(呵呵呵，原來呢篇係成個月之前開咗個頭又無寫落去......而家已經係十個月零一日喇~~)
(即係咁，寫寫吓又停咗，今日已經係婚後十個半月喇......)
第一樣要講o既係稱呼~~
婚前雀訂位留枱遇人問我點稱呼，雀總係會稱呼自己做"奀"小姐(真實姓氏o麻，自己估吓啦~~Tips：宇宙最強o既姓氏)，但唔知係咪因為"奀"同"溫"、"金"、"斤"、"珍"太似，次次都要重覆幾次先變番"奀"，唉，好煩！每次事後我都會話下次我都係姓李姓陳好了......
婚後就簡單好多了，既然嫁雞隨雞，咁雀就隨夫姓好了~~
每逢有人問我點稱呼留位留貴姓，我都會臉不紅耳不熱咁大大聲話人知我係"菜太"
省很多麻煩~~第二樣好明顯o既改變係我徹頭徹尾變咗一個數口精、喜講價、厚面皮同好發問o既師奶
因為咁樣，我搗破咗(應該係識穿)跨國集團周燈燈o個啲一口價o既PT950首飾係唔抵o架，簡單舉一個例子：
假設兩條鍊同樣重0.24
999足白金頸鍊：淨重0.24 x 金價$10000 x 佣金2% = $2448
PT950頸鍊一口價：淨重0.24 $3200
(正常鍊價應該係：淨重0.24 x 10000 x 0.95(因為950唔係足金所以打個95折) x 佣金2% = $2326
咁我就問個sales妹妹喇，點解一樣重但又貴咁多呢？而950仲要係唔足金o架喎，咁餘下o個幾個%係咩o黎o架？
佢答：o個5%係啲貴金屬，會令到條鍊硬度高啲，所以售價會貴啲！(所以有啲鑲鑽o既戒指托會用18k或者PT950)
然後，我忍唔住講咗句：咁呢啲貴金屬真係好貴喇，可能仲貴過做飛機喎......
唔止買o既時候買貴咗，呢啲所謂o既貴金屬賣出去係唔計o架，所以如果計保值當然就係買足白金抵好多啦~~
睇到呢度，可能你會覺得我真係好婆仔(定好傻仔呢......
)，但因為雀婚沒有打工(其實咪日日打緊菜家o既住家工囉)，買啲千千聲o既唔係必需品時我當然要知得清楚啲啦，話晒查理斯工作是好辛苦的啊~~每個崩咬開都有血有汗!!! (老公啊，人家都在歌頌你了，下個月的零用o麻就係咁二加幾廿個崩啦~~
)但當然啦，我又唔係次次都咁算死草o既，譬如每次我行過糟糕o既護膚品專櫃(每回走出去都覺得：月結單來時真的糟糕了)，只打算買一支爽膚水，但那些面孔化得白白的笑容甜甜的sales小姐總會說買這個套裝化算好多啦，又或者你買多兩支就送這個旅行套裝了，婚後不知怎的這方面的抵抗力弱了，大概是因為天天在家多了時間照鏡子，真的看那死大毛孔唔順眼，眼底的乾紋好像用雕刻刀畫下的，最狼o既時候還天天敷SK2面膜紙(哼！真夠狠！) (按：查理斯，大概婚後的網誌都不大適合你看
，我怕你血壓狂升......
)不過呢，呢啲都只係生活上某啲o既習性改變咗o者，雀還是一隻快樂的金絲雀，尤其係睇到大家還久不久就來留言問候關心，雀真的感覺窩心啊~~
近來都在忙搬雀巢o既計劃，希望可以盡雀最大的能耐將現有的家當都塞進新居裏去(好一個家道中落大屋搬細屋生活磨人現實迫人o既例子！
) 真係聞者流淚聽者心酸......其實呢，以上o既只有"大大屋搬細屋"呢幾個字先係雀o既故事
大家唔需要擔心，不過若然我呢個遭遇勾起咗你o既同情心、惻隱心，歡迎私留索取菜宅戶口號碼，你所捐o既一分一號都會被記錄在雀巢大典中，成為雀家後人每早感謝o既對象！還有一樣最大的改變，就係......婚後更新網誌的速度變緩了......(人家o麻，並不是天天去修甲焗油按面嘆高茶的富貴太啊！......好，我認，不是天天，一星期總會有一天做以上是但一樣吧......
)
雀回來鳥~~~
回覆刪除[版主回覆10/18/2012 00:37:05]yup,鳥倦知還~~
ohhhhhh!!!!!!!!!!! welcome back!!!! 好掛住你的扺死update!!! 等你呢個update真係頸都長長長長長埋!!! 等你update”大大屋搬細屋”, 唔會又要等10個月嘛??
