好多人都讚呢個城堡好靚，但其實佢唔止係靚o架，好多細微o既地方其實做得好仔細，就算收咗呢個城堡咁耐，每次我見到佢都總會再發現一啲新奇/之前無留意o既地方~~(而家放咗o係查理斯床腳尾，佢日日夜夜都可以欣賞到城堡o架~~)
為咗表揚查理斯o既努力(其實係希望解構完個城堡之後，會有荷李活大導 / 警察重組案情道具組 / 房屋署/ 私樓發展商搵佢幫手做模型，殺出一條血路.....
)
關於呢個城堡o既製作，而家等我化身謎女郎同大家一齊解開興建城堡之謎...
求婚篇：http://hk.myblog.yahoo.com/mcchar-mcwin/article?mid=63
城堡製作篇(網頁版)：http://wyyan.kytsai.hk/
今天，是我工作的學校一年一度的水運會。
好好彩，今年我唔駛去游泳池暴曬，正所謂偷得浮生半日閒，今朝梗係買埋早餐番學校食完先開工啦~~(其實我朝朝都食早餐，只不過平時o係自己個位食，今朝上咗去Staff room的大檯食)
雖然買埋早餐，但都係準時9點簽到，好彩無遲到~~(自從上次比佢話完之後我真係一次都無遲過到喎~~)
上咗去教員室之後，同事Baby話校長番緊o黎(有咩理由唔留低睇學生比賽？開幕完就走番o黎.....晏啲又再去會場，又唔近，佢又無私家車.....大家睇埋落去就知點解喇~~)，因為都估校長會上來巡視，所以我哋匿埋o係擺電腦物資個房仔食，我諗食咗20分鐘啦，就一齊番去自己位做嘢喇~~另一個同事仲話我哋知校長真係上過去望咗兩眼呀~~我哋仲心諗：哈哈，估到你啦~~
往年o係水運會之後，所有老師就可以放半日假(其實都無半日啦，1:30pm先完，平時4:30pm都放工啦)，今日，所有老師完咗之後都要2:30pm番學校開會，因為好似今日揭曉7位超額教師的名單，可想而知班老師o既怨氣有幾咁大.....
一開會，校長居然話：今朝想返來睇下啲TA有冇遲到，見到都無人遲，但好奇怪，佢哋又唔o係個位，最後又一齊出現......(當時我唔在場，有老師講番比我哋知)
佢咁講，我只會覺得：
1. 佢好小家、賤格、低裝，咁做都係想話比啲老師知我哋偷懶
2. 佢放棄鼓勵 / 欣賞學生游水， 就係為咗番來睇我哋有無遲到，究竟教育的對象係邊個呢？
3. 好彩我唔係工作緊o乍，原來佢睇到我唔係坐o係個位度就懷疑我哋蛇王，如果我真係做緊嘢，咪好蝕？
4. 平時OT佢又睇唔到？
5. 校長，一校之長.....器量如此，如何做到教學相長？
我要努力搵工，脫苦海呀!!!!!!
**********************************************************************
尋日放工之後同兩位好同事去咗食飯，傾咗好多嘢，亦大約知道咗係邊7個老師被裁.....
當中有啲人係抵死，但大部份都係盡心盡力盡責而又有好多年教學經驗的好老師！不過好明顯，佢哋係唔識擦鞋的老師！
佢哋有禮貌、準時交文件、唔卸膊，最重要o既係佢哋對學生好好。舊年有個被裁的老師，有一次我o係巴士站見到佢，佢話佢要去柴灣o個邊間IVE上堂，咁我話你搭呢架車唔係過海o架喎(我哋o係屯門工作，要去柴灣，佢要搭過海車轉地鐵)，但佢話：啲學生o係黃金(深水步)買咗啲嘢又唔o岩用，買錯晒，我幫佢哋攞出去換啦，佢哋好少出"城"，咩都唔識，見都係順路就幫o下佢哋啦~~
雖然佢好似踩緊班學生係鄉下仔，咩都唔識，但我卻睇到佢係真係對學生好好，佢本身番咗朝8放5，仲要老遠由屯門去柴灣，上完堂又番屯門(佢住屯門)，差唔多係由島的一端去另一端，中途佢唔介意比多啲車錢、舟車勞動去幫學生換番o岩佢哋用o既嘢......校長睇唔到佢o既辛勞、付出，只係睇到──校內各項評分項目佢攞分數好低......見到有學生吸煙又唔罰佢哋，所以，佢要out!!!!!
