如果還有明天，你會怎樣裝扮你的臉？
如果沒有明天，要怎樣說再見？
昨天，所有香港人一同經歷了那荒謬的兩小時，菲律賓政府的愚昩、特渣部隊的鬆散行動，讓所有香港人心都碎了.....
雖然我們不在那輛車上，我們沒有痛失至親，但我相信，這些日子，每個香港人的心都與死難者的家屬同痛同哀哭。
天父，昨夜連場大雨是你都氣得哭了嗎？
求你叫人不要仗著自己的聰明，而要求取從你而來的智慧；
求你安慰鼓勵所有死難者的家屬及生還者，叫他們不要失去活著的勇氣；
求你叫已信的更靠近你去經過這關口、不要因此動搖了對你的信心；
求你讓未信的有機會去思想生命的脆弱、人是不可靠，可以有機會去認識你，好讓你親自的扶持他們一步一步有氣力的走完人生的路；
求你醫治仍在病塌中的傷者、心靈破損的父母子女，唯有你才可以用你的愛去彌補他們心上的缺口；
求你求你求你....
奉耶穌基督得勝的名字禱告，阿門。
一直都沒有可以影近鏡影得好的相機，所以左影右影隻求婚戒指都係矇查查咁，而家有部新手機終於可以影到喇，呢篇係第100篇的網誌，就post張相比大家睇o下啦~~
呢隻戒指都好多人讚o架，尤其係去金舖或者首飾店的sales，無論男女都會話好靚好特別~~我自己都好鍾意呀~~
查理斯攞呢隻戒指時都好好笑o架~~
話說我哋決定結婚了，但佢還沒有求婚，我成日都會諗：究竟我的戒指會係點樣o既呢？
又知道結婚已經要用好多錢，所以我成日話會讚一啲款式特別但不用太大粒石的戒指，當係留個紀念啦~~
我成日都話，Pinkbox的皇冠系列有隻叫戴安娜的，即然佢係查理斯，我就做戴安娜啦~~
但係講還講，查理斯一直都無聲氣話要求婚喎......
直到有一晚，我同佢行銅鑼灣，我話不如去世貿睇o下Pinkbox隻戒指咯，佢都無咩表示.....直至行完世貿其他店舖去埋厠所要走了，搭緊電梯走時我先記得要睇戒指，我就問查理斯：你記唔記得我話o黎世貿要睇咩呀？佢居然一副傻更更的樣子呀!!!!當時o既我仲覺得有無搞錯呀，咁都唔記得，都唔知求婚時係咪求其買隻就算o架.....我仲忍唔住話咗佢兩句tim~~卒之都係無睇到....
後來佢求完婚先話我知，原來o個日正正就係佢訂咗隻戒指可以攞o個一日，我臨時話要接佢放工同佢食飯，佢完全唔知點去攞隻戒指呀，中途我仲話要去Pinkbox喎，佢心諗：啲sales實認得佢o架喎，咁如果同我一齊上去，人哋攞隻戒指出o黎比佢，咁求婚計劃咪會穿煲？
結果....
佢趁我去厠所的時候飛奔上去Pinkbox想通知個sales如果一陣佢上去扮唔識佢就得喇!!!!!!
而佢上到去，都未行到入門口，Pinkbox sales離遠已經話：蔡生，你o黎攞戒指呀，請等一等.....
