一直都無講過我哋婚禮o既主題或者顏色，係因為o個個懶到不得了o既查理斯拖咗我一年，亦都敷衍咗我一年都無貨交~~~(其實.....我又無理由咁屈佢o既
.......佢舊年已經比咗一個logo我o架喇，不過我ban咗佢.....佢都好灰......
)
其實一直都無好認真咁諗過個theme係點 (其實係唔敢諗得咁深入，因為.....要錢support)，一直有睇開我blog o既你你你你，實會話用"城堡"啦~~襯晒我哋咁話~~
但係已經一把年紀o既我，真係怕婚禮太過童話式惹來旁人以為我有公主病.....(除非我真係可以有個真o既皇冠戴o下，咁睇怕我到咗英女皇咁o既年紀我都唔怕你叫我一聲：公主殿下~~)
再加上.....WC!!!!! Water Closet，呢個似乎應該係皇宮厠所o既標誌，我唔想到時啲賓客以為我o既婚禮係厠所盛宴~~Out!!
呢兩日o係我一輪依依哦哦同埋忟憎到爆o既強攻下，佢終於屈服喇~~(yeah~~贏o既始終係我呀)
見到好多blog友仔都有個logo開始整其他嘢，我又認真咁諗o下用咩代表我哋先~~
雖然好想用自己profile個o麥頭，但用來做logo會人人都認得我啦，同埋如果要整鋼印的話會唔會搞到我五官模糊o架~~所以呢個樣再諗o下用來做咩先~~
(其實心目中係想整利是封~~咁新年都可以用吖o麻~~
但係有好多人都唔會儲利是封的啊，通常留低都係入面啲錢，個利是封就會撕爛丟咗佢，咁我個樣咪會經歷幾千幾百次o既撕裂囉.......
)
既然我係金絲雀，一係用雀啦~~(呢排真係中咗雀毒呀~~o係街見到乜嘢係肥雀都好似照鏡咁.....開心到指住o個舊嘢就喪講：雀呀雀呀~~
)
呢隻雀o既雛形係o係etsy見到有隻wedding ring dish都係雀，外型又夠肥o都o都，所以就照住畫隻新o架啦~~
呢隻雀一睇就知係查理斯敷衍我hea畫，所以個肚凹凹凸凸好似生嘢咁都唔執靚佢~~
期待o個個懶鬼快啲畫好啲先再同大家見面喇~~
唔記得講，暫時我哋o既婚禮主色就係金色同粉紅色啦~~
用金色同雀做主題 真係襯晒你(金絲雀)呀
回覆刪除[版主回覆12/13/2010 12:35:00]哈哈,多謝多謝~~不如你贊助啲真金過我啦~~
咁一定要用閃閃粉整呀~
回覆刪除[版主回覆12/13/2010 12:36:00]比咗你啲金器我戴住先係真正金絲雀呀~~閃粉~~我打算用embossing powder~~
哈哈... 其實我意思都係用embossing powder~
回覆刪除我d金器好少野咋~ 哈~ 你的盛大婚宴仲勁啦~
[版主回覆12/13/2010 13:56:00]積少成多呀~~而家啲金貴到飛起呀~~
個肚凹凹凸凸好似生嘢咁 hahahah, 笑死.
回覆刪除[版主回覆12/13/2010 13:55:00]咁係好似吖o麻~~
個 logo 有d似南瓜車呀 !!!
回覆刪除[版主回覆12/13/2010 13:55:00]太似喇就係,如果迪迪尼擺酒就ok~~
用金色好match你個場地呀!!!
回覆刪除[版主回覆12/13/2010 15:19:00]用金飾仲好呀,贊助O下啦？
你E個LOGO都幾靚丫....
回覆刪除[版主回覆12/13/2010 16:13:00]有排都未完成呀不過~~
我鐘意皇宮廁所logo多D
回覆刪除可能攪攪佢, 加少少雀的idea得唔得?
by笨豬小慧simple
[版主回覆12/14/2010 10:15:00]咁我考慮o下用呢個logo貼o係半島啲厠所門口吖 而家有新idea,等等等等~~
WAI~~ 不如考慮下用城堡原素做你地個 LOGO 丫, 我覺得又岩你地個THEME, 對你地又有意思WOW~
回覆刪除[版主回覆12/14/2010 10:11:00]城堡我都好鍾意,不過到時已經會放o係酒店比人睇,唔駛講都知城堡好代表到了~~cake topper都係城堡~~哈哈~~多謝你咁忙都留言比意見我呀~~
你一定要用金色加bird呀, 係你既Q嘜
回覆刪除[版主回覆12/14/2010 10:08:00].....蛋糕呀......你比我咬一啖啦......我好想cake食呀~~~ 但bird唔係好多贊成意見呀~~可能都會用,睇o下用o係邊啦~~
HAHA!覺得南瓜車好像正D,,最好都係城堡啦,,嘩哈哈!!
回覆刪除[版主回覆12/14/2010 10:07:00]哎呀呀,唔好又一面倒讚o個個查理斯啦,.不得不承認呢個男人好識捉女人心態鍾意啲咩嘢~~ 城堡又好難畫得唔迪迪尼呀....而家有新構思,等我,ok？~~
yee... 我見你個blog既background個logo好靚呀~~ "M.M" 都係自己整架？
回覆刪除[版主回覆12/14/2010 15:22:00]http://www.weddingchicks.com/freebies/custom-goodies/
我o係外國網站整o架,不過搵唔番exactly我整呢個呀,但上面link係類似,我第日如果搵得番再話你知吖~~
我覺得第1個靚wor~ 似南瓜車呀~ 可以諗吓改良吓, 變成南瓜車都幾童話吖~ haha (因為我個人好鐘意童話野)
回覆刪除[版主回覆12/15/2010 10:35:00]你仲後生所以可以童話o麻~~我......唔得咁童話喇~~
如果你想整鋼印... 厠所盛宴( ) 都可能會太花wor?? 都係金絲雀好d!~ :p
回覆刪除期待你的新主意~ ^^
[版主回覆12/15/2010 10:36:00]厠所盛宴.....你會唔會想o黎呀？哈哈~~~
新主意.......等我呀~~
第一個logo都好靚！！！
回覆刪除不過，要襯返你金絲雀，都係要用第三個好點！！
同埋，記得要加金色俾佢
[版主回覆12/15/2010 10:36:00]記得加金色比佢──不如你借啲金飾比我加比佢
haha，不如我俾金色embossing powder你丫!!
回覆刪除我買左3支，用左一支，俾一支你丫!!
但你你有無 heat tool?
[版主回覆12/15/2010 11:27:00]thanks 你的細心同埋慷慨~~不過我無熱風槍呀........壞咗都無買咯,我仲未去paper art,你留番婚後物資出售啦~~(同埋最重要我想要金飾多啲!!!!!)
haha~ 梗係想啦~~ 呢個唔係普遍厠所bor~ 係金絲雀的南瓜厠所bor~~ 唔知厠所入面有咩食呢?!?~
回覆刪除[版主回覆12/17/2010 16:29:00]厠所入面食banana, 菜菜同午餐肉~~
回覆刪除好鐘意呢對公仔 ^^