2013春夏季雜記

新Blog入伙，寫番篇文o黎賀一賀先~~
麻煩有紙碎o既拋紙碎，有彩帶o既fing彩帶，兩樣都無o既就揮揮手啦~~~

因為舊blog摺埋，o係草稿見到塵封咗o既網誌，等我加啲減啲變成新文就可以重見天日喇！


塵封o既內容如下：

雀倦知還番o黎掃吓塵等等等等，等我清一清蜘蛛網先(雙手出力撥撥撥ing~~)

而家係咪睇得好清楚呢? (大概是悶瘋了，雀在家經常整天的自問自答......心情好時還啦啦啦啦啦的哼不知名的怪調)

作為一個全職查宅事務專員(Yeah下次填啲表格，職業o個一欄先剔"其他"，再寫呢個勁pro o既term，該比剔"家庭主婦"o既自我感覺良好很多的)，每天沒有應接不瑕o既來電(只有風花雪月論盡物價o既whatsapp & fb msg.)，又沒有人登門拜訪，o係查理斯放工歸家前雀真係好似啞o既咁，口都臭呀！

沒有工作o既日子，沒有上班族覺得那樣難過(大概沒有人覺得唔駛做o既日子係難過o架，雀諗多咗......)，雀起身時已是大家o既午飯時間，通常都係攤o係床攞住個電話"襟 襟 襟"一輪先起身，又或者有時早咗少少，就秒速立起個搖控開電視睇低B台重播啲舊劇，有一集沒一集的看，遇著好看的就上網搵o黎煲，過住啲 宅女 x 網購 x 師奶煲劇o既生活~~

婚後再唔需要邊看電視邊DIY，可以un un腳咁睇真係投入好多，搞到雀o既情緒都被扯動，前排戀愛季節有個單元講個老公有小三，雀真係又肉緊又心酸，睇到個老婆留唔住個老公時仲同佢一齊喊，仲有套心路GPS(甚麼垃圾片名，明明是好劇一套卻被劇名拖垮了)，我覺得李司棋好慘慘豬啊，有幾次簡直想跳入個電視場景親手鍊死佢幾個忤逆仔女呀!!!!

新增o既內容如下：

原來高峰時期我平均三日就有新文發佈，可見以前上班o既雀幾咁清閒，無奈而家掌管查宅，無人之下，一人之上，家務之多及繁重，不足為外人道也！(迷步步驚心迷到上腦了，變咗古人......)

 

2013年過咗大半，一次過寫咗兩季o既嘢，希望下一次唔會又到咗2013金絲雀大事回顧啦~~Finger Crosssssssss........