估唔到人哋真係認得佢，仲叫佢蔡生tim~~佢拿拿林叫人哋一陣千祈唔好話識佢，當唔知佢係邊個就得喇，隻戒指佢遲啲先o黎攞~~
唔知人哋會唔會諗佢係專呃女人的衰男人呢？梗係一腳搭幾船先要咁樣啦~~哈哈
最後，佢送咗我去搭車先折返去攞隻戒指~~
嘻嘻，而家隻戒指我日日都戴住，有時睇到自己隻手指都會覺得好幸福~~
***********************************************************************************
2009年11月19日
嘻嘻，大家都好心急想見o下隻戒指呀~~但係我影低的相片還在查理斯度，o係website搵咗啲圖片比大家睇住先啦~~買呢隻戒指都有段好好笑的故事o架，見面的時候再同大家分享啦~~
唔知幾多個月前睇婚紗雜誌見到話寄番張表格番去，有機會免費影一輯pre-wedding~~估唔到，今日我收到個e-mail話我哋真係抽中咗呀!!!!!!名額得3份o乍喎~~
但係....要o係9月中前影喎~~crazy~~
同查理斯商量o下又打電話去問問詳情先~~大家有無聽過呢間嘢做咩o架？會唔會呃人o既呢？
打咗電話去問喇，補番個後記先~~
打咗去兩次，都係留言，咁唯有留言啦，到七點幾，職員阿Ling打番o黎，佢好nice，解釋好清楚，詳情如下：
免費項目
1. 呢個package本身價值$6xxx，包影150張相，全部底片會比番我，如果影多過150張，都係會免費比番晒我，地點會係佢哋深圳福田的影樓另加內地景點(我哋自己揀)
2. 包30張入相簿及修相
3. 包男人女人化粧set頭、禮服，男人唔包恤衫鞋，女人唔包girdle同鞋
收費項目
1. 車費：視乎景點而定，深圳境內的要$500-800一日，廣州例如百萬葵園或者再遠啲南海影城要$1200-1400一日
2. 景點入場費：除咗我哋自己之外，仲要我哋比埋司機、攝影師、助手同埋化粧師的入場費，除非我哋揀世界之窗就我哋自己比自己可以了
3. 改期影：如果即日先改期(無論係因為天氣或者其他原因)，要加錢$500-1000
問題係：
1. 要8-9月影，天氣真係好曬好熱，大大大太陽底下的我們不會拍出活潑青春陽光氣息的，只會拍出喪屍般的黑口黑面....
2. 我哋打算揀最平的plan，即係世界之窗，因為我哋講咗好多年但都未去過，景點入場費又平，又唔駛包工作人員，咁即係連埋我哋上深圳的車費，都係大約$1000 o者~~但影出來會唔會好老土呢？
3. 8月查理斯好忙，閒日請唔到假，但係9月我番新工，完全唔想亦唔可能請假，所以一定要8月影~~而家打算下星期日影，星期六去試衫，(不過未confirm唔知有無期)，加上阿Ling唔建議星期六日影，因為超多人，我哋甚至想，不如當我哋只係著咗婚紗去遊世界之窗，行到去想影的景點咯，咪佢搭住我膊頭好似平時去旅行影合照咁囉~~
4. 呢輯婚紗相應該會收o係床下底，試問有邊個會o係肥胖高峰期的時候去留倩影o架？都唔知佢啲禮服我哋著唔著得落.....
5. 曬完之後我的濕疹會唔會惡化呢？呢排先叫做好咗啲，如果又因為曬完而衰咗....咁咪得不償失...
6. 好友話其實都只係少少錢，但係可以讓我倆有個實習影相的機會，試o下比人影 / 擺pose對望的感覺，咁之後自己比錢影o個啲就會好啲~~
好苦惱呀~~我患咗五時花六時變一時一樣又驚曬又驚後悔後群症呀!!!!!!
換著係你哋，你哋會唔會去影呀？
*************************************************************************
一場歡喜一場空
星期六打咗去約時間，由於查理斯閒日真係無咩可能請到假，所以我哋只係得番星期六日可以影，又鑑於要早一日上去試衫，即係得番星期六揀衫星期日影相，原先佢話要8月內影，29號查理斯可能要出trip，即係得番22號，但係佢哋無期lu.....原先佢話9月5日都可以的，但係.....要影成日....我驚影完翌日番唔到工喎....所以都拒絕咗.....我好蠢呀!!!!!!口快快同佢哋講咗話唔要喇咁.....查理斯話佢要今個星期中先知29號係唔係真係出trip，如果唔係就有得去影啦.....早知book咗先啦.....而家就算佢真係唔駛去，人哋都唔會比番個期我哋啦.....
