証婚場地也瘋狂 (上集)

搵証婚場地一波五六折，真係要同大家分享o下呢個囉囉孿的過程呀~~(最慘係呢個過程仲係持續中....)

最初，我哋諗住請律師o係開席之前6pm o係Foyer証婚，連律師都搵埋喇(呢個item又係一波三折(大概是我的工作比別人清閒，個天要自己比啲project我跟o下) 不過最後都book咗岑漢和律師)，但係我哋的圍數over10圍，要擺出Foyer，註冊就要縮o係浮雕o個邊做喇 (個"縮"字係查理斯用o架，佢仲夠膽死話浮雕o個條係巷仔)，而初時的構思係我o係樓梯行上來，而每邊可以放到三張椅(後來發覺如果我著拖尾婚紗 + 我爸爸，應該要移走2張椅先夠位)，如果每邊得2張椅好似好怪咁，所以o係巷仔註冊的念頭開始動搖....

(就係打算o係呢條樓梯行上來同埋右下角圖就係巷仔)

然後查理斯就提議o係Nathan room(即係麻雀房)做証婚，大約4pm開始，咁主要請朋友，然後就可以出Foyer進行cocktail + 切蛋糕 + 影相，而呢批朋友可能係唔係好熟 / 好耐無聯絡o既同學 / 同事，咁夜晩就唔會請佢哋飲，咁樣圍數即刻可以within 10圍以內， 由於減少咗3-4圍酒席，變咗cocktail，拉上補下，cocktail付出的錢都係比擺番o個幾圍多少少(因為酒席會有人情)，所以又開始諗cut人o黎飲轉cocktail喇~~

除咗唔想擺酒擺晒出Foyer 咁迫，又因為我再一次開口中(呵呵呵，呢件又係我隨口講就中咗o既奇妙事件~~有機會再blog啦~~) 查理斯升咗職呀~~

咁我哋都諗可能要請多啲佢o既同事，如果越擺越多圍，一來價錢會超出預算，二來Foyer都太迫了.....

但基於我連麻雀都唔識打，我真係勁抗拒麻雀房做証婚呀，好似原本一件好浪漫o既事變成好....麻雀咁(除咗麻雀我搵唔到其他形容詞.....) 為咗呢樣嘢都幾唔開心呀，半島咁靚比咗咁多錢，最後居然要選擇與一般function room零分別o既麻雀房，no way!!!!! (雖然好多人都勸我加番backdrop加啲佈置就好靚啦)，如果必須揀o係個backdrop前註冊，一係影張foyer/浮雕的相做backdrop啦，如果唔係又係o個啲紗紗布布，似乎無咩必要揀半島~~

後來又諗過開席先一併註冊啦，咁就會照擺酒請晒o個啲唔係好熟 / 好耐無聯絡o既同學 / 同事o黎飲，但又有個問題就係擺酒圍數越多，要補貼o既錢就更多(雖然擺酒係完全無諗過回/賺錢，但都唔想傾家蕩產咁，我哋都只係打工仔~~)，左計右度之下又打番Garden suite的主意喇~~

抵死o既我哋諗起Garden suite係我哋o係尖沙咀去完富豪酒店借厠所，見佢張梳化無人坐，就坐咗o係度閒話家常喇~~講講o下都覺得分開兩場o係Garden suite証婚又得體又唔駛得失朋友~~

點知，翌日早上打去問.....沒有期了!!!!!! 係我抵死，係我由敗家女變咗慳妹所以7月showcase雖然hold咗都無落訂.....而家又想敗家之際，佢已經成為咗人哋o既敗家物喇......

好快，我又諗咗另一個地方喇，今次係半島28樓(好似話係頂樓喇)o既Felix~~

要多謝Lucky girl將佢証婚的場地Felix blog咗出o黎，我先知有呢個地方仲可以book~~

問咗Lucky girl Felix的min.charge之後真係不得不心動~~比GS多少少o乍，可以book 12nn-3pm & cocktail also~~

曾經有個朋友帶我哋呢啲鄉里去Felix飲嘢，仲記得當時真係人生第一次踏入半島，覺得個大堂超爆靚!!!!! 上到Felix只係覺得去咗呢個鬼地方(好多鬼佬o既地方)好高級啊~~8個人飲咗支唔知幾錢o既紅酒(大家可以幻想o下8個人坐咗最大o個張雲石圓枱，但枱面得一支紅酒!!!!)，當時完全唔知道呢度可以証婚(當時連有M2同GS都唔知呀)~~

拿拿林打去半島問，由於跟我哋o既Connie放長長長假(放到我哋結婚都未放完喎，呢一刻我真心想加入半島呢個大家庭.....) Sales Jobee都day-off，聽電話o個位蒙(查查)小姐幫我check felix，佢話有人book咗喇，我多口問句，咁GS呢？佢話都有喇，然後我聽到佢啪啪啪按鍵盤o既聲，然後佢講咗我結婚日期同個名，話我哋book咗M2，跟住佢好似發現新大陸咁話：GS夜晩仲有位呀~~ 我話即係都無啦，係咪兩邊o既人都落咗訂o架喇？佢話係呀！但係你可以book GS夜晩喎，仲有位呀~~

大姐呀，我book咗M2擺酒喇，我夜晚要GS做咩呀？

收咗線後真係勁頹呀....GS同Felix都無咗喇......

好快，渾身敗家o既我又諗到Garden suite有兩個section可以book，一係12nn-3pm，一係晚宴時段(我估係6pm打後啦)，咁我哋就吼住佢中間3pm-6pm呢段時間，仲諗如果佢可以5pm前交到場比我哋，我哋5pm開始証婚，啲唔o黎飲o既賓客都可以食少少嘢再落埋M2一齊影相先離開，而半島都應承可以5pm前交場比我哋，正當我滿心歡喜之際.....

佢min.charge要前一個section的兩倍呀!!!!

佢話當我哋夜晚咁book，但係都折咗比我哋同埋提早咗交場o架喇(多謝晒呀真係~~)

我唔知佢係咪曾經有客有錢到同一時段book晒佢M2同GS所以佢咁提議，但有腦o既(係我以為佢有腦)都諗到我夜晚o係M2擺酒，我6pm後仲要GS做咩呀？我點分身呀？佢仲要以為益咗我哋呀陰功.........

嘻嘻，到咗呢度，大家係咪會放棄喇，nonononono~~敗家小女子如我居然想到GS外面的露天曬太陽o既地方啊~~

拿拿林又叫查理斯問價，嘩，天文數字呀!!!! min.charge係30萬呀!!!!! (大家唔駛同我一齊嘩~~最近睇雜誌，何韻詩就係呢啲集敗家同孝順於一身的代表，佢book咗半島7樓全層開20圍同佢媽咪賀壽呀~~)

所以話呢，我又錯過咗參加新秀，而家呢個露天望全維港的証婚場地我無份喇~~

大家睇o既時候係咪同我一樣經歷住好忐忑、又上又落o既心情呢~~

咁好啦~~一齊抖啖大氣~~

等下一篇啦~~wakakakakaka (如果你睇到o黎呢度以為有結果，咁.....等多日啦)