2011年7月8日 星期五

苦盡‧甘來

又一晚少女講(男子組，唔係師奶講呀，你哋咁講，即係針對佢o者~~因為暫時係得佢係師奶啊~~)，人哋話同自己鍾意o既人相處先會覺得時間飛逝，恐佈o既係每次同你哋見面我都有呢個感覺....... (但....我愛o既.....始終都係查理斯......)

尋晚o既重點係姊妹分享佢新鮮滾熱辣o既求婚事件，雖然我哋無一個在場(但我哋恨不得可以在場!!!!)，但聽時都好投入又好感動，這個花了很多心思又做足保密功夫o既男人，You deserve it~~

姊妹分享完後說了一句：我覺得自己苦盡甘來了！



唔知點解，聽到呢句說話o個一刻有莫名奇妙要哭o既動動

因為知道姊妹o既經歷，柔弱和順o既背後係要好多o既勇氣、堅強同埋愛先可以重整o既人生，而家有一個咁愛佢o既男人為佢花咁多心思將佢放o係第一位，過去捱過o既苦痛到咗呢刻算得上甚麼呢？

多年來因為傷痛而流o既眼淚都化成了祝福，變成了喜悅o既淚水，苦o既餘澀遠遠及不上甜o既餘膩讓人回味啊~~

有天你們都老了、吵架了，想想今天這個男人一心一意為你付出的，記住呢份甜，總可以令你原諒佢帶給你o既酸苦了~~

你們大婚當天，沒法子到場給你送上一個擁抱，就給你們雀o既小小心意，給你們送上雀最大o既祝福，願你們相愛相知相守，直到永遠！


苦盡，甘來......也正好形容雀o既愛情啊~~

不過....如果可以，我希望甘來，金也來~~~

張貼者： 於

7 則留言:

  1. Germanthea2011/7/8 下午1:45

    師奶同鄉會....金絲雀話齋..... 我覺得自己苦盡甘來了！
    [版主回覆07/08/2011 13:55:00]你再叫我哋師奶呢,我就咀咒你甘盡苦來直到.....你改口o既日子~~

    回覆刪除
  2. SimpsonSimple2011/7/8 下午1:46

    真係好滾動呀~~~ 我聽完都鼻子一酸, 當d蝦碌位又好攪笑, 真係有笑有淚啊~~
    by笨豬小慧simple
    [版主回覆07/08/2011 13:56:00]有笑有淚──呢個就係我覺得我哋少女講最吸引O既地方呀

    回覆刪除
  3. 小宅女-阿K2011/7/8 下午1:51

    German踩埋場話我地係師奶.........首領, 點先, 洗唔洗做d野啊???
    雀~~~~你個 " 佢" 我唔知你講邊個喎........我處理唔到啊...
     
     
    [版主回覆07/08/2011 13:54:00]kkkk~~咁German呢啲唔知掟o既死o靚仔就交比你喇~~~wakakaka~k,"佢"唔係指你呀,你唔好對"佢"入座呀~~

    回覆刪除
  4. SimpsonSimple2011/7/8 下午2:06

    haha，雖然大家一齊傾都好開心好多野分享。但男子組及女子組又的確有其存在及功能，始終「兄弟﹑姊妹」會有一個幫忙補完及打開心窗o既功能~~~~所以少女講﹑少男講一定要繼續下去 ^^ 但當然大圍gathering亦不可少啦~~~~~ by醒目主人simpson

    回覆刪除
  5. ::chanwong::2011/7/8 晚上8:43

    我竟然聽唔到呢句（我諗我太攰了），但聽完大家的分享，自己的無聊小事根本唔算係啲乜

    回覆刪除
  6. Miss Chan Chan2011/7/8 晚上9:10

    我都相信苦盡甘來既......
    呢位姊妹將來一定會有好完滿既家庭生活！

    回覆刪除
  7. 阿雪琪2011/7/14 下午3:41

    愛情係要經我起考驗的才是真愛呀!!! btw, 你呢個玻璃樽好靚呀!!
    [版主回覆07/19/2011 16:45:00]wakakakaak~係膠呀,實惠買o架,$19~~~

    回覆刪除

訂閱： 張貼留言 (Atom)