負能量正增長

承接上篇心驚驚有變種計劃陸續登場，我呢個正能量達人居然開始發放負能量.......

上星期六去咗君綽睇套房，一去到大堂都覺得有長樓梯有聖誕佈置真係幾靚，不過置身o係呢個尚算華麗的大堂，我只係覺得好多人同好嘈!!!!

佢首先帶我哋去睇咗行政套房，除咗有海景之外無咩特別，比較細同埋暗，得睡房入面有一個厠所，有廚房，新娘可以o係厠所化粧，但啲姊妹o係廳化可能就唔係咁夠光喇，之後佢覆番我如果而家落訂可以有折扣價錢係$3,1xx。

然後佢帶我哋睇咗尊貴套房，一入到去，真係覺得「咁至係吖o麻！」

L型落地大玻璃窗係全望海o既~~房間光猛又闊好多，如果o係度出門同斟茶我都覺得影目的效果會好好~~

睡房同浴室都好大，浴室同厠所分開的間格令我可以o係浴室化粧又唔駛忍受可能朝早有人開大的屎臭味~~

咁好質素價錢當然都有番咁上下啦，不過佢offer的價錢都算係抵o架：$5,400~~

本來打算將半島送的一晩套房用來出門，我哋再book多一晚普通房休息，最最重要係半島會將酒席裏的每一份餸菜都留起一些用餐暖著送上房給我們後補享用~~(係係係，我真係前世未食過咁貴的酒席呀!!!所以先會一啲都唔金絲雀咁諗一定要留肚享用我哋付出咗咁多錢去換回的12味餸!!!!)

但係一晩普通房都要4k，套房更要7k，雖然佢哋覆番我有5% discount rate(但有jm係有10% o架!!!!)，但係都太貴了，4k已經可以搵多間deco.做Felix的佈置，7k夠一個人去台灣4日3夜喇，所以，金絲雀又好民女咁決定唔敗家喇!

既然前一日就可以入住半島套房，好處就係可以將所有城堡呀、查理斯若干o既DIY項目同埋啲禮服全部放o係房，唔駛驚半島到時安排我哋唔知放o係邊度整爛咗or唔見咗......(如果城堡唔見咗，你哋個個讚過個城堡o既都有嫌疑呀~~哈哈)

唔知會唔會因為咁，全部多姊妹都會決定前一晩o黎陪嫁呢？