瘋買傢俬腳跛鳥

(雀因為多手upgrade咗，又唔識得用個新版面，最慘係搵唔番啲blog友仔，所以一直都無心機寫blog啊.....
如果再搵唔番咁多位，大概我要靠東華尋人服務roadshow上呼籲大家搵番雀.....)
由於間屋已經吉咗，雀心急鳥~~這兩個星期不斷逛傢品店買這買那，幸好我哋只打算短住，傢俬唔駛咁襟用，求其靚靚仔仔同埋平先係緊要~~
首先我哋o係DSC買咗電視櫃、鞋櫃、床頭櫃同床架~~

由於買滿5件貨品有75折，所以緃使查理斯好討厭以下呢張梳化床，我都堅持要買，原價$399，雖然無得再75折，但因為其他傢俬折咗，我哋等於比多咗
$95買咗呢張 梳 化 床 ! ! !

我仲話如果有日佢爛咗，唔緊要，佢依然可以符合床墊呢個function，咁依然係抵到無朋友o架~~


可幸過去式新居同現在式新居都大到有朋友，我哋可以唔乜點度呎就買傢俬，反而係唔可以買得太細件，以免個廳睇落空蕩蕩，太古怪.....

新居都會以白色同木色主色，由於我哋唔會再裝修，所以都盡量買啲簡約o既傢品，慕求令原本的設計同新傢俬混成一體，唔突兀就可以喇~~

o係買傢俬o既過程中，雀黑咗無數次面，難為查理斯硬食咗幾嘢，亦令我深深體會到"男人買傢俬是很疴gor的....."

再o係宜家買咗茶几、兩組書櫃、一張書枱，傢俬總支出連運費及安裝係$6500，雀覺得自己好精明~~

到家電喇，除咗之前已添置的洗衣機同電飯煲，我哋又快快手買咗2部電視機，一部46" Samsung 放廳，一部32"LG放睡房，兩部加埋唔駛10K，但因為唔係LED所以先咁平，雖然人哋話LED慳電啲晝面又靚啲，但對於仲係打工仔o既雀，放工番屋企都係睇最多4個鐘電視，所以本身都用唔電就唔再諗慳唔慳喇(而家現兜兜慳番幾千銀仲實際~~)

再來DSC雪櫃大減價，原價$3580減到$3080，Panasonic，靚仔~~

19/8開始陸續有傢俬送o黎，加埋雀之前血併的貨品，希望8月尾雀巢可以正式入伙啦~~