星期六一早起身(其實都唔早)，去元祿食咗個lunch，就搭車去何文田攞結婚戒指喇~~
今次已經係第2次去，話說09年12月o係expo.訂咗，新年前已經去咗一次，o係旺角落咗車，行錯路，好遠又好斜，點知去到發現我隻戒指碎鑽的數目同份數唔o岩，原本應該係17D0.12ct，而家係19D0.09ct，個圈又好似細咗，個職員仲要話："係就係個份數少咗，但而家比多咗兩粒石你呀！"，咁即係話人哋買戒指要一隻一粒石 1卡的，你比多粒佢但變成0.8ct佢都要接受啦.....Ridiculous!!!!!結果佢話重新做過一隻比我，做好再打比我哋去攞啦.....
結果今日又長途跋涉去攞，今次睇o下啲碎石o岩啦，咁應該ok啦，點知走咗去到Häagen-Dazs坐低，等緊甜品之陣再睇o下對戒指，crazy......又錯!!!!!我們刻的日期是20111120，男裝o個隻無問題，女裝o個隻又錯，變咗2011.11.20，唔要"."呀!!!!!打番去舖頭，佢話叫我哋攞番去，我話咁遠(我哋o係尖沙咀碼頭，番轉頭要去番何文田廣場)，問佢有無擺expo.？我哋一陣去expo.順便放低啦.....
去到expo.，第一件事去呢間嘢o既booth(遠東珠寶)，搵番當日賣戒指比我哋的Suki，佢話會幫我哋再改，希望今次無問題啦！一聽到呢句，我真係火起呀！我話：唔係"希望"呀，唔可以再"希望"無問題，係"確實"要無問題呀，已經改咗兩次喇，依家呢對戒指係for結婚o架，改o黎改去貪好意頭呀!!!!
我真係好忟、好慶，如果唔係當初心急 + 貪平，真係唔會幫襯佢呀！雖然同樣的款式，佢o既價錢比其他舖頭真係平好多，但真係要自己好小心睇清楚，好彩我哋唔係趕住用對戒指o者，如果唔係都唔知點好喇.......希望其他諗住幫襯o既新人真係要再三考慮呀!!!!
遠東珠寶網頁(唔知係咪因為廠價咁平)：http://www.nkh328.com/showroom.php?cid=73
我們的結婚戒指
沒有留言:
張貼留言