我從來都唔覺得罰可以改變學生的諗法，改變到o既只係一時三刻o既做法，反而循循善誘、言行身教對於一個細路o既成長真係好重要！我覺得如果一個畢咗業o既學生講番母校o既時候只係識講：「o個個老師好變態...點點點罰我」、「我o個次做咗咩之o麻，佢記咗我小過」、「啲老師無個好人」......呢啲係學校o既悲哀！
對於一個學生來說，一個好o既老師可能比一個好o既家庭成員的影響佢更多，一日番學番8個鐘，見老師o既時間仲長過見屋企人，係咪真係o下o下要罰到個學生唔番學連教好佢o既機會都無先安樂？
現任校長成日話舊校長搞到呢度有包容文化，包容唔等於包庇，包容係美德，有咩唔好呢？至少舊校長未退休o既時候呢度氣氛唔係咁吖！睇到教咗幾廿年o既老師被打壓，資歷淺o既步步高陞，都真係幾心酸o架......
有件事真係想同大家分享一下：
有位新的訓導主任一朝得志、語無倫次，未升之前我同幾位同事都覺得佢ok o架，後生仔但做嘢幾交帶幾好吖，點知升咗之後真係以為自己一人之下，o個啲臭檔嘢真係勁呀！
話說前兩個月我上咗外星打工(去圖書館頂替同事的工作一星期)，呢位新主任上到o黎話想借書：
新仔：呢度有無啲英文故事書o架？
外星人(圖書館負責老師)：有！o係晒呢排書架度，你睇o下吖！
新仔：mc win呀，你o係度幫手呀？咁你係咪可以幫我搵書呀？
外星人：佢唔熟o架，你想搵咩吖？我幫你！
新仔：(睇咗一陣)嗯....有無啲呢.....淺啲o既故事書呀？即係o個啲三隻小豬呀、適合瞓覺之前講o個啲呀？
外星人：有！(帶佢去另一邊書架)呢啲就係喇！(注意：外星人講嘢完全係斬釘截鐵肯定feel，所以要用感歎號~~)
新仔：(用隻手掃一掃排書，然後攞咗一本書出o黎揭兩揭....)....即係呢.....我借呢啲書係想番去比我個仔瞓覺之前同佢講故仔o既，但係你呢啲書呢(再用隻手好似好嫌棄咁揚o下)...真係好污糟呀，你知啦，我比個仔睇o架o麻，你咁樣，佢揭o既時候吸咗啲塵就唔係幾好啦！有無啲乾淨啲o架？
(聽到呢度，我個心真係爆粗，你個仔咁矜貴呀，你諗都唔好諗借啲書比佢睇啦，連去買新書都唔好呀，因為新書由印刷到釘裝再運去書局放o係書架等你買之前，已經有n咁多個人掂過呀，都係污糟o架.....最好o既方法係，新仔你買本畫簿，一路講故仔一路畫，講三隻小豬咯，咪即刻畫三隻豬囉，再唔係攞定你一家三口幅相，貼落本畫簿度咪三隻豬西囉!!!!!仲有呀，個仔大個咗唔好買報紙比佢睇呀，報紙咁多油墨....仲有呀，銀紙都唔好用喇，乞兒都掂過o架!!!!!)
(呢個圖書館o既書係我見過最乾淨o架，因為負責圖書館o既工友每日都要抹書，抹o既意思係成排書架o既書攞落o黎逐本用塊布抹乾淨)
外星人：啲書係咁o架喇，o係晒呢度，一係你睇o下有無o岩啦，如果有，你攞出o黎我叫工友再抹乾淨你先借啦....(睇o黎外星人今次都遇到強敵，所以語氣無咁倔喇，無得用感歎號....但係外星人的涵養功夫一流，咁都唔黑佢面!!!!!)
