我是在這裏淘的~~http://meizi4463.taobao.com/
有一點大家要諗清楚呀，因為我係先淘一件看看質素，覺得好了才再淘餘下幾條，相隔時間大概一個月，但賣家說分開兩次訂會有色差的問題，縱然我訂的只是米白色，第二批的裙都比較偏粉橙一點.....所以如果你介意，第二次淘的時候可以買多一條，除番開每條其實係貴咗少少，但顏色就會一致~~
同埋size偏細，我啲姊妹好fit都要穿XL，因為胸位很窄~~但可以放心o既係裙側有紙口位可以放寬~~
我買了5條姊妹裙，總數連運費係RMB$580
希望大家都搵到平靚正o既姊妹裙啦~~
*******************************************************************
之前做伴娘同姊妹試過自己買裙又試過新娘子租埋比我，兩者比較下，都覺得如果負擔得起(姊妹們，為咗你哋，我願意比呢啲負擔壓扁我個人~~)都係預備埋比佢哋好啲~~
其實最初係打算做短裙款o架，但後來經姊妹提醒費事有人想show美腿做到條裙好短(我個人認為唔及膝就唔夠elegant~~) + 長裙無咁易走光，所以就轉呔睇長裙款喇~~
其實我好想啲姊妹裙裙身顏色係淺粉紅 + 香檳色腰帶，但係一想起多年好友好好好唔喜歡粉紅色(想像得到個突兀程度等於runabout車仔變咗粉紅色咁樣)，我即刻打消咗呢個念頭；第二心水係Tiffany blue + 銀白腰帶，但查理斯同埋其中一位姊妹都話好蝦人著，所以我又放棄咗；最後，我揀咗最最最大路連牛頭角順嫂著都應該好好睇o既米白色 + 香檳色腰帶，外搭毛毛短外套，大家可以睇睇Mary的示範~~
係咪覺得除咗皺咗啲之外都唔錯呢？
呢條裙係我淘番o黎o架，只係需要RMB$99，大家一定會問個質素如何呢？
我會答：同o係金都租o個啲無大分別！
首先讚o既係實物同網上看到的分別不大，條裙無污漬無爛，胸前打摺同埋腰帶 + 腰後用布卷成o既玫瑰瑰都好好睇，雖然條裙係幼吊帶款，但裏面仲有條橡筋帶，就算拆咗條吊帶都唔會成條裙下滑o架~~
裙身每邊仲有2-3吋紙口位可以放，條腰帶位就算放咗紙口都真係有色丁布o架，唔駛擔心有啲國產貨偷工減料o既問題~~
裙身夠長，我估只要你啲姊妹唔係172cm以上都唔會吊腳~~(但168cm以下的都應該要改短少少先得，如果你打算比啲姊妹著5吋high heels又另當別論~~)
有讚都有少少要改善o既地方，就係裙身有少少走線(呢個可能係我哋同Mary著衫時太暴力所致)，呢條係中碼裙，但係連國際標模Mary都拉唔到拉鍊，似乎真係太細件喇(腰得24.5吋，胸得31.5吋，好唔o岩比例)，但好彩o既係呢間店由S-XXXL都有，亦可以你比呎吋佢幫你訂造都不另收費~~
另外，雖然條裙面係雪紡，裏面係色丁布，但係o係光線充足底下都有少少現底褲邊，我估係因為隻色太淺所致，所以都係建議姊妹著番條淺色打底褲好啲~~
講到呢度，大家一定好心急想要呢個淘寶網址，但係今次雀要奸一次喇~~
因為我只係訂咗一條裙落o黎睇o下個質素，餘下我仲有5條要訂，而賣家同我講佢布料緊張同埋訂單多到應接不暇，所以我要搞掂咗餘下幾條先會公開呢間嘢o既網址，等唔切o既可以自己上淘寶網搜刮一下(我都睇咗好幾個鐘頭先搵到呢間嘢o架)~~
係fb已經想回你...我覺得好靚呀.. 好鐘意後面既花花呀!! btw我好鐘意你用陪嫁女來形容姊妹呀!
回覆刪除[版主回覆04/28/2011 10:41:00]我估會唔會啲男人鍾意陪嫁女呢個名多啲呢/
其實我都覺姊妹著長裙係方便d，影相又靚d
回覆刪除短裙......其實........都唔係個個carry到嘛~~
[版主回覆04/28/2011 10:41:00]不過都唔會太短o既,及膝囉.....同埋睇個場地,我見過有啲妹企上台,台下睇晒裙底春光.....睬.....
慘啦.. 我都諗住係短裙咋wor..
回覆刪除長裙又覺得好唔方便.. 如果一個短一個長又唔係咁好睇wor..
點算好呢 ><
[版主回覆04/28/2011 10:40:00]長裙唔會走光呀 ,短裙要及膝先靚呀......
我都覺得長裙感覺淑(熟)女一d, 問過佢地又無咩意見, 所以都係長裙好d
回覆刪除[版主回覆04/28/2011 10:38:00]我贊同呀~~~
我都揀左長裙呢.......... 長裙高貴d
回覆刪除[版主回覆04/28/2011 10:38:00]同埋方便啲唔駛襯鞋
呢個款我都係淘寶睇中過, 不過又好怕淘出黎唔靚, 唔知點好..
