十一月‧慶祝月

慘情o既十月過去，緊接住o既就係我最愛o既十一月，來，比個面，拍個手

擾攘多時o既賣樓活動終於告終，想不到一波幾折，還遇到心理不平衡的賤男租客，詳細情形唔複述lu，因為呢個月只係想開開心心咁過~~



婚後的查理斯工作依然忙到痺，平均番工時間都係朝八晚八，所以雀獨留在家o既時間真係好多，好多人都會問我悶唔悶，而其實我真係一啲都唔覺得悶，婚後的家總有做不完的務！

衫，是不可能洗得完的！剛清了滿滿的洗衣籃，空不過一天，又變回滿滿的了，歐遊回來後我試過一天開五機，最後西門子都頂我唔順，而家佢一日只工作一次，每次至少要相隔八小時，否則你踢死佢都不會動......(哼！剛過了保用期了，看你幾時要告老歸填)

飯，剛開始時都常煮，尤其置了乾菠蘿(光波爐)初期，一天焗幾機係等閒事(雀......幸好你不是老闆命，否則應該每天都有工潮)，漸漸，雀又懶了(但o麻，乾菠蘿依然係本世紀我最喜愛的家電頭三位)，而床單也由最初的一星期換一次到現在......一個月......先換一次......(哎唷~~人家的床都滿有規矩的，不沖涼，不掂床!!!!  哪怕出完街回來後都頭昏眼花了還是會移雀步到浴缸灑灑水先就寢啊~~)

地，剛搬進來時天天吸塵天天拖，地板護理得比我臉蛋還有光澤！現在嘛......大廈在大維修啊，我發誓我半年沒開窗了，哪來塵呢？隨便拿除塵拖把全屋走一次好了~~又或哪天想出一身汗就來全屋清潔好了(比跳三part鄭多燕流的汗更多)

屋，賣掉了，要搬鳥，最近努力在鑽研"如何進行大屋搬細屋"、"如何使豆潤空間變無限大"、"如何在峽窄房間放梳粧枱"諸如此類的空間研究計劃，新居絕對係現代版盲婚啞嫁，我哋唔知個單位入面係點搞法，一切有待兩個月後收樓先知，所以而家真係我個心又喜我個心又慌~~

有天我的衫洗完了，飯煮好了，地乾淨了，雀再來分享睇樓趣事吧~~(凶宅都睇埋......)