距離婚期還有1年3個月9日，眼看住日子一日一日咁過，身軀今日比尋日圓潤，真係唔得了喇!!!!!! (唉，呢個禮拜仲夠膽死打咗2次邊爐同埋星期六TeaBuffet、星期日Ruby Tuesday，o岩o岩個同事仲話一陣出去食lunch....死得了....
)
呢排係咁睇番以前啲相....真係唔知發生咩事.....肥咗咁多!!!!!!!!真係痴咗線.....
過埋呢個8月我一定要做自閉仔，一定唔可以再食咁多嘢喇!!!!!(至於點解要過埋8月，係因為...9月番新工，我諗我都唔會周圍同人social o架喇，我想試o下跟西柚減肥法餐單，同埋放工去跑o下步....)
我真係唔想要一輯影到成個麥o麥咁o既婚紗相呀!!!!!
開始越來越多人問我幾時影Pre-wedding，我都知道要book期了，無得再拖....因為我哋完全無可能o係夏天去影o架，應該會熱到我黑口黑面.....(如果你哋有見到我朝早排隊等小巴番工，我係曬到燶口燶面咁o架....)
今朝msn問咗3v的客服員(不得不讚3v呢個服務，msn好方便~~)，原本想農曆年年初九去影，但佢話未知年假放到幾時先開門，但我盡量想o係學校假期請假，再遲啲又唔得，加上2月中又要請一日假去Janny Wong度試衫....睇咗出年的公眾假期表後，我心水係2011年4月4日(星期一)影相，因為翌日係清明節，前一日上去試衫係星期日，我又唔駛特登再請一日假，影完又可以抖番一日....
但係....
客服員話4月華僑城好大霧的，佢哋唔建議客人2月-4月去影相....oh my GOD!!!!
最後，我都係把心一橫決定咗4月4，因為遲過4月開始熱，同埋影相至取件大約要2個月，我預佢出好多問題都應該7月底可以取件，到時我哋要啲相o黎整slideshow同埋可能會用o係其他DIY items....所以無得好揀啦~~(當然啦，可以揀1月，但係....要去抽脂先得喇....
)
仲有一輯法國婚攝，又係唔知幾時影好，佢mark咗話3月30日前要影，但查理斯又話3月佢勁忙....即係又剩番2月比我揀?!!!!!!Oh no....
有無3v姊妹o係2月- 4月期間影過華僑城呀？分享o下吖~~
係呀,千其唔好夏天影pre wedding,我上年9月影,完全笑唔出囉....放心啦,仲有時間俾你keep fit...
回覆刪除[版主回覆08/13/2010 11:43:00]笑唔出都影得咁好？ thank you~~
嘿....夏天影真係辛苦到爆!!我上次影完之後幾日個身都仲慶緊, 幾日都無乜胃口, 中左暑咁..kakaka!!
回覆刪除減肥真係要好多毅力....唉!!我上次影完相呢家又鬆懈左....係咁食零食!!不過呢家開始要keep返, 9月又有輯pre-wedding要影........我地大家一齊加油喇^^.....................
[版主回覆08/13/2010 11:43:00]曬完真係會無胃口同提唔起勁o架~~你通淋巴好有成效咁,等我遲啲又book o下先~~
減磅初期真係要堅持先得，過左一排習慣左就會好d...
回覆刪除我就試過夏天影相，辛苦到...要強顏歡笑，仲要一頭大汗。無法..不過唯有頂硬上
[版主回覆08/13/2010 11:42:00]強顏歡笑....哈哈.....而家出街真係熱到唔曉笑....
可參考我減肥方法，減咗六磅!!!同埋可以慳錢!!!!
回覆刪除[版主回覆08/13/2010 11:41:00]等我又睇睇先,thanks~~
我識 ben 少 o個時... 佢都算係標準身形~ 得一個下巴~ 佢係靠夜晚落街跑步減架~ (一定要出身汗) 不過佢之後無再跑... 就打回原形啦!~ hahahaha!~
回覆刪除西柚法佢都試過... 不過佢lunch 要同同事出街食... 跟唔足個餐單... 所以失敗左!!! XD
[版主回覆08/12/2010 13:36:00]哈哈,我同查理斯相識拍拖時都係標準身型....我成日都話不如分手啦,big day先一齊啦,咁可以減肥喎~~
我以前打排球o架....工作之後無打就越o黎越肥~~以前真係打完波即刻麥記都得~~
WOW!!! 同道中人!!! 我都鍾意打排球架!!!
回覆刪除不過... 中學之後... 就無咩打過啦... 無計... 排球真係好難約夠人打................
[版主回覆08/13/2010 11:41:00]係呀,有時行過街場見到啲人打緊真係想問句：可唔可以"侵"埋我呀？
我註冊嗰日(31 / 7 )咪去尖沙咀海旁同赤柱影左輯相囉， 嗰日酷熱天氣警告呀！ 我都算ok，不過老公就熱到死左，啲汗流到嚇死人，我完全唔想攬佢、錫佢呀！事後，我個膞頭、心口都曬燶左呀！
回覆刪除影相最舒服0既日子當然係 4、5 月啦！ 法國嗰邊就咩時間影都無所謂，因為好多室內景，就算園林景都唔會影得好辛苦。唔記得話你知：法國已經無水池景喇！好彩我地趕得切尾班車，影到水池啫 。
[版主回覆08/13/2010 11:46:00]係呀,男人真係熱好多o架....又恤衫又呔又外褸....諗起都熱呀....
完全唔想攬佢、錫佢──而家行街有時都熱到我叫查理斯唔好搭住我膊頭.....哈哈
我都好期待你輯法國相呀~~不過我對水池無咩興趣,因為我對腳鬼c咁粗呀~~我見人哋水池啲通常要露腿呀~~ 多謝你的分享呀~~
努力努力!!! 還有時間修身~ 真係要忍口呀!!!
回覆刪除[版主回覆08/13/2010 11:40:00]嗯~~
加油ar!!要忍口啊~~時間過得好快,好快就要影相相架啦~~HAHA!我影法國果時都係4月,我果日仲天陰陰,但根本唔洗擔心天氣,因為佢地執相可以執到好靚~~^_^
回覆刪除[版主回覆08/13/2010 16:45:00]好....真係要努力加油喇~~係喎,你輯相一啲都唔天陰喎,你仲好靚tim~~
我影pre-wedding果陣係帶埋 "o麥o麥 " 身材去影架~~ 哈哈
回覆刪除放心啦 , 你仲有時間 , 努力 減 !!
[版主回覆08/19/2010 09:47:00]係呀,而家早餐開始食番蕉喇~~
我都影左3v華僑城同世界之窗架... 你咁勁既成日都有free pre-wedding影, 我全部都要自己比錢架..
回覆刪除[版主回覆10/22/2010 16:58:00]哈哈哈哈哈,我好彩o者~~不過free o個輯效果同service我都好滿意呀~~