結果：新仔睇多一陣就咩都無借走咗喇~~
呢個新仔最近又有多單笑料喇~~
話說有日佢同另一位老師見學生家長，個家長抱咗個幾個月大o既bb o黎，佢居然抱咗人哋個bb周圍行，猛咁"aun ko ko"咁撩個bb，由於佢呢個舉動實在係太太太奇怪喇，所有office o既同事又唔鍾意佢喎，所以全部人都dup低頭做嘢無理過佢，唔知係咪佢無癮覺得我哋落佢面，佢竟然！係竟然！
抱住bb入咗校長室叫校長同佢一齊"aun ko ko"喎
，結果係兩個男人o係校長房玩bb囉~~擦鞋精，駛唔駛扮有愛心扮到去校長房呀？你自己屋企都有個b啦，睇o下你又幾時攞番o黎比校長"aun ko ko"~~
(不過，校長一定一定一定要，洗手洗手洗手！)
可愛o既查理斯被mcwin醫師診斷患上咗
「眼矇矇耳聾聾腦空空淨係識笑騎騎say yes縱壞mcwin敗家後群症」
病發經過如下：
前兩日o係Blog友包米兔女郎o既blog見到有以下呢個優惠──
法國婚紗攝影$1988，套餐包括：
20張 4' x 5'照片 (連修相檔案)
一張 16' x 20' 油畫 (不連框)
以上套餐只適用於九龍塘窩打老道影樓
(好似包2套婚紗、1套男禮，但係要upgrade就要加錢)
睇完之後即刻心郁郁，我send咗比查理斯睇，google對話如下：
)
~~)
伊甸園為慶祝成立4週年，誠邀首100位準新娘，
在伊甸園設於中環或尖沙咀任何一個婚宴場地
進行免費試妝!!!
快啲去以下呢度預約啦~~(衰衰o既我當然係已經預約咗啦,好快會有人打比你約你o架喇~~)
今日係Big day倒數一年半的日子，距離婚期又近一步，真係開心喇~~
籌備咗半年，其實所有要預訂o既嘢都七七八八了，只是很多要DIY的items還未開始製作，心入面有很多o既idea，希望真係可以逐一逐一整出o黎再同大家分享啦~~
有好多新人會o係好多items上各持己見、吵得面紅耳熱都係為咗要令對方聽自己o既意思，但係我越來越發覺，你愛佢.....你就唔會捨得同佢爭論！
呢半年，非常感恩o既係，我哋無為咗婚宴的各個項目而有爭拗(查理斯睇到呢度個心應該會話：梗係啦，我"就"晒你o麻~~)，亦都因為籌備結婚就好似大家合力做緊一個大project咁，感覺像回到大學時期一齊為Christian week各項事工而努力咁，雖然有灰心氣餒、情緒低落的時刻，但係，我們都一一走過去了！
另一樣奇妙o既係，越搞越多嘢就越會發現，查理斯真係一個好值得嫁o既老公，佢有耐性、細心、有計劃、"就"得人......最緊要係，我發覺佢真係好錫我！
我係一個滿腦子鬼主意又成日改變主意o既人，但佢通常都"由"得我，只係會講：
「你唔睇定啲先呀？我怕你到時後悔又唔開心o乍。」/
「唔緊要啦，你鍾意就買咗先啦，到時唔鍾意咪再買過囉！」
因為時間尚早，所以我們尚未到趕頭趕命o既重要關頭，有好多嘢都仲有商量的餘地，我希望今日寫o既呢篇嘢，會作為我呢年半o既提醒，要keep住好心情去為我們的大日子加添更多美好甜蜜的回憶！
婚禮日子 | ： | 2011-11-20 (Sunday) |
|
|
|
婚宴 |
|
|
婚宴地點 | ： | 半島酒店 (M2 Salisbury Room) |
場地佈置 | ： | 梁品製作 (未傾Design) |
請帖 | ： | 查理斯負責 |
Welcome Board | ： | 查理斯負責 |
Gift Zone | ： | 查理斯負責 |
結婚蛋糕 | ： | 想自己訂，但要問問半島得唔得先 |
席前小食 + 瓜子 | ： | 酒店提供 + 自己買 |
酒 | ： | TBC |
簽名布 | ： | TBC |
簽名筆 | ： | DIY |
Wedding logo | ： | 查理斯負責 |
Table No. Cards | ： | 查理斯負責 |
