如果我是她

呢兩日o係新聞同埋網頁睇到啲新聞，都有感而發，等我又寫低先~~

第一單係o係esdlife見到：

http://wow.esdlife.com/space.php?uid=9&do=blog&id=52228

話說準新娘子預訂咗7月o既香港富豪酒店舉行婚宴，但因為屋企有事而要改期，改至9月，原本酒店話有期，後來先發現搞錯咗係無期，新娘子因為咁樣自殺咗2次並患上咗厭食症，最後婚事仲告吹埋...

尋晚同查理斯又講o下如果半島真係搞錯咗，無期比我哋，我哋又會點呢？

好彩...我哋都覺得結婚最重要o既唔係儀式、場地，只要婚禮的主角依然係我哋，其他o既嘢都可以改o既~~如果半島真係搞錯咗，咪轉去Garden Suite囉~~再唔係搵其他地方都得，最重要係我哋兩個一切安好o者~~

今日再睇埋富豪酒店的回應：

http://wow.esdlife.com/space.php?uid=9&do=blog&id=52236

就咁睇好難話誰是誰非，不過真係好希望o個位新娘好盡快康復，而其他籌備緊婚禮o既新人都可以以輕鬆o既心情開開心心咁籌備婚禮進入婚姻~~

第二單係關於許志安宣布同女朋友Michelle分咗手，但就否認同咗Sammi復合。

其實由Sammi復出開始，傳媒同埋兩人的Fans就為兩人o既復合不斷造勢，說真的，我很反感。

我只係想到，如果我係Michelle，差唔多全世界o既人都在等待我倆分手的一天，我可以點算？

愛情不是兩情相悅就可以了嗎？現在不是拍戲啊，不是你喜歡誰做女主角都可以的....點解要用輿論壓力令到一對本來好好的情侶分開？為的只是你們要看到想看的童話結局？

如果你是她，面對除了自己親人朋友以外的人都希望你男友拋棄你另作他選，你會唔會覺得前面每一步都好困難呢？

最衰的....仲要係男朋友同ex每次面對傳媒的無陵兩可不置可否o既答案....面對男朋友心裏一隅有其他女人，那個ex不知是有心還是有意o既隔空傳話，我想我會崩潰....

幸好我沒有一個萬人迷男友，幸好我沒有一個拍過拖o既男友，幸好我的男友沒有ex，幸好我不用與全世界為敵/讓全世界視我為敵......

這兩單新聞讓我深深體會到──幸福不是必然的。