其實唔知係咪雜誌同呢間shop溝通有啲問題，呢間shop話佢哋係定咗6-8月影的，但我收到的notice係9月中前喎....咁後來阿ling都話佢同公司講咗，最盡都係要9月中前啦~~~其實由收到notice到影相要一個月內完成，真係幾趕o架....不過呢啲都係gift，無得要求同強求~~但我只係覺得，間shop都係想宣傳，點解唔再大方啲，限半年內完成拍攝呢？而家收唔到宣傳之效，無咗口碑，唔係仲唔好咩?
無法子啦.....自己度唔到期.....
不過真係要多謝一班blog友仔好真心的幫我諗諗如果真係join要留意啲咩~~比咗好好的意見我呀~~雖然今次未能成事，但我都會mark低呢啲有用的資料，提o下自己又提o下人哋啦~~多謝晒你哋呀!!!!!
預告一下先，星期六我哋又快快手cofirm咗男禮喇......下篇會寫詳情~~
***************************************************************************
希望在明天
查理斯真係好好好好o架~~佢睇咗我篇blog，知道我真係仲心思思想去影相，所以lunch時話我知一係book咗29號先啦，我話咁樣衰我唔打去o架，查理斯又肯打去喎，仲o係佢邊食飯邊打去同佢講o架，佢話而家book咗29號喇~~yeah~~
天呀....可唔可以唔駛查理斯出trip呀~~
距離婚期還有1年3個月9日，眼看住日子一日一日咁過，身軀今日比尋日圓潤，真係唔得了喇!!!!!! (唉，呢個禮拜仲夠膽死打咗2次邊爐同埋星期六TeaBuffet、星期日Ruby Tuesday，o岩o岩個同事仲話一陣出去食lunch....死得了....)
呢排係咁睇番以前啲相....真係唔知發生咩事.....肥咗咁多!!!!!!!!真係痴咗線.....
過埋呢個8月我一定要做自閉仔，一定唔可以再食咁多嘢喇!!!!!(至於點解要過埋8月，係因為...9月番新工，我諗我都唔會周圍同人social o架喇，我想試o下跟西柚減肥法餐單，同埋放工去跑o下步....)
我真係唔想要一輯影到成個麥o麥咁o既婚紗相呀!!!!!
開始越來越多人問我幾時影Pre-wedding，我都知道要book期了，無得再拖....因為我哋完全無可能o係夏天去影o架，應該會熱到我黑口黑面.....(如果你哋有見到我朝早排隊等小巴番工，我係曬到燶口燶面咁o架....)
今朝msn問咗3v的客服員(不得不讚3v呢個服務，msn好方便~~)，原本想農曆年年初九去影，但佢話未知年假放到幾時先開門，但我盡量想o係學校假期請假，再遲啲又唔得，加上2月中又要請一日假去Janny Wong度試衫....睇咗出年的公眾假期表後，我心水係2011年4月4日(星期一)影相，因為翌日係清明節，前一日上去試衫係星期日，我又唔駛特登再請一日假，影完又可以抖番一日....
但係....
客服員話4月華僑城好大霧的，佢哋唔建議客人2月-4月去影相....oh my GOD!!!!
最後，我都係把心一橫決定咗4月4，因為遲過4月開始熱，同埋影相至取件大約要2個月，我預佢出好多問題都應該7月底可以取件，到時我哋要啲相o黎整slideshow同埋可能會用o係其他DIY items....所以無得好揀啦~~(當然啦，可以揀1月，但係....要去抽脂先得喇....)
仲有一輯法國婚攝，又係唔知幾時影好，佢mark咗話3月30日前要影，但查理斯又話3月佢勁忙....即係又剩番2月比我揀?!!!!!!Oh no....