Seating Plan | ： | 查理斯負責 |
Card games | ： | TBC |
晚宴司儀 | ： | TBC |
|
|
|
註冊 |
|
|
證婚場地 | ： | 半島酒店 |
証婚律師 | ： | (聯絡咗，但會換人) |
介指枕 | ： | 已買 + DIY |
羽毛筆 | ： | 希望律師包啦 |
結婚證書冊 | ： | 希望律師包啦 |
証婚司儀 | ： | TBC |
|
|
|
當日攝錄及花車 |
|
|
Pre-Wedding Photo | ： | 3V＠東部華僑城 (2011年影） |
婚禮攝影及錄影 | ： | Elite productions ( 2P：Jan + Ryan, 1V：Michael) |
即晚派相 | ： | Elite productions |
成長片段 | ： | 查理斯負責 |
席前婚紗相片段 | ： | 查理斯負責 |
主花車 + 佈置 | ： | 酒店提供 |
旅遊巴 | ： | TBC |
旅遊巴佈置 | ： | 媽咪負責 |
|
|
|
化妝及禮服 |
|
|
化粧及set 頭 | ： | Ms workshop - Momo |
頭飾 | ： | Ms workshop - Momo提供 |
首飾 | ： | 唔知Momo有無，應該自己都會買少量 |
金器 | ： | 2對龍鳳鐲、1豬牌鍊、1心心鍊、1花花耳環 |
頭紗 | ： | Janny Wong (1長1短) |
新娘婚紗及晚裝 | ： | 1. Janny Wong (1CG + 1WG + 1EG) 2. Bride & Groom (造租1WG + 2EG) 3. 名婚紗 (4套任揀) |
新郎禮服 | ： | TBC (初步諗住金都卡諾詩) |
婚紗晚裝鞋 | ： | TBC |
裙褂鞋 | ： | 已買 + DIY |
男裝禮服鞋 | ： | TBC |
GIRDLE / NU BAR | ： | TBC |
祖母衫 | ： | 名婚紗租褂 |
6299衫 | ： | 6299自己買 / 造 |
媽咪衫 | ： | 名婚紗 |
伴娘裙 | ： | 我有1條 + 名婚紗租 |
姊妹衫 | ： | TBC |
兄弟 Tie | ： | TBC |
|
|
|
花飾 |
|
|
結婚當日花球 | ： | 媽咪負責 |
主婚人襟花 | ： | DIY |
伴娘花球 | ： | DIY |
花女花球 | ： | DIY |
姊妹手花 | ： | DIY |
兄弟襟花 | ： | DIY |
檯花 | ： | 半島提供 |
|
|
|
Pre-wedding |
|
|
深圳3V |
| 東部華僑城 (2011年影) |
|
|
|
餅卡 |
|
|
西餅卡 | ： | 已買美心西餅140張 |
唐餅卡 | ： | TBC |
|
|
|
過大禮 |
|
|
過大禮日期 | ： | TBC |
過大禮用品 | ： | TBC |
回門乳豬 | ： | TBC |
|
|
|
其他用品 |
|
|
上頭用品 | ： | TBC |
回禮利是封、貼紙 | ： | 查理斯負責 |
喜字貼 | ： | TBC |
男女家對聯 | ： | TBC |
Cushion及紅傘 | ： | DIY |
斟茶茶具 | ： | TBC |
新睡衣 | ： | TBC |
|
|
|
兄弟姊妹團 |
|
|
伴郎 | ： | 興 |
伴娘 | ： | 家姐 |
姊妹團 | ： | Yoko、萍、Lee-lee、蚊、Michelle、肥佬 |
兄弟團 | ： | Derek、聖水、應祈、阿鳥 |
花仔 | ： | 天朗 + 日朗 (TBC) |
花女 | ： | Chrysanta + 淇淇 (TBC) |
|
|
|
