長長久久宴

(欠落好多blog債，幾時先寫得晒呢？懶鬼始終係懶鬼......)

2011年8月13日，我哋一班20111120的BG2B o係稻香book咗間房，食百日宴~~(雀叫佢做長長久久宴，因為係倒數99日，亦希望大家的婚姻天長地久~~)

呢個Idea係Germanthea諗出o黎o既，佢哋話既然大家都去唔到對方的婚宴，不如就o黎一次飯局當係飲咗對方o個餐啦~~So Great !!!



我哋叫o既菜式係人哋o個啲壽宴菜式，所以除咗多咗籌包，其餘咁多味餸都同擺酒的菜式好相似o架，因為有間房唔怕嘈到人o既關係，我哋好似狂熱宗教份子咁又叫又笑又朗讀金句，離開咗學校咁多年，今日難得識到呢班戰友，又回復好似讀書時代咁癲，願我哋永遠青春、婚姻幸福美滿~~

百日宴仲有個重頭節目就係交換我哋o既囍帖喇，為咗趕得及o係呢日炸對方，個個都好努力加工DIY，收到o個一刻真係覺得大家都好堅，張張帖都唔同特色但又配合番主人翁o既個性，特別鳴謝少女K送我們的閃石，讓我們的囍帖不同中帶一點連繫，看啊~~

有傳統的、有自家設計的、有懷舊的、有高貴的還有色彩繽紛的，都讓雀愛不釋手啊~~

(至於雀的囍帖都一早完成了，但製作過程困難重重，下篇Blog再告訴大家吧~~)
食過呢餐飯就代表我哋o既大日子真係進入最後倒數階段喇，感激在路上遇到你們每一位，不單作為我煩躁焦急不安傷心時o既一劑良藥，更豐富咗我籌備婚禮的回憶，我唔知道大家結婚後有幾大動力會再成日聚會，但雀已經諗到有天老了傻了，我都會記得我們相處當中的一些小片段，o係呢段人生咁重要而又頗崎嶇的路途上有你們作伴，好 得 很 !!!
如果你哋唔嫌遠唔嫌煩，雀巢隨時開放比大家上o黎烚蝦同埋玩扭扭樂o架(這個o麻.....雀扭不動了......)

寫呢篇blog o既時候又剛過了三個月倒數，這一個月都在忙新居的佈置與清潔，過程都唔知咀咒咗查理斯幾多十萬次呀，但昨夜執拾好後與查理斯o係新居食第一餐外賣o既時候，雀真係好開心啊~~

由初初拍拖開始，雀同查理斯就成日幻想一下將來o既屋企要點佈置要點整，兜兜轉轉，我哋終於可以將那時的幻想逐一成事，雀等得真的太久了，盼到了今天雀巢成型了，感覺又那麼的不真實，能在緊張的大日子前完成家居佈置，又是另一個好 得 很 !!!
預料得到未來的九十多天將會是雀人生中最矛盾的日子，想那天快到快過去，又怕預備得不充足又不捨得，想到某些細節未預備好，個心真係會離一離，但放心啦~~雀係正能量達人，我會懷抱著開心興奮的心情迎接我人生中期盼已久的一天啊~~Flying~~

(我想了很多次了，假如惡夢中的場境都一一實現，化粧師攝影師通通失場甚至衰到連利是都未封，雀也不怕啊~~
只要1120裏依然有你的一句我願意，其他的就讓它去吧~~嘻嘻，當然啦，你哋唔好咁衰諗住有戲睇所以咀咒我啊~~)