嘻嘻，無見我咁耐，大家有無掛住我先？
我唔係偷懶呀，只不過係因為我......o係巴士上層碌咗落下層呀!!!!
話說上星期一我搭巴士番屋企，上咗車見下層無乜位坐咪上去囉，行到差一級就到達上層的時候，司機開得太快，我一隻手扶住條鐵，另一隻手都未觸摸到條鐵.....說時遲那時快，我就連人帶袋向後跌番落下層喇.....
跌到落下層已經成個人瞓咗o係地，但司機居然唔知有人碌咗落o黎.....佢無停車呀.......所以當我以為已經跌無可跌o既時候，佢一轉彎，我又成個人頭o係前面腳屈向後做咗個滾翻.....o係落車個門口o個一級企番o係度
(以前打排球都未試過成功做到o既滾翻呀，咁柔軟的動作多得司機一直唔停車幫我完成整體值10分的高難度動作
)
我兩隻鞋飛到東一隻西一隻......手提電話不知所踪.......但係.....司機都無停車.....
直到有個阿叔o係上層衝咗落o黎喝停個司機，話：有個人碌咗落o黎呀，你都仲唔停車?!!!!!
(呢個時候我己經著番好對鞋，有人交番個跌到散晒的手提電話比我，我仲o係下層坐好咗喇)
司機先如夢初醒，走埋o黎問我駛唔駛去醫院？
我當時又覺得無撞到個頭又無暈又無想嘔又無流血.....真好彩！所以我話：唔駛喇！(實情係成車人都望住我等我答覆....o個刻又瘀又痛.....所以我放過咗個司機.......)
番到屋企，沖咗個好熱的熱水涼，意圖令啲肌肉無咁痛，可惜事與願違.....忍忍忍忍忍，痛咗一晚，翌日下午都係去咗急症室！
唔知係咪因為醫生見我行得又講到嘢，所以無詳細問我係點碌落o黎，只係話照咗X光先啦，然後照完睇咗話無斷骨無骨裂，如果有我都應該行唔到，最後比咗2日病假同埋開咗藥單比我就走得喇~~
其實佢開o既都係止痛藥同冬青膏，所以都無咩用，番到屋企又悶又攰又痛.....唯有又去瞓啦.....
抖咗兩日，星期四起咗身預備番工，點知彎腰洗完頭發覺條腰都唔係好對路，所以去咗睇跌打，佢同我"卒卒卒"，痛到我呢
佢話雖然無傷到啲骨，但筋膜同肌肉都會傷到，所以又腫又瘀，西醫係唔會理o架喇，都係靠"卒卒卒"同敷藥啦~~
睇完跌打又睇咗中醫，個中醫係咁嚇我，話我當時應該報警備案，因為跌傷可能唔係即時會見到後果o架，同埋咁樣跌法可能會傷到頸椎同個頭o架，仲反問我點知無傷到呢？
媲美體操10分完美動作的後遺症就係：膊頭腫咗、背脊又腫又瘀、尾龍骨位又腫又痛、patpat大範圍瘀黑一片......
賦閒在家6日之後，都好咗好多喇，今日復工喇~~(但坐咗一朝打咗份筆記之後，而家頸梗膊又痛.....)
人人都話我今次真係好好彩，無嚴重損傷~~既然大難不死，唔知我o既後福幾時出現呢？
take care ar .. 整親腰可大可小呀!
回覆刪除[版主回覆05/12/2010 09:42:00]yes madam ! 好番好多喇，多謝你關心呀~~
哇...個司機真係好過份囉....
回覆刪除最起碼等d人上左去or坐好左先開車丫~
再唔係慢慢開住先都好丫~
咁跌一跌真係可大可小架ma....
你要認真睇下其他地方有無傷呀!!!!
我等左你好耐都無出卜...好擔心你呀!!!!
[版主回覆05/12/2010 09:43:00]好番好多喇~~唔駛擔心呀，最傷.....係個pat pat呀,瘀晒.....
oh..... take care!!!
回覆刪除[版主回覆05/12/2010 09:43:00]thank you~~
嘩... 咁碌法.. 真係好傷呀.. 你自己要小心D呀~ 祝你早日康復~
回覆刪除[版主回覆05/12/2010 09:44:00]我好少可以睇你個blog呀.....因為學校唔知點解block咗某啲字，我估係因為你個blog的username呀~~
多謝你的慰問呀，你係咪都籌備得7788喇？
Take care ar, 乜個司機咁專心揸車=.=" 太過份la !
回覆刪除我識有個人係商場比箱貨既角撞到腦出血, 屯門醫院求其開左d 止痛藥就算, 過左幾日佢去法國院照先知大件事! 依家要開腦做手術!
[版主回覆05/12/2010 09:45:00]嘩.......敏敏.......你唔好.//.....嚇我呀.....
