証婚場地更瘋狂 (下集)

上回講到我無參加新秀無晒啲獎金獎品，所以我無法子考慮GS隔離個露天地方(連考慮都無法子....陰功咯.....min.charge 30萬已經可以包起我整個婚禮開支連渡蜜月都應該仲有找)

於是唯有o係手頭上已有o既嘢度再諗，都係想分開兩場搞，咁如果想o係M2証婚，除咗開席先做又諗唔到其他辦法，因為半島份合約訂明最遲係7pm交個場比我哋o架，佢要到婚前一星期先會覆實我哋究竟當日早上同中午仲有無人book咗，如果有，就代表個場一定唔可能係3-5pm交到比我哋喇，如果係咁，就算我哋打算230-4pm o係Foyer証婚都係得個諗字/博一博(其實邊有得博吖,唔通到時派晒invitation先話人知半島話比唔到個場我哋呀,你唔好o黎喇~~)

所以.....我哋又忽發狂想~~book埋M2早啲個section咪得囉~~

半島o個個人報咗價，如果2pm交個場比我哋，min.charge剛好介乎GS同Felix中間，咁呢筆錢係同樣可以用o黎訂cocktail的小食同埋飲品o架，咁我哋梗係覺得咁樣最好啦，本身就係預咗呢筆錢做cocktail，而家可以o係番M2又唔駛額外搵佈置，咁梗係最好啦~~

我哋仲諗住唔o係Foyer做喇，直程o係個Salisbury room入面做啦，可以用theatre setting，坐到80-100人o架~~証完婚啲人o係Foyer食嘢先叫佢set番酒席囉~~

係咪好perfect呢？

但係~~世事邊有咁完美o架?!!!!!!!!!!

我哋confirm之際，半島o個個人打o黎話，原來你結婚o個朝都有人book咗M2喇!!!!!!!!

大家唔明呀？

即係話，2011-11-20有人book咗12nn-3pm o係M2 結婚/搞function，佢份合約寫明3pm先需要交場，但根據另一半島jm貓o既親身經歷，佢o係GS行完禮，本身都話3pm要交場，但佢最後430pm先離開呀~~~係無staff會趕人o架~~

咁即係話就算我3pm放催淚彈，上一手啲賓客即走，佢最快都要430pm先交到個場比我，咁同我原先計劃6pm縮o係浮雕巷仔証婚有咩分別呢？

搞咗一大輪，原來都只不過係 原 地 踏 步!!!!!!

o黎到呢度，大家有無對心目中神級店半島的印象大打折扣呢？

老實講，我直程想著血衫(梗係用紅漆啦~~)o係半島大堂靜坐示威呀~~

(咁樣報紙頭條應該係：港女為圓証婚夢 血淚交纏於半島

報道內文應該係咁寫o架：

一名2x歲的典型港女，大概想仿效黎姿於半島出嫁，窮半生積蓄換來一晚的童話式婚禮，但由於......日前下午，這名穿著DIY(貫徹一班bride-to-be的作風)血衫的奇(肥)女子強行進入半島失敗，情緒激動，半島報警求助)

可能o個條友知衰喇，口輕輕話我哋知可以Book M2早幾個鐘但又唔check期，而家踩咗屎喇就補鑊啦(佢應該開始恐慌並心諗：呢2條友一定係恨o係半島証婚恨到發癲先狂扯佢問呢個場o個個場，如果佢最後搵唔到一個可用的地方比我哋証婚，佢驚我會淋佢氣水(因為佢搞到我一肚氣)~~)

佢居然話：但係我check咗Felix，之前有客人hold咗，不過佢無落訂同埋而家都過咗佢要回覆的deadline，所以我而家可以hold比你哋，但係Felix夜晩要做生意，原本最遲係3pm要交場，而家我盡量比你哋最遲330pm先交場啦~~(咁點解之前你哋有位同事話Felix已經有人比咗錢o架?!!!!! 發緊夢!!!!!)

咁我哋就約咗o係400 days to go o個日(2010-10-16)去睇場~~

由於呢個下巴輕輕o既人day-off，佢搵咗Jobee帶我哋睇場，好多謝好多謝Lucky girl提供咗寶貴o既資料，令我哋o係睇場前都預備咗少少嘢要問佢，例如音響、賓客坐椅、setting等等，比大家睇o下個場先~~

(左)大堂Lift口 (右)上到28樓出Lift的走廊，可以for March-in

(上)証婚枱就會set o係呢個白色背景前前   (下)兩邊落地玻璃+有人樣又好出名的designer chair，到時証婚都要用呢啲椅，除非問M2借，但因為o個日朝早有人book咗，所以即係無得借~~

(下左)呢個就係佢講o既private dinning room，到時比我當新娘房，但真係無可能o係度換衫，落地玻璃+有度門通去出路o架~~同埋呢度其實係個stage的後側，無簾無門無遮無擋，點換衫呀？

(下右)Felix最出名係呢個厠所喇(出名在望海)~~話說第一次踏足半島嘆紅酒時，查理斯仲嘆過呢個厠所最獨特之處~~佢入咗個剛剛有人開完大o既厠格，而厠格度門係雲石打造的=密不透氣，佢話o個啲味真係"哽"到呢仲衰過公厠呀~~)

其實個心真係好歡喜呢個場地o架~~而Jobee亦一再強調係有音響同咪供應o架~~

但由於同我哋傾o既係佢上司，佢唔知道佢老細比我哋o既offer係點樣，所以佢suggest唔好落訂等佢老細覆~~

翌日(星期日)一早，查理斯已經e-mail番份contract比佢，但由於佢份contract寫o既時間同我哋講o既有分別，所以我哋用筆修改咗簽咗名寫埋credit card no. e-mail番比佢，但係，半島一直都無回音喇~~

直到尋晚(星期二)，因為查理斯要去咖喱國公幹一個星期，佢番o黎都過晒半島hold Felix比我哋o既日子喇，所以我迫佢上機前再打比o個個女人(我已經唔想再好客氣咁稱呼佢，不負責任!!!!!) 但係又係搵唔到佢，到今朝，查理斯已經o係咖喱國喇，我check e-mail，終於都見到佢amend咗份contract send咗過o黎，但問題係，查理斯而家簽唔到比佢o架喎......(我暫時諗住print out番上次查理斯簽咗最後o個頁連同新呢份頭o個幾頁 fax番比佢囉)

所以話，呢個只係暫時o既下集，我個心仲係好囉囉孿，佢一日未收錢，我都唔敢肯定Felix已落實，佢啲staff一時話有一時話無，就連Jobee實牙實齒話我哋知有咪提供，而家佢老細覆番o黎又話淨係play到music，其他咩都無!!!! 咁究竟係咪我有妄想症呢？我妄想半島可以提供咪比我？

兜兜轉轉2個禮拜，我哋都仲未可以落實証婚場地，但過程已經令人發瘋，亦令我心中將呢間神級酒店變咗神棍酒店....佢啲staff亂咁隨心答隨口"up"，都唔知分唔分得清楚咩係有咩係無，send e-mail / 打電話都係三催四請先會有人覆，仲要覆o既時候好似啲啲唔好意思都無o架喎，呢啲咪打工皇后囉~~

大家幫我一齊祈求餘下付款過程順順利利啦，我真係好驚到最後佢會覆我：唔好意思呀，因為見唔到你哋比deposit，所以Felix已經有人比咗錢book咗喇，你一係再睇o下其他地方啦~~

如果係咁，大家翌日記住買報紙睇我o既血淚大控訴喇~~