証婚律師一波三折

上年11月尾book咗半島之後，就打消咗搵教堂 / 註冊處行禮的念頭，因為半島個Foyer都好靚，就決定順便用o黎做証婚儀式~~(咁樣可以慳番少少$$$)

一開始要搵証婚律師，梗係上網search啦，一輪資料搜集後，推薦咗最紅o既Anthony Lam比查理斯，但係佢好快就ban咗我喇，因為我們都想有少少唱詩歌、讀聖經同埋祈禱o既時間，而Anthony係佛教徒，所以查理斯唔想搵佢~~

然後，我又見到「壹誓証婚服務」好似幾好，上網睇咗佢有唔同o既package，要個人化的宣誓服務，就要over $3500，後來某次婚展去佢哋個攤位度聽o下講解啦，但係o個個salesgirl完全講唔出幾種証婚模式有咩分別，所播放的片段亦都太細聲，根本就聽唔到佢講咩，我哋都覺得好似好馬虎又唔pro，所以就唔再考慮呢間喇~~

再search，有位blogger結婚當日係book咗AYPW(如果想知全名就私留比我啦)，佢係基督徒，咁blogger都大力推薦，仲話如果話係佢介紹o既可能有折，於是查理斯就打比AYPW啦，佢話佢有期，仲話我哋咁快就book，佢e-mail咗啲資料比我哋，我哋就o係e-mail叫佢減少少價啦，佢都好快覆番並減咗$200，我哋見佢咁爽快，於是就再send e-mail話價錢ok，我哋會落實book佢o架喇，咁佢話confirm booking就要比錢喇，同埋叫我哋填埋份「擬結婚通知書」e-mail番比佢，咁我哋拿拿林整好咗又send番比佢問埋佢點比錢啦？點知......隔咗好耐佢都無再覆我哋喇喎，咁我哋又未比錢係咪唔當我哋hold咗期呢？

初時都諗住佢應該好忙所以未得閒覆啦，但後來，過咗都唔知幾耐，查理斯再send e-mail問佢攞acct.no.過數比佢，佢o既回覆居然係：「Keep in touch !」........

How come?!!!!!!!咁係咪即係唔駛比錢呢？

搞咗咁耐，連好有耐性同埋好好脾氣o既查理斯都比佢激嬲咗喇，我哋決定唔理佢，睇o下佢會唔會遲啲再send e-mail o黎話我哋知點樣過數先算啦，大不了就搵過第二個啦！卒之等呀等....等到過咗農曆年，佢都無再搵我哋喇，而我哋亦都決定再搵過個律師，我哋都覺得佢o既答案太無厘頭又或者太有創意了，雖然仲有好耐時間，但又係佢話confirm booking就要比錢，咁去邊度比又唔講喎，唔通我求其走去一間銀行話要入$3xxx去比AYPW咩？Crazy~~

作為負責任的客人，我哋都e-mail番佢話佢知我哋取消booking喇，佢今次又好快咁覆番問我哋有無咩事？希望我哋所有嘢都順利喎......佢應該係以為我哋唔結婚所以取消booking啦，anyway，我又從新搜集好律師的資料喇~~

睇o下睇o下，就搵到而家呢個又係基督徒，口碑又好好的岑漢和律師喇~~

不過3月問佢o既時候，佢話出年的schedule未出，未知自己會唔會唔o係香港，叫我哋今年10月先再打去問佢，但係等呀等，又見網上越來越多人話佢好想book佢，個心又慌死無埋呢個又要再搵，所以上星期就催查理斯打比佢喇，但係佢o係我哋big day 的4:30pm已經比人book咗喇，不過佢話我哋book 6pm，佢4:30pm的新人都係o係尖沙咀行禮，所以應該趕得切，然後就比咗acct.no.我哋落訂，終於我哋都放下心頭大石喇~~

雖然好多人都會覺得邊個律師都一樣o架啦，求其一個咪得囉，但係我哋都有自己的堅持同執著，我哋唔想淨係讀句好短o既誓詞(連承諾疾病貧困都一世愛對方呢句都無)，甚至想自己寫低對對方的承諾，我真係去過一啲婚禮個証婚律師連新人個名都讀錯，唔係讀錯一次，係整個過程讀幾次都錯，我覺得咁樣係無準備的表現，我唔想o係我人生最甜蜜的一刻有人不斷地嗌第二個人o既名，然後問查理斯願唔願意娶o個個唔存在o既人為妻呀!!!!!

至於有啲新人好怕o既律師失場問題，我哋都好期待如果律師失場就好喇，我聽過有個律師因為咁樣而賠咗6位數字(!!!!)比新人呀~~如果佢唔出現而做咁大份人情，我一啲都唔介意呀，佢差唔多可以包起我除咗酒席o既婚禮支出了~~

不過，發夢歸發夢，而家搵到岑漢和律師，呢 6 位數字應該唔關我哋事o架喇~~

岑漢和律師聯絡方法：

手機: 97579071
電話: 36679129
電郵: woshum@yahoo.com.hk
網頁：http://shumhonwo.blogspot.com/

婚姻監禮服務收費詳程:

1. 婚姻登記處模式證婚
HK$3,000(律師費及已包含政府登記費) = HK$3,000(總金額)

2. 教堂式證婚
HK$3,000(律師費)+ HK$305(政府登記費) = HK$3,305(總金額)

贈品及優惠

1. 贈送

a. 精美結婚證書套
b. 實惠/Pricerite 傢俬及家品購物券: HK$1000 (唔知而家仲有無得送呢？如果有就太好喇~~)

2. 優惠

原價每枝HK$198零售價的婚宴專用紅酒/白酒，大昌行現以批發價每枝HK$60出售予本人客戶，詳情請瀏覽以下網頁: http://hk.myblog.yahoo.com/woshum/

服務內容包括:

1. 教堂式或婚姻登記處模式證婚；
2. 1 小時會議及採排；
3. 提早30 分鐘到婚禮場地準備；
4. 提供以下照片內用具借用： a) 羽毛筆 b) 介指枕 c) 粉紅色folder