腦出血.......好慘呀.......
我以後都會小心o架喇,多謝你呀
真係俾你嚇親呀~無事就好喇~~你自己要觀察下有無咩唔妥呀~
回覆刪除希望你快d好番喇~~
[版主回覆05/12/2010 10:02:00]嘻嘻,我自己都比我自己嚇親呀.......多謝你的慰問呀,我會密切留意身情況~~不過已經好番好多o架喇
小難過後必有後福 !!!!
回覆刪除[版主回覆05/12/2010 10:03:00]Yeah!@!承你貴言~~
take care ar..你小心d呀..呢家冇事嘛
回覆刪除[版主回覆05/12/2010 10:03:00]而家好番好多喇~~大家搭車都要小心啲呀~~
ha????????????????????????????????????? 碌落嚟應該好大聲架喎......咁都聽唔到...... 坐佢車都好危險喎..... 咁你要好好咁抖下喇....... Take care ar~~
回覆刪除[版主回覆05/12/2010 10:04:00]係喎,仲要係我咁有份量咁碌落o黎佢都聽唔到喎.......可能司機係傷殘人士呀......哈哈
大家搭車都要扶穩呀!!!!
多謝你的關心呀
哇~ 小心小心！留意條頸條腰同個腦哩幾日有無事啊
回覆刪除[版主回覆05/12/2010 10:04:00]哈哈,個腦always都有事,諗埋啲無謂嘢~~哈哈
多謝你的慰問呀
你冇事呀嘛??
回覆刪除你要小心d ar!!!!! 留意下有冇內傷...唔好咁粗勞la喱排!!!
嚇死人咩!!!!! 小心la Baby
[版主回覆05/12/2010 10:06:00]"唔好咁粗勞la喱排!"──如果你幫我同校長講就好喇~~哈哈
你唔好嚇親呀~~咪一陣油油o下指甲會出晒界o架~
多謝你的慰問呀~~
成個人喺上層碌落下層咁大聲司機都唔知?下層既乘客又無人幫你..?? 有無攪錯丫~~好過份~ !!!
回覆刪除你今次跌得咁甘...記得要好好調理返...唔係手尾長就仲麻煩!!!
[版主回覆05/12/2010 10:08:00]係呀...香港人真係好冷漠o架....得個類似大陸阿叔叫司機停車o乍.....唯一可以講o既係...個司機太專心開車喇.....
希望唔好有手尾啦.....我以後會乖乖哋坐下層喇~~
thanks
我想講... 好多巴士司機都係咁!!! 勁乞人憎!!! 我坐o個架巴士(九巴)日日返工放工都迫滿哂人... 但有d司機都唔會揸穩d... 不停俾油...急停! 轉彎又唔收油... 有位坐的都坐唔穩... 更唔好講大把企緊的人!!! d 人怒睥司機... 佢都唔會理!!! ai! 所以真係要小心d!!!
回覆刪除係bor~ 你腫同痛... 咁出力會唔會有問題?? 如果可以的話... 都係睇西醫check 清楚少少好d~ 同埋食d消炎藥+"full"冰... 快d消腫~
[版主回覆05/12/2010 10:10:00]"不停俾油...急停! 轉彎又唔收油..." 真係有好多呢啲司機o架....好彩我唔係老人家o乍.....如果啲公公婆婆咁樣跌一跌....命仔都分分鐘比埋佢呀~~
瘀同腫都未散晒呀,但又唔可以食咁多西藥,啲皮膚又會發濕疹.....我會take care o架喇,你日日番工要扶穩呀~~thank you
我好掛住你呀~~~~我日日log-in 個陣都會望下你有冇update 過呀!! 我都奇怪點解咁耐冇見你update 又唔見你留言架啦!! 仲以為你忙緊裝修tim!!
回覆刪除由上層跌落黎真係好傷呀~~~ 我見到第二句真係嚇親呢!!好彩冇撞親個頭。不過都要小心d，check 清楚條尾龍骨有冇事呀，如果唔係好多後遺症架!! 希望你快d好返呀!!
你0既後福?? 查理斯乜係lor，heehee !!!
[版主回覆05/12/2010 10:14:00]唔駛嚇親~~乖~~姐姐呵番~~
我有排都未裝修呀,層樓租咗比人,出年big day前一兩個月先收番執一執啦~~(而家收番....要自己供....好甘呀~~)
你呢排仲有無去睇樓呀？
x光check咗顯示無傷到啲骨,後遺症已經出現喇......就係"懶"囉.....抖咗幾日,學校枱頭有一堆嘢等住做呀.....但好唔想做呀!!!!
