未入伙先搬屋

兩年前未來6299出咗首期比我哋置巢，然後我哋就放租，一直都打算9月頭收番執修少少再添啲傢俱，而身邊所有認識o既人都會話我哋11月中結婚，9月頭先收樓仲要裝修時間真係好緊迫，我哋都明，不過放租比人唔駛供之餘仲有錢落袋，我哋係唔會同錢鬥氣o架，所以先至遲得一日得一日，人哋出錢幾時都係著數o既~~~
原先個單位係咁o既，三房，算係好好o架喇，實用率有9成o架~~

 真實版係咁o架~~成間屋無來咁多窗，抹到我呢...... 

而家計劃有變，我哋將會住o係老爺奶奶上兩層的單位，可能好多人會話住咁近唔好呀，但係，你哋睇睇個Floorplan先吖~~

 

係咪大到即刻改觀呢？
而單位的實物圖係咁o架~~呢個係廳~~



書房同埋廚厠~~

登登登登~~
呢間就係我哋o既睡房喇~~真係大到可以跳舞o架~~

(完全搞唔掂個新版面呀，打字插圖都唔穩定，啲字又改o黎改去都仲係咁細.....放棄了.....到我有心情時再同佢惡鬥吧......)