~ so sweet

    回覆刪除
  30. 傻瓜‧菲2012/2/16 下午5:55

    super SWEET ar!!!!!!!!! feel到晒你既幸福呀!!!!!!!!! 「原來幸福去到最深處o既時候係唔實在o架，每一日都好夢幻好似發夢咁」<-- 我都feel 到過........哈!!!!!!!! really好夢幻~

    回覆刪除
  31. wingwing2012/2/17 下午4:24

    雀，你真係好好好好幸福！
    但查理斯，亦都好好好好幸福，因為他有你這一位欣賞佢、愛佢、同佢一起完成長途賽的老婆！

    回覆刪除
  32. Shelley2012/2/20 凌晨12:50

    好感動,期待你的信 (二)WOR~

    回覆刪除
  33. Ms Bee2012/2/20 晚上11:48

    lum c人喇~~~
    呢封野一定唔可以比老細睇到...佢會怨C我...XDDDD

    回覆刪除
  34. 醜八怪的月芽兒2012/2/21 凌晨12:03

    好SWEET ^_^會幸福的

    回覆刪除
  35. 老朽元帥2012/2/21 凌晨2:21

    需知道幸福並唔係必然, 每天懷著感恩的心情, 也嘗試為對方去做得更好, 就係長長久久既元素之一... 一如我之前所說, 希望你們每一日都過得像新婚那日的心情一樣, 努力呀~!.

    回覆刪除
  36. 文大小姐2012/2/21 上午11:04

    so sweet!~~

    回覆刪除
  37. B KI KI2012/2/22 下午1:43

    好溫馨,見到你講夜晚瞓教一幕,份外覺得好感動

    回覆刪除
  38. Iris2012/2/24 凌晨12:41

    哎呀!!!!!!!!!! 好 SWEET 呀，查理斯有冇睇完又睇，睇完又睇，睇完又睇呀 XDDDDD

    回覆刪除
  39. Lovely Cinnamoroll 小白2012/3/1 晚上11:21

    阿雀, 你呢真係SWEET 到爆炸呀!!!!!!!!!!!!!!!!!!!!!!!

    回覆刪除

訂閱： 張貼留言 (Atom)