敗家女戴朱義盛

結婚當日大家除咗金器之外，仲會戴咩首飾呢？

由於我唔係咩達官貴人後代，唔會有贊助商比o個啲一抽抽o既鑽石我戴o架喇~~ (除咗一抽抽，我想不到其他形容詞喇!!!!)

而查理斯堅持給我仿鑽首飾(查理斯：做人要有大志，你應該堅持給我真鑽~~) 但市面上買一件呢類近期新興的首飾，動輒過千，(如果係真鑽，動輒過千萬)雖然o係燈光下真係勁閃同埋好似鑽石，但係買幾件番屋企的話之後又用唔著，所以我哋有以下o既選擇~~

Kellary： www.kellary.com

約咗某日下午上去睇款，趕頭趕命下搭的士去，原來呢間嘢o係金巴利"街"唔係金巴利"道"，大家如果真係去要小心搵清楚呀(即係好多韓國嘢賣o個條街)~~

老闆Kelvin親自招呼我哋，佢o既價錢係分Grade的，大約係Gold、Silver、Classic、Elegant，一套係包頸鍊同耳環，手鍊、戒指另計，啲石真係好閃好閃o架~~同埋啲鑲石方法應該同真鑽差唔多，所以效果係好Grand又好Elegant~~

但係......我條肥頸太粗喇，佢啲鍊戴得到都好短(好似頸箍啊.....顯得條頸短上加短.....)，佢揀咗啲長啲o既比我試o下，嘩~~真係好靚好閃呀~~(望住塊鏡，突然明白點解萬千明星賀台慶啲女星要爭相搵贊助喇，戴同唔戴真係好唔同o架!!!! 閃到個樣都有晒光彩咁~~)

由於佢做緊宣傳，2011的新娘子而家join package有9折，可以即時hold咗款先，big day前有一次轉款機會~~

其實上得去睇都預咗會join，結果我哋join咗一個package (Elegant + Classic) + 單租1條手鍊，埋單9折要$1,7xx，價錢唔算平，但係好難唔心動o架~~(同埋市面上無乜呢啲租仿鑽首飾公司，okok.....如果你搵到，而家都千祈唔好話我知，除非你搵到o既係貴我幾倍的，否則我會覺得好內疚.....)

我仲睇中咗一對超靚耳環，可惜暫時得水藍色，我又未知有咩色晩裝，所以無選到啊(我已千叮萬囑老細如果入一對同款而係粉紅/白色/紫色，我都會90%要咗佢~~)

其實款式唔算勁多(可能係因為我頸粗戴唔鬼到，佢費事攞出o黎引我~~)，但同一個款都會有其他顏色選擇~~

以下呢條係我暫時hold起咗的其中一條，但顏色係白色(透明)的~~因為塊面太圓關係，好似都係揀啲長少少的款接番長啲啲好啲~~

呢個就係我當時好趕急咁用手機影低的頸鍊同手鍊~~真係閃到不得了~~手鍊款式好特別又elegant~~

這是暫時hold起的另一款粉紅色的，雖然未知會否揀粉紅色的晚裝，但我偏愛粉紅色所以都係hold咗先啦~~耳環一set，但手鍊唔包要另租~~