2010真的很美好，因為──
平安夜的劉華演唱會我坐鐵欄位第4行啊~~
如果要握手基本上是無問題的，但我要胸壓前排o個個人先得喎.......(如果o個個人係查理斯我會毫不猶疑咁做
)
平安夜當然要平平安安咁過 啦，所以我只係好乖咁企o係個位度狂嗌靚仔同埋揮手，劉華望住我唱咗句"回頭便知，我心只有你"o既時候，我真係冧到爆燈呀
，仲有佢坐住隻飛鞋升上來時真係超近距離呀!!!!!
但係我知道
2011一定會係比2010更加超級美好的一年，因為──
1月1日晚我又有得睇劉華喇~~~~有朋友邀請我呢個超級fans結伴去睇啦~~~yeahyeahyeahyeah~~~
真係發夢諗起都會笑呀~~~
(咩事呢我？個blog題明明係2011 10 戒啊........變咗瘋狂劉華fans示愛篇)
好，寫喇
第1戒：戒懶
因為懶衍生出其他要戒o既嘢，所以一戒咗懶應該唔駛戒其他喇(好玄啊.....)
第2戒：戒忟憎豬
呢個頭號要戒啦，我真係好易忟忟憎憎o架.......但係呢，每次我忟忟憎憎時查理斯又會摸住我頭好柔咁問做咩忟憎豬呀？我又好冧喎......咁唔戒好似好啲喎~~
第3戒：戒急躁
因為急燥所以忟憎.....又因為急性子所以洗多咗錢book咗疑似黑店o既嘢(呢個遲啲分享)
第4戒：戒為食
其實我好少食零食(咁而家office櫃桶入面o個2條包裝蝦條係咩呢?)，我呢個星期夜晩都主要同菜菜做朋友，希望肉肉唔好又o黎撩我啦~~
第5戒：戒遲起身
逄假期都瞓到"王焦百晏"，好多時就咁無咗半日，希望可以10點前起身啦~~
第6戒：戒敗家
戒咗下面o個樣嘢就應該可以成功戒到呢樣~~
第7戒：戒淘寶
戒咗呢樣可能會用多好多錢就真.....有好多好多嘢我o係香港買完都o係淘寶見到，最近係franc franc o既嘢淘寶都有!!!!激死人喇!!!!
第8戒：戒心入面咒罵人
頂頂頂頂頂，我真係一個好心急o既人，所以遇著趕時間而前面係四肢健全o既後生人又行到蟻lan咁，我會心入面頂佢，又或者遇著校長咁煩o既人，我都好衰心入面鬧咗佢十萬九千七次，希望以後可以頂少啲啦~~
第9戒：戒大笑
我真係好容易笑，仲係會好易大笑，咁會容易有表情紋啦~~要戒要戒~~
第10戒：戒無聊忽發奇想天馬行空
我實在太多無聊想法喇，有時自己都覺得自己痴咗線........做咗人老婆應該要改形象啦........我係-淑女?!!!!
(唔知2011年尾回顧篇時係咪成功戒到呢10樣嘢呢？定根本會懶到連2011回顧篇都無埋呢？)
新一年祝各位已經榮升靚太o既快啲再升一級做靚媽(定有B2B想偷步做咗靚媽先？)
祝B2B與G2B恩愛甜蜜，o係籌備婚禮過程中更多了解多包容~~
特別祝20111120各位新人過一個特別豐盛、順利、幸福美滿o既一年，我哋要面對的衝擊一定會陸續出現，期望我們互相支持一齊升級~~~
******************************************************************************
雖然人哋尾場演唱會都過咗，但我依然不能自拔咁想著當天華仔o既靚樣，契丹朋友超叻呀，影咗好靚o既相同大家分享o下先~~(靚仔呢啲嘢梗係要同大家一齊分享啦~~一齊流o下口水吖o麻)
同契丹朋友睇呢場係1月1日，應該係錄影做DVD，所以入場時派咗每人一支星星棒，全場亮起時靚到不得了呀!!!!
迷死人的華Dee look，水晶電單車，Bling bling~~
今次又係坐呢邊，雖然坐高咗，但睇到佢飛上來時真好近呀，迷死人咩~~
)
)
)
.......佢舊年已經比咗一個logo我o架喇，不過我ban咗佢.....佢都好灰......
)
)
