Elle 30"粉紅旅行箱@吉之島，$8xx(包送貨同唔知幾耐保養~~)
近日糟糕大減價，好多B2B瘋買o個啲護膚品化粧品，反而我就師奶雀上身，係咁睇家品.....
也許豬的身體不優美，長鼻短尾~~
但呢兩個豬兜真係好實用啊~~一個係豬頭冰格，一個係豬頭蛋糕盆(唔焗蛋糕用來裝意粉開大食會都得o掛.....)，兩個都係耐熱入得焗爐o架，合共$178~~
豬兜係糟糕未開始大減價時已經睇中，我係雀，佢係豬頭，當我玩唔掂憤怒鳥時就可以將啲豬頭冰食晒落肚以洩我心頭之忿呀!!! (到時佢唔死o係我手都溶o係我手呀!!!變 態 雀.....)
(好好好，我承認以上呢個豬兜都唔係慳家師奶會買o既嘢，我只係敗家女扮慳家妹...)
唔知點解，我同查理斯行親家品部都好鍾意睇床單，又好鍾意摸人哋啲display然後逐一品評佢滑唔滑......(好似啲變態佬揀女咁.....
)有考慮過買婷姐o既連心被，查理斯話第日都會係佢換床單，可唔可以買啲有啪啪扣o既好換啲.....但最終我哋屈服咗o係嬌姐o既軟滑同埋大特價之下~~
上面o個套係1100針混絲o床單套裝，真係舒服到呢.....
下面o個套係730針棉套裝，質料都唔差o架~~
由於我哋未來張床係五呎，張被本來都應該配番一套，但係我堅持買大啲舒服啲，所以下面o個套要拆開買但sales又肯比番套裝價我哋喎~~
兩套夾埋$17xx~~
仲買咗張King Size 97"x90" o既大豆冷氣被，盛惠$599!!!! (其他size係$299o乍.....不過我哋唔想因為搶被而冷戰兼冷傷風)
新屎坑關係，當日下午忍唔住拆咗張被瞓咗個晏覺，真係唔入被袋都好滑好舒服啊~~
以上貨品用糟糕白金咭有5%回贈，再打去中銀熱線抽獎抽多最少5%回贈，即係有個9折啦~~
買完所有嘢，先發現自己想變pink lady.....全部都粉紅色......
一齊唱啦：
粉紅粉紅趣緻的臉~~我叫一聲即可飛上天~~~(雀，飛天喇~~
)******************************************************************
想補充一下，查理斯由一開始阻止我買呢樣買o個樣話搞到佢間房好逼喎!!!
不過，婚期迫近，而家唔到佢話事喇~~
大家想像一下佢間房有幾逼 (B I G).....
一張雙人床、書枱、衣櫃、幾個膠箱、大城堡連膠盒、兩張(!!)電腦椅
兩座位梳化(!!!)
一盤鐵樹(!!!)
一架健身單車(!!!)
兩個人哋賣衫用o既掛衣長鐵架(!!!)
然後我哋仲可以o係地下一字馬而雙手360度掃都唔會掃到任何嘢o架喎(!!!!)
呢度只係冰山一角，我咁好彩有地方放婚前物資，我點會浪費啊，呵呵呵~~
好攪笑呀...豬頭冰~!
回覆刪除我乜家品都未有時間睇, 係pat pat痕有日去咗沙田宜家打咗個白鴿轉jar~~~我都想做隻慳家豬, 不過現實唔俾我做之嘛
回覆刪除by笨豬小慧simple
赤色絲巾圍左肩, 凝望鏡盒身體會變............
回覆刪除[版主回覆05/25/2011 13:56:00]隱藏隱藏少女的臉,我對他不可講出半點~~蘋果圓被"tum tum"轉,太多珍珠怎計算~~
一田減價呀, 床單套裝會唔會平d?
回覆刪除[版主回覆05/25/2011 13:58:00]一田的casa好似無咩點減呀,我見永安定先施減價,同一套床品都唔sogo平呀,百幾二百蚊呀,又無5%回贈~~
我地未入伙.......dee野買左都唔知放o係邊~~~~~~想買好多野，但就唔敢買野住~~~~
回覆刪除by醒目主人simpson
[版主回覆05/25/2011 15:41:00]主人,你再望O下上面加咗幅圖,你會唔會覺得我唔喪買都對唔住間房呀？wakakakak~~
查理斯果間唔係房,,,,,大到係間屋嚟架喎!!!
回覆刪除我已經想像到你間房有幾逼(BIG)...