有無3v姊妹o係2月- 4月期間影過華僑城呀？分享o下吖~~
自從上星期post咗關於揀wedding cake的圖片之後，真係不得了呀，城堡蛋糕以大熱姿態擊敗咗其他蛋糕對手呀~~
星期日我同查理斯約咗Cake 2試食，6pm前去到，蛋糕店另一邊有pair情侶都試緊呀~~好快職員就攞咗一壺靚茶同埋兩碟每碟6件的蛋糕比我哋試食，6件都係忌廉蛋糕，分別有Fruit cake、綠茶粟子、綠茶紅豆、朱古力、軟心朱古力同埋咖啡~~有無睇到呀，呢6件蛋糕雖然係比人客試食，但係都唔馬虎o架，佢上面真係有花紋o架(雖然係切開咗)~~
佢哋o既蛋糕分兩類：忌廉蛋糕同埋糖霜蛋糕，忌廉蛋糕就係平時我哋食o個啲喇，至於糖霜蛋糕就好似莎莉蛋糕咁實啲，但係糖霜蛋糕就可以好多款都做到，又可以承受一定的重量，所以可以用好多糖霜做成花朵或者其他裝飾，相反，忌廉蛋糕唔受重，同埋易溶，所以唔可以有太多裝飾物，純粹靠師傅唧花紋去裝飾個蛋糕。至於價錢方面，Cream cake係$218-$238一磅，包運送(離島除外)，Fondant cake係$358一磅~~
職員話試o既時候都要順序由清淡的fruit cake試起，每試完一款最好都飲啖茶清一清啲味先試下一款，咁先試到最真確的味道喎~~
Fruit cake：普通生果蛋糕，但好軟唔太甜，好味但唔算好特別，所以得分：
綠茶粟子：我平時唔太喜歡食粟子蛋糕，因為唔鍾意見到一條條好似蟲咁o0既粟子(但其實我鍾意食一粒粒o個啲粟子o架喎~~) 不過呢個蛋糕好少粟子味，得分：
緣茶紅豆：我真係好好好鍾意紅豆o架，所以呢個係我首選，好好味o架~~得分：
朱古力：我平時都唔太喜歡朱古力o架喇，但呢個朱古力good喎~~中間有啲好細粒的啫喱o架，好得意咁~~得分：
軟心朱古力：說真的，本來諗住唔試o架，但好彩試咗o乍~~因為真係好好味喎~~連我呢個唔鍾意朱古力o既人都話好味呢~~得分：
咖啡：哈哈，咖啡係我平時最唔鍾意o既口味，我唔飲咖啡甚至連聞到咖啡味我都唔覺得香......但係，cake 2真係勁呀，我覺得呢舊蛋糕好味喎~~起碼如果要再食多一件都ok喎~~得分：
後來佢仲比咗2件糖霜糕我哋試，一件係檸檬味，一件係朱古力味，第一啖食埋個糖霜皮，開頭唔覺得甜，但真係到啲糖霜皮溶晒o係口，真係覺得太甜了，no way~~
一邊食，職員仲會用o個個勁大o既screen比我哋睇o下唔同類型、層數的蛋糕係點o既~~
最後，我哋揀咗Cream cake，12-15磅，1磅大約可以serve8個人，三層高可以有三款唔同味，如果係12磅，就大約係頂層1磅、中間o個層4磅、最底層7磅，佢仲suggest我哋留起頂層帶番屋企食tim~~不過我哋已經錯過咗之前的promotion有8折，而家無喇......落咗$1000訂，款式同味道都可以留待婚前一個月先confirm~~
雖然未揀實咩款，不過既然城堡大比數勝出，我哋又點會唔用佢呢？
因為cake 2的城堡cake topper只係剩番兩個，我哋根本就無時間猶疑，都係乖乖比咗錢喇.....好貴呀其實......等於3.2磅蛋糕喇.....不過真係好靚o架，去片~~
多謝查理斯又一次縱容敗家小女子~~
原先o既城堡係用鏍絲固定咗o係個聖殿入面o既~~真係超靚~~
但可以拆出來，而且可以著燈~~做完cake topper仲可以攞番屋企做裝飾tim~~(自我說服中)
同我哋個城堡好似o架~~