回覆刪除[版主回覆04/28/2011 10:38:00]我見你搞掂咗喇喎,你揀咗款未呀
e... 呢條咪就係我 d 姊妹著既款lor! 不過我買既係短裙來的, 香檳金色~
回覆刪除[版主回覆04/28/2011 10:37:00]如果短裙$79 o乍!!!
$99真係好鬼抵,,,,
回覆刪除[版主回覆04/28/2011 10:37:00]yeah~~
我都打算淘呀, 不過又驚D尺寸唔岩WOR~ 咁先慘...
回覆刪除[版主回覆04/28/2011 10:37:00]我都預咗要再改,但香港o個啲都係咁o既質素,我改埋都唔駛咁貴喎~~
有時淘寶真有好野!!
回覆刪除[版主回覆04/28/2011 10:36:00]我都遇過黑店o架,不過咁平都值得一博呀~~
條裙好靚wor
回覆刪除[版主回覆04/28/2011 10:36:00]似乎我啲blogger都係簡單款愛好者,great~~
去百利租都要 $250 一件呀...你 $99真係好抵同埋個款都好好喎...淘寶哩家我都未學到呀....淨係買過次寵物袋都買錯 size...唔敢再試....咁抵, 買多條比我的"陪嫁女"都好喎..嘻 (陪嫁女哩個名....我男友鐘意多 d 囉...佢就想囉)
回覆刪除[版主回覆04/28/2011 10:35:00]陪嫁女淨係陪一日o架o乍~~你男友唔駛諗喇,哈哈~~~ 其實taobao真係好多筍嘢但又好多黑店,要小心選擇~~加油呀~~
99蚊好抵呀 我到都係百幾二百蚊既~.~ Tiffany blue <--我最愛, 所以我的姐妹們冇得反對~wahaha
回覆刪除[版主回覆04/28/2011 10:34:00]我會等你post啲姊妹裙呀,tiffany blue真係正呀!!!!
我都好後悔當初無去淘寶去左百利，good pick!
回覆刪除[版主回覆04/28/2011 10:34:00]我都搵咗好耐先搵到呢間呀~~百利有實物睇,唔同o既~~
其實你呢個款幾好,胸大胸細都著到!!!
回覆刪除[版主回覆04/28/2011 10:33:00](Empty)
其實長裙真係會方便D 架! 我問左好多位做過姐妹既朋友, 佢地都係話長裙方便, 最方便係裡面著乜野鞋都無人知嘛!!! 我有一個朋友試過中途轉左著BIRKENSTOCK 拖鞋, 之後成晚舒舒服服無人知! 哈哈!!! 如果短裙佢地又要買鞋著, 好煩架.....
回覆刪除[版主回覆04/28/2011 10:33:00]BIRKENSTOCK,你提醒咗我都要帶定自己o個對去呀!!!
唔該晒Mary親身為我地試衫呀!!!
回覆刪除[版主回覆04/28/2011 10:32:00]你諗掂你啲姊妹裙未呀？
平靚正~
回覆刪除[版主回覆04/28/2011 10:32:00]快夾妥tim呀~~
LI 件好令呀.. 又唔貴呀
回覆刪除[版主回覆04/28/2011 10:32:00]係呀,質料仲好ok~~
價錢同質數都好過我上次訂個間淘店咁喎~~~你好叻女呀~~成功慳到家!!
回覆刪除by笨豬小慧simple
[版主回覆04/28/2011 10:32:00]得到小慧你o既認同,我先覺得真係抵呀!!!!你o既意見夠pro o麻~~
投長裙一票丫 ... 爽十倍，同埋影相靚廿倍 ~
回覆刪除[版主回覆04/28/2011 10:31:00]但你而家揀咗迷你裙喎~~因咩事你改變主意先？兄弟比咗幾多錢你咁做？
唔貴...又合你心意....金絲雀絕對豪得起呀....
回覆刪除[版主回覆04/28/2011 10:30:00]我係平民化豪雀~~~
雀~ 淘寶既公司質素好參差, 你可以搵到一間平靚正既真係good good good呀~~~ btw, how come你請得郁mary同你試衫架?! 佢長駐你屋企架?!
回覆刪除[版主回覆04/21/2011 11:35:00]草，因為Mary o黎香港做 top model呀,佢住o係查理斯屋企o架~~遲啲你睇o下會唔會o係報紙見到佢吖~~記住捧場喎~~~
真係好抵,我未搵左姊妹裙資料, 等考完試之後就出發去睇 !
回覆刪除依家見到你呢條又真係平靚正呀 ^^
我既心水都係白色長裙，又係因為連牛頭角順嫂都著得好睇
回覆刪除[版主回覆04/28/2011 10:30:00]我去你blog私留咗比你呀,你睇睇吖~~
咁都比你搵到，勁wor ^^
回覆刪除by醒目主人simpson
[版主回覆04/28/2011 10:30:00]梗係啦,我係醒目雀喎~~
嘩哈哈!!平靚平,,GOOD!!!嘩哈哈!!!又會咁搞笑,又MARRY幫手做模特兒，，，
回覆刪除[版主回覆04/28/2011 10:29:00]嘻嘻,Mary夠fit吖o麻~~
條裙真係好得喎...我都未有時間諗姊妹裙呢....