回覆刪除哈哈.. 唔好意思.. 呢d減價節日我都係睇家品咋!!
回覆刪除果日係觀塘見到美亞開倉..我第一時間走左入去睇.. 不過俾媽咪禁住左!! 冇得買呀 hkd389有8件呀... 感覺好抵
好鍾意個豬頭冰格呀~~~~~
回覆刪除哈哈, d星矢就黎無定企！
回覆刪除粉紅色 ~~~ 我鐘意呀 ~~ 所有粉紅色都是美好的 !
回覆刪除I Like 嬌姐so much~~~舒服又靚!!! 真係會敗完又敗....哈...
回覆刪除擺到咁多野, 睇來查理斯間房都唔細喎 ~
回覆刪除不過, 被真係要買比張床大SIZE的, 唔駛到時夜晚搶被嘛
回覆刪除有幾深呀 ? ^^ 因為我可能都要買個喼, 可以幫忙度一度嗎 ?
謝謝
Wah~~~真係ko左好多野喎~~
回覆刪除我要等裝修好先開始買~~
到時已經無左特價喇~!!!!!!!!!
[版主回覆05/26/2011 10:02:00]sogo一年有兩次特價呀,另一次應該係11月~~
間房有成個廳咁大喇wor .... hahaha
回覆刪除依排啲公司係咁減價好難忍到手囉. 我都買到間房變左雜物房咁呀
回覆刪除winwin，下次你要將個公仔收做飛天少女豬事丁
回覆刪除Winnie,你好喼抵WOW~~ hAHAH睇黎我敗家過你. 我睇中左個29" hello kitty o既舊款喼,o係一田見到白色要$2399,紅色就道道都冇貨...... 另外,仲有Hello Kitty龍鳳床單+被袋,加埋又好似要$2000..... ......唔通真係要再諗過呢兩樣野????>.<
回覆刪除Haha.. 對上一次 sogo 大減價 .. 我買左床 ” 肉 ” 呀 !!! 平左差唔多正價 2 千蚊 ..
回覆刪除日本公司大減價真係唔同 d!! 令人瘋狂呀 !
我都覺得casablanca 滑同舒服
回覆刪除我都係買咗嬌姐既床舖作嫁妝呢,,,真係好鬼滑, 一上張床就想瞓覺呢,,,,
回覆刪除次次sogo大減價都多人到針都插唔入呢,,,
呢個豬頭好得意呀,,佢係冰格定整朱古力模,係邊到買,,好Q咁,,有無兔仔架?
回覆刪除[版主回覆05/27/2011 09:42:00]我估冰同朱古力都可以呀~~ o係cwb sogo賣碗碟o個層~~
wooo，粉紅色個套床單我原本都睇中架，不過後尾冇買，因為係sogo見到另一套都好滑，1100 針。
回覆刪除而家d 結婚野開始堆左係我間房度 =.=
好在你無買"婷姐"的鸞鳳和鳴鴛鴦連心被咋~!!
回覆刪除D人話會甩色=___=
超LIKE 豬冰格係那裡買, 我都係去親百貨公司一定勁摸床上用品, 哈哈
回覆刪除粉紅粉紅趣緻的臉~~~~~豬頭冰好可愛ar~~~~~ good！
回覆刪除win win，我都成日會唔覺意買左d粉紅野ga！
我都有留意呢個豬模呀^皿^
回覆刪除千祈唔好中婷姐既毒呀!! 因為個隻拍拍扣, 只要你用過一次, 你就會放棄唔到! 我成家都中左十幾年呀最少!!! 你個隻豬仔野我係SOGO見到都想買, 但我阿娘問我買黎做乜, BAN左我, 搞到我幾鬼唔開心!!!!
回覆刪除我都見到個豬形冰格, 我都覺得好得意呀, 但係就唔見咁大個豬頭盆, 你係唔係係cwb的sogo見到的呀?
回覆刪除可以add我嗎?
OMG!!!!! the ^(oo)^ fit my bu^(oo)^ and me the MRS ^(oo)^ TO BE so much!!!!!!!!!
回覆刪除不過想問你地兩個會唔會怕凍架~~我都係用開casablanca既被架~~~不過我用既係羊絨被~~個隻好舒服架~~又暖~~之前吉吉島大減價勁平呀!!!
回覆刪除[版主回覆02/14/2012 11:56:21]哈哈,我哋仲係襟緊冷被o乍,有時加張薄氈,張羽絨被無開過......
[版主回覆02/14/2012 11:56:09]哈哈,我哋仲係襟緊冷被o乍,有時加張薄氈,張羽絨被無開過......