回覆刪除[版主回覆10/18/2012 00:36:49]up咗喇up咗喇,快快手又up多篇,我唔知懶蟲會離開我幾耐,但我會o係佢番o黎之前盡量再up多啲o架喇,你條頸長咗咁多,咁可以買多幾條鍊喇,放工快快掹老公去金舖買盡佢~~wakakaakak,大大屋搬細屋,唔駛等10個月,不過無咁快搬,一係再寫多幾篇大大屋先~~
對~ 雀依然是一隻快樂又幽默的金絲雀
回覆刪除[版主回覆10/18/2012 00:34:54]yeah~~~
haha...你篇卜笑死我
回覆刪除[版主回覆10/18/2012 00:34:36]嘻嘻,細細聲笑好喇,唔好嚇親身邊人呀
終於嚟update喇~~~^^ 多d update, 講吓新居,講吓近況比我哋知la!!~
回覆刪除[版主回覆10/18/2012 00:34:12]好,o黎緊要講新居喇,近況o既話呢.....懶過懶蟲呀!!!wakakakakaak
依然係隻開心雀
回覆刪除[版主回覆10/18/2012 00:33:35]yes~~多謝你仲番o黎一齊share呀~~
雀...................快點回來............
回覆刪除[版主回覆10/18/2012 00:33:08]回來鳥~~嘻嘻
一邊睇一邊笑呀XDXD~
回覆刪除你依然係好開心既金絲雀呢!!!
[版主回覆10/18/2012 00:32:54]嘻嘻,真係好喇,大家一齊笑吓又一日o架喇~~我會努力寫多啲喇~~
我到時帶大爺參觀你既新居
回覆刪除[SimpsonSimple回覆10/17/2012 09:54:16]我又嚟!!!
by笨豬小慧simple
[版主回覆10/11/2012 20:45:27]一定要嚟，有會所可以帶佢去玩㗎，不過離你真係好遠。。。不過你而家話咗嚟就約定你㗎喇，帶佢嚟利是^^
雀，聽你咁講周先生其實都唔算好衰... 周大叔先一絕！
回覆刪除我擺酒前原本在大叔度睇o岩條金頸鍊，拎上手輕飄飄佢標價兩萬...
問佢條鍊幾重佢答我唔知！都short short地咁大間金行佢夠膽死答我唔知自己賣緊條金鍊幾重？！仲要話店面冇磅量唔到幾重！
佢地唔知係唔係做大陸人生意做到個心喪左，以為香港人一樣咁易呃？！
哇，依家講返起我都仲咁燥，可想而知我當時幾滾！
[版主回覆10/18/2012 00:31:34]吓....唔知幾重!!!!!咁又真係衰咗啲喎
haha.. your life is so enjoyable!!!!
回覆刪除[版主回覆10/18/2012 00:31:05]ok啦
我幾好野! 聽日搬我今日都撞到入黎睇你篇update! (完全係踩場想星我果隻...)
回覆刪除[版主回覆10/18/2012 00:30:49]11月...又飛!!!! 咁樣你會無晒啲朋友O架hehe.....我好妒忌啊......(話時話,你啲旅遊blog寫晒未先)
我即刻清咗一半衣櫃,唔再hea住執~~
[bubibu*回覆10/12/2012 13:01:18]忠告你一句，唔好hea...我今日無請假，返去唔知有無得訓...我11月又飛啦...
[版主回覆10/12/2012 12:14:34]聽日搬嗱，勁!!!我仲有啲時間hea住執家當，你要加油啊，等sasa番嚟真係要見喇，miss u^^
雀, welcome back!!!!! Haven't seen you updating your blog for a long time la!!!!
回覆刪除Hahaha..... as usual, very funny but enjoyable reading your blog!
查理斯: When 雀 started to tell us about comparing toilet paper price in supermarkets, you are welcome to read 雀's blog again (Er....maybe not now esp she wanted you to 加幾廿個崩 for her!).... hahaha!
Keep smiling, our happy sweet 雀!!!
[版主回覆10/18/2012 00:29:42]yeah~~~give me five!!!!
我會努力咁blog一blog,希望keep住令大家睇得開懷啦~~
我仲未嫁得出都已經一個師奶仔啦............
回覆刪除呢排自己一個去睇結婚介指 ( 攪到好似我迫佢娶我咁 ), 你以上所說你問過 sales 的問題, 我都問晒, 我仲問埋個 sales, 咁 PT950 另外個五隻貴金屬係咩呀, 阿哥哥仔講左五個中文字, 跟住我問佢, 咁英文係咩呀, 中文又點寫, 我想返去查下字典. 跟住阿哥哥仔都無我咁好氣, 一句唔識打發我走. 結論係, 要保值, 足金抵好多架, 不過造工就 18K, PT950 靚囉. 而另一結論係, 好多待嫁新娘熱捧的 "pm" , 簡直就係呃錢, 18k 都要成五千一隻, pt950 更加一萬一隻, 不過你中意個款就明知比人昆都要啦.