回覆刪除[版主回覆04/28/2011 10:29:00]要快手啲喇,我估佢送咗落o黎你都要攞去改呀~~~加油~~
可唔可以add我做朋友呀~
回覆刪除我出年9月結婚喇~
而家o係度籌備緊~ =)
[版主回覆04/27/2011 10:00:00]add咗喇~~nice to meet you~~~
好靚呀!!
回覆刪除[版主回覆04/28/2011 10:23:00]好嘢,個個都讚~~
係裙靚呀!!!!! Good Pick
回覆刪除[版主回覆04/28/2011 10:22:00]yeah~~~
我唔敢去淘寶買依種裙呀! you are so brave
回覆刪除[版主回覆04/28/2011 10:22:00]其實我都係諗住咁平唔緊要啦,好彩博到無蝕o乍~~咁你打算o係邊度搞掂呢個item呀？
好好喎, 又平 我係香港造要成$2XX, 不過唔同款, 同埋都係要打底.
回覆刪除[版主回覆05/18/2011 14:43:00]呢條其實真係同金都o個啲好類近~~
太好喇~~你又ko一個item喇~!!!
回覆刪除[版主回覆05/18/2011 14:42:00]咁你呢?淘唔淘呀?我可以幫手喎~~
我都揀姊妹裙揀到好頭痛... 我都係11月結婚, 可以add我做blog友麻..
回覆刪除嘩, 你真係好勁喎~ 價錢真係好抵呀~
回覆刪除[版主回覆05/19/2011 15:23:00]有無心郁自己再訂條著o下先?
淘寶真有好野, 好平,看你buy 呢d quality 又幾好, 好選擇!!!
回覆刪除[版主回覆05/19/2011 15:22:00](Empty)
等我介紹比我個fd 先!!!
回覆刪除[版主回覆05/19/2011 15:21:00]好吖,不過有jm話而家訂造要加$10
係 ~ 訂一條先穩陣 d ~
回覆刪除我剛剛都係呢間訂0左一條諗住睇下質數先~ 死啦, 你咁講...我驚第2次訂佢有色差tim....>.< 佢都有話23/5先出貨....多訂單 但訂造size要加rmb$10...已經唔係唔洗錢了....
回覆刪除[版主回覆05/19/2011 15:21:00]咦,之前訂造唔駛加錢o架!!!你訂咗咩色呀?即刻加單啦趁佢未送貨~~
我都有淘呢個款既短裙呀...(原本order3條係灰色,粉紅色,米白色).....呢3條係比我老公細佬們的老婆/女朋友著....米白色真係最靚呀...你無淘錯...good!!!^^
回覆刪除[版主回覆05/19/2011 16:35:00]佢比你揀做其他色呀？我造時佢話得白色/米白同紅o乍.....
我訂造果間係任揀顏色...佢send色板比我.....我揀岩左色...叫佢send我揀果隻色既實物裙比我睇下o唔ok lor.....跟住我比size佢....佢自動波幫我攪掂晒...仲好細心每條裙寫埋姊妹名 (因為我send 呎吋比佢時...唔記得delete屬於果個姊妹既名....hee)
回覆刪除[版主回覆05/19/2011 16:50:00]咁你o個間仲好過我呢間喇~~服務抵讚~~
但你呢間抵d....長裙都係RMB$99...我果間訂造短裙都要RMB$80呀......
回覆刪除其實我覺得長裙靚D架...不過因為我班姊妹鐘意短裙....所以最後尊重佢地決定至做短裙......hee~
[版主回覆05/19/2011 16:54:00]咁可能我知邊間喇,我之前搵到間長裙要$159呀~~不過你可以訂造顏色都好抵啦~~
我d姊妹都想睇0左質地先.....都無法>.<
回覆刪除[版主回覆05/20/2011 09:32:00]我可以借一條比你比啲姊妹摸o下啲質料喎~~
多謝你呀winwin~不過佢地choose個隻係絹面....唔係雪紡....
回覆刪除我都係訂呢隻款呀...但係我訂短裙，淺紫色...料都ok.....仲有四條未訂呀....但我同個seller 鬧翻左，而家都唔知點算好呀.....
回覆刪除[版主回覆05/26/2011 12:51:00]開過個acct.再聯絡佢囉~~新acct.扮係你朋友囉~~
我都12月結, 又係煩緊姊妹裙, 岩岩睇緊上淘寶訂就搵到你個BLOG, 大家做過朋友呀 ^^ 你快遞埋落黎幾錢呀?
回覆刪除[版主回覆06/19/2011 09:07:00]nice to meet you~~
我用順豐運5條要$56呀~~
你好！謝謝你提供資料！但是上面網址不能去，可以 send 俾我嗎？
回覆刪除[版主回覆05/23/2012 01:07:44]http://shop35129152.m.taobao.com/
我用手機去到呀，你再試試吖