終於完成姊妹o既手花喇，為免越加越多嘢，我都係及早將佢哋入箱收埋算喇~~
整手花比襟花麻煩好多，因為要用熱溶槍痴痴痴，不過又不得不承認熱溶槍係好幫手~~
首先將花同葉痴埋一齊，再逐部份添加，最後完成咗9朵個手花(其實7個夠用)，後來仲發覺其實如果掛o係心口當襟花見到條珠鍊都幾靚幾elegant喎，咁到時如果長輩女士喜歡又可以用啦~~
帶上手比原先想整的大個咗啲，不過好似花鈪咁，都ok啦~~
手多多又整咗個兄弟襟花，閃閃蝴蝶結一早買定，加咗上去都唔錯，不過襯花唔夠，要買多少少先再整~~~
之前講過手花會加蝴蝶就係呢啲喇，閃閃哋細細隻好靚o架~~
雖然所有花都係我一手一腳整o既，但查理斯都有一齊諗一齊去買料o既，所以佢都有少少貢獻啦~~
下星期做埋兄弟o既襟花，1月to-do-list我都完成大半了，yeah~~
(唔得唔比番啲掌聲我自己啦~~)
我都要俾掌聲你呀~~~
回覆刪除真係要好好地收埋佢呀, 仲有10個月, 會封塵架~~~
[版主回覆01/19/2011 18:24:00]你呢個diy達人都比掌聲我?真係唔敢當呀!!!
我媽咪攞咗啲婚盒番來比我呀(原本個紙盒裝電飯煲o架)~~所以而家pack好咗一盒,放咗入衣櫃,直到結婚先會放佢出o黎喇~~
你真係叻呀
回覆刪除我琴日都去左花壚一轉
睇下絲花同鮮花物料
本來都有諗過自己整ga
但好似好難咁，又對自己冇信心
所以我諗到最後我都係會買現成
[版主回覆01/19/2011 21:59:00]如果襟花真係唔難o架~~咁你打算買鮮花定絲花呀?
好靚BOR~你D材料向花墟家邊度買ga?
回覆刪除我都有熱溶槍呀～不過ｄ熱溶膠條都仲未買～
你買訪明定白色既熱溶膠條﹖向邊度買ｇａ？
請指教～
[版主回覆01/21/2011 12:16:00]啲花材o係太子買的,你可以睇番前兩篇敗家水買花遊蹤,我寫咗幾個地點~~
熱溶膠條我在日本城買,$9.9有10條,同埋未溶時佢係白白哋透明咁,但熱溶咗之後係透明的,所以痴住啲嘢都唔係好礙眼o既~~
下次我黎幫你手丫~~~
回覆刪除[版主回覆01/21/2011 17:51:00]下次你買埋料一齊o黎我幫你手啦^^
勁呀.. 好靚喎
回覆刪除[版主回覆01/21/2011 17:46:00]thanks~~
MC WIN我好掛住你呀~~
回覆刪除[版主回覆01/21/2011 17:47:00]小歌莉~~靚太~~~你哋幾時再見面呀?我今次一定會現身喇,我都掛住你呀,你結婚o個日好閃好靚呀!!!!! 閃閃look好襯你呢~~
掌聲鼓勵 我完全未開始諗呢 part ，睇黎我都要開始諗吓點搞了
回覆刪除[版主回覆01/21/2011 17:48:00]鞠躬致謝~~
快啲開始買咗花先啦~~趁而家未有其他嘢迫到埋身o麻~~
DIY...............do noth 睇嚟我要加油加油加油!!!
回覆刪除想問, 你的兄弟襟花有冇加扣針???? 定用膠片???? 手花同條珠珠鏈係唔係用手"聯"埋一齊??
by笨豬小慧simple
[版主回覆01/20/2011 18:58:00]所有襟花都唔會用T字扣,會用透明膠片托底 / 用特長大頭針,
所有手花+蝴蝶+珠鍊都係用熱溶膠痴埋一齊,如果要"聯",我估用O個啲LACE手帶會適合啲,但我都無咁好心機~~
小慧,你買咗花未?
我屋企有少量細朵的花花, 但仲未check剩番咩色, 而且連款都未諗, hahahha
回覆刪除搵日要去一去旺角了, 買定過年根假慢慢整先得。
by笨豬小慧simple
[版主回覆01/21/2011 17:50:00]係啦,新年得閒可以慢慢整,買咗材料就會好心急開工o架喇,期待你呢個咁有美感o既專業人士的製成品呢~~
加油加油~~我仲同miss chan chan講搵次o黎我屋企一齊整tim~
金絲雀! 你有無搞錯, 整得咁鬼靚!! 真係太過份啦XDDDDD 係咪向我呢D手工白痴示威 加左珠鍊個條真係好岩長輩用, 好高貴呀!!!
回覆刪除[版主回覆01/21/2011 17:46:00]嘩嘩嘩,响我全朵....我又學你先....
小白!!!!你有無搞錯,咁鬼耐唔UPDATE個BLOG~~真係仲過份過我呀!!!!!你係咪要悶死我呢個煲BLOG怪先~~
啲手花如果你肯整,你一定整到啦~~只係用熱溶膠痴埋一齊o乍o麻~~其實本身條珠鍊係比姊妹戴上手腕用,不過如果長輩想當襟花都可以呢~~高咩貴吖,o係淘寶買,rmb$0.6一條的膠珠~~
加埋d 小配件，好有心思好特別呀!!
回覆刪除[版主回覆01/21/2011 17:50:00]多謝吉女讚賞~~其實唔係特別有心思,只係敗家癮起,買咗好多小配件.....
唔錯喎.....我鐘意呢隻花!!!
回覆刪除[版主回覆01/24/2011 17:48:00]多謝多謝,呢隻花叫茶玫 / 小牡丹~~
Hello, Could you add me please??
回覆刪除[版主回覆01/25/2011 10:04:00]Sorry,我只add blog中有相片的blogger~~但我在你blog裏找不到相片呢,不好意思~~
Very ging ah!!!
回覆刪除can you add me please? I've added you la~!
[版主回覆01/31/2011 16:20:00]唔好意思,我只係ADD有寫開BLOG的blog友仔o乍,但係我睇唔到你啲文章呀.....
下?
回覆刪除你睇唔到我 d 文章?我已經 add 左你做 blog 友 la woh，唔通yahoo又壞? 但係我得一篇 blog private 左，你點都會睇到我其他0家?
[版主回覆02/01/2011 09:37:00]而家睇到喇,嘻嘻~我ADD番你喇~~
珠鍊手花點整, 請寫個步驟俾我學整?
回覆刪除[版主回覆04/11/2011 12:01:00]其實都只係將需要的花材剪晒啲莖枝,再用熱溶膠黏合成自己喜歡的模樣,最後才用熱溶膠貼在珠鍊上~~