Interview with 查理斯

嘻嘻，得閒無聊同查理斯做咗個專訪~~用google我問一題佢答一題~~

不過佢番工唔係成日得閒回應我啲問題，所以問住咁多先啦~~(其實我都諗唔到仲有咩好問喇)

**********************************************************************************************

小記: 請問你幾時決定向mc win求婚呢 ？

查理斯: 2009年年頭開始有求婚的念頭。

小記: 點解想求婚呀？

查理斯: 認定mc win係同我一齊過埋下半世o既人！

小記: 咁預備咩時候求婚呢？

查理斯: 2010年11月。

小記:  點解決定用城堡求婚呢？係咪一開始就決定用城堡？

查理斯: 因為mc win講過想擁有一座有傢俬o既木屋模型，咁我咪諗到做城堡囉......閃閃城堡o既構思就來自Disney o既40萬水晶城堡，係有一次我哋去旅行o係機場等緊上機時o係迪士尼舖見到o既，當時就心諗：第日求婚應該要用城堡先得~~

小記:  幾時開始第一次買料？第一樣買咩？

查理斯: 2009年8月尾.....o係美國迪士尼訂番o黎o既城堡，城堡本身唔係好貴，但運費好貴，送到屋企o既時候係一大箱o架~~

小記: 你11月求婚，趕得及嗎？

查理斯: 最初打算2010年11月先求婚，心諗一年時間足夠準備啦….後來有一次行美麗華商場，mc win話如果太遲先求婚，一年唔夠時間減肥......所以打算提前o係2010年情人節求婚。

小記: 點解又越改越早呢？

查理斯: 最後因為要訂半島擺酒，希望o係預訂婚禮的項目之前求婚，讓mc win名正言順的以未婚妻的身份籌備，所以提前到2009年11月就求婚。

小記: 咁咪要趕工製作城堡？

查理斯: 原本好夠時間......最後要趕工做起啦~~

小記:  邊一part最難做？遇到最多困難？

查理斯: 城堡o既燈同電。有唔同o既電壓同watt 要處理，好彩以前讀書學過，要計數；亦要試唔同o既燈、電膽、led燈等等，要令城堡發出o既光最靚最閃，但啲燈又唔可以太大，放落去唔好睇，但又唔可以三心兩意，一來唔夠時間，二來我要用燒熱支鏍絲批”辣”落個城堡度整啲洞口，等啲LED燈同埋電線可以穿過個城堡，呢個都好困難，要度位又唔可以亂咁”辣”。

小記: 有無試過通宵唔瞓趕工呀？

查理斯: 接近完工o既兩星期每個weekend 都差唔多通宵趕工，有時噴咗第一次漆油，半夜起身睇o下乾未或者再噴第二層，噴完又去瞓，慕求等我番工o既時間佢可以乾咗，到我放工番o黎就可以做下一個工序，唔駛o徒時間等佢乾。

小記: 整個工序的次序大約係....

查理斯: 1. 用lego 砌左城牆、橋、城堡內既燈架→ 2. 噴色→3. set燈位→4. 噴成個城堡→5. 裝燈→6. 貼水晶→7. 裝上底座

小記: 遇到困難去邊度搵人問？

查理斯: 問過模型店點整粉紅銀色啦，上網o係啲forum度搵資料。

(待續~~)