後福？佢唔算呀,佢係大腹~~哈哈
take care and get well soon~
回覆刪除[版主回覆05/12/2010 10:14:00]Thank you~~
你冇事嘛.... 以後要小心D啊~ 大家都好關心你架~ TAKE CARE~
回覆刪除[版主回覆05/12/2010 10:15:00]係呀!!!!睇到咁多留言好感動呀
多謝你的慰問呀,記住大家都要扶穩呀~~
嘩! 咁離譜既個司機!!! 你太好人啦, 放過佢~~~~
回覆刪除[版主回覆05/12/2010 10:16:00]唉....個司機已經得到佢應有的懲罰喇......因為./.....呢幾日已經有好多好多好多人背後鬧佢丙佢詛咒佢.....哈哈
我下次會小事化大即時報警o架喇(不過唔希望有下次.....)
多謝你呀
嘩！你咁樣碌落樓呀！真係好傷喎！
回覆刪除其實你個中醫真係嚇得你啱架，咁樣跌法真係可大可小，你當時真係應該要去醫院驗傷架！ 不過我明白你當時0既心情，你當時應該係覺得糗，多過覺得痛囉，所以你當時應該只係想盡快平息件事。
嗰個巴士司機又係0既，連有人碌落樓都唔知，但會唔會係當時太嘈，佢聽唔到聲；又或者你太輕形喇，碌左落黎都無聲呢？ (講笑啫！ )連上層乘客都聽到聲，有乜理由佢無反應？好彩唔係恐怖襲擊咋，唔係呀，佢連爆炸聲都聽唔到呀！真離譜！
而家你總算係不幸中之大幸，好好休息啦！祝你早日康復！
[版主回覆05/12/2010 11:56:00]係呀係呀,而家諗番起都覺得好"火羅"呀.....我只係希望唔會有人拍低咗放上youtube o乍~~
哈哈,"又或者你太輕形喇，碌左落黎都無聲呢？"如果有日我練到水上飄o既絕技或者都會無聲o既,實情係我份量咁勁佢都聽唔到,佢應該係借咗聾耳陳隻耳呀~~
我諗其實唔駛book啲咩開蓬電車開P啦，可以book呢架九巴呀，我諗上層全部人一齊唱熱力節拍woo bom ba佢都聽唔到呀~~
多謝你的慰問呀~~
haha.. 咁你得閒黎下我BLOG啦.. 我同你同一日BD呀... 我D野搞得7788喇... 成日比人話我快手... HAHA
回覆刪除[版主回覆05/12/2010 11:58:00]我記得你同我同一日呀,最衰呢間死人學校啦,block咗啲嘢睇唔到呀!!!!等我番屋企記住睇o下先~~
其實呢.....我想問好耐o架喇.....榮少.....你係bride-to-be定係groom-to-be呀？哈哈
嘻嘻.. 我係 "bride-to-be" 呀~~ 我個名係咪好型呢... 估唔到真係有人唔知我係男定女... kakakaka~
回覆刪除[版主回覆05/12/2010 14:20:00]係喎,個名好型喎~~我仲諗有準新郎哥寫BLOG咁特別？哈哈
見到你咁我都好心痛呀,真係嚇死我呀,記得要小心啲呀不過話時話,點解下面層啲人又唔扶你ga
回覆刪除[版主回覆05/12/2010 14:21:00]嘻嘻,唔好心痛喇~~康復中喇~~
下層啲人.....真係無任何一個人扶我呀!!!!我啲同事話因為見我係後生女喎,如果係老人家應該就有人有啲血性o既.....
btw,好彩o個日無著裙o乍.....哈哈
你咁樣跌落黎 司機都唔停車咁過份既 你要好好休息呀 希望你快d好番呀
回覆刪除[版主回覆05/12/2010 14:22:00]好！我哋繼續o係呢度聲討個司機啦~~
多謝你的關心呀~~
heehee，長命工夫長命做，你要休息多d呀!!
回覆刪除我4個月冇睇樓啦，d 樓價太crazy 啦!! 睇岩個單位價錢都唔慌岩，所以都唔哂時間睇啦!!
嘩~真係要小心啲先得呀...個司機又會離譜都完全唔知咁...成車人條命係佢手上喎
回覆刪除好彩依家好返咋...放心~~先苦後甜, 跟住大把好野跟住你!
[版主回覆05/15/2010 09:07:00]希望承你貴言啦~~多謝你呀~~
都係人姐,有乜理由唔出手架,咁冇人性架
回覆刪除[版主回覆05/15/2010 09:08:00]唉....唯有第日自己真係見到呢啲情況就要第一時間撲出去扶人啦.....
好掛～ 但我實在太忙，而家先知你發生意外～
回覆刪除你而家無事就好ｌａ ～
ｔａｋｅ ｃａｒｅ～
[版主回覆05/17/2010 16:33:00]而家好番好多喇~~多謝你呀
好在無事...D福遊緊嚟...Take care
回覆刪除