大食新人聚@八月花

1120BG2B已經去到唔見一週，如隔三秋咁大鑊喇~~

通常約咗今次都未出o黎，又已經熱烈討論緊下一次o架喇，能夠o係呢條沙石多多o既婚禮籌備路上遇到你哋，係我金絲雀o既福氣~~(唉....再咁成日約埋食嘢真係人人都有腹氣咯......)

每次見面都有說不完的話題，加上我哋有共同朋友大姐，真係每次都無冷場而只會飲恨點解太陽咁早落山~~

嘻嘻，雀好懶，當日無帶相機(有人有pro機o麻~~)，所以我唯有去佢哋度借番啲相啦~~~

(阿Ken，呢啲相無錯係o係你o個度借o黎用o架，租借期係.....一萬年，哈哈.....咁你坐我隔離，我哋望到o既嘢都一樣o麻~~)

話比人知我哋係待嫁新娘都無人信呀，呢個餐勁多嘢食呀!!! 又大碟又好味~~

(鬆馳熊，嘻嘻，我都借咗你啲相呀......)

咁齊人，點少得大合照時間呢？鳴謝兩位高手幫我哋整整容先見得人~~

望住呢張相，總覺得我哋係有緣有份o既，好似張相咁，本來大家就係恐龍熊不相及、兔唔搭貓咁，估唔到相處落大家變了日日吹水、互相支持分享o既好朋友~~

希望我哋o既友誼唔會隨住結完婚而終結，而係變成一世o既知己群啦~~(唔知幾廿年後我哋又會變成咩樣呢？到時大家啲仔女請飲都可以請大家啊~~~)