籌備婚禮到而家，越來越有個感覺就係──我哋係窮鬼！
我唔係講笑亦唔係曬命更加唔係無病呻吟，好多人o既反應會係「嘩你哋擺半島呀咁渡蜜月係咪去歐洲地中海希臘郵輪80日環遊世界呀？」
好老實講，我哋唔會比擺酒樓o既新人更有錢，起碼個min.charge就無得比啦，再加埋好多人擺酒雖然唔諗住賺錢但事實係擺酒樓通常最少都打番個和吖，閒閒哋賺少少cover埋其他結婚洗費都大有人在，而我哋反而係真金白銀攞一舊錢去擺酒請大家飲，所以荷包重傷之後要計劃另一個倒水大project，真係要慳字行頭！
首先渡蜜月對我哋o黎講只係食→Hea→瞓→玩
我哋想自遊行唔想跟團(跟團咁早起身仲慘過番工，咪搞~~)，但結婚已經要計劃咁多嘢，我唔想再絞盡腦汁plan定行程路線幾點去邊度搭咩車，呢啲耗支龐大心力o既旅行真係去完仲攰過唔去，每次見到有jm上網摷晒啲料我真係真心佩服到五體投地
，呢啲先係好太太o麻~~我好懶，我唔想再plan plan plan~~
如果真係由得我哋想o個度就可以去o個度的話，我會話馬爾代夫~~
學麥兜話：o個度椰林樹影，水清沙幼，仲唔駛帶成績表o架~~
但係，去馬爾代夫對我哋o黎講真係一個人o既旅費都係天文數字喇，如果兩個人一齊去(如咩果呢，honeymoon唔通一個人去咩?!!!)，番來應該可以去搵葉謝鄧申請破產喇......
同埋查理斯係好唔鍾意我著泳衣o架，佢覺得實在太暴露喇，如果成行，我大概會係近代馬爾代夫島上唯一一個穿五十年代短袖平腳一件頭泳衣(呢件真係仲叫泳衣?)o既尚算後生o既女人仔~~
仲有就係，其實.....我哋都唔識游水又唔鍾意曬太陽，去到o既活動似乎完全同我哋o既興趣係不符o架，所以呢個相傳會o係未來會消失o既島嶼可以正式消失o係我腦海中喇！
另一個我想去o既就係關島喇~~
睇咗惡作劇之吻2見直樹湘琴去呢度渡蜜月住o個啲地方又對住個海，日日都係無無聊聊咁去觀o下光都幾好喎~~
上網check埋機票連酒店的package都唔算好貴，於是有日我就參與咗一個blogger o既honeymoon關島之旅喇~~
參與o既意思係我由佢Day 1抵達之後到Day ?佢飛走o個刻o既所有blog都睇晒~~
基本上如果我哋決定去關島的話，跟住佢o既行程加加減減實無死啦~~佢仲好詳細寫埋搭咩車幾錢、每餐由早餐到晚餐食咗啲咩要幾錢的單據都post咗出來，唔睇由自可，一睇又out得喇~~
原來呢啲地方唔單止鬼聲鬼氣講鬼話，仲要用鬼佬幣o架!!!! 每餐最平兩個人要食US$19，最貴o個餐一個人要US$70(!!!)，我好肯定咁話比大家知，我哋拍拖8年多，未試過食一餐兩個人埋單加埋係貴過$500 o架!!!
對於我哋呢啲咁喜歡食又覺得honeymoon主要係食食瞓瞓o既懶鬼，關島o既消費太貴了，於是又可以delete咗呢個念頭喇~~
第三個地方係渡蜜月聖地日本。
我從來都未去過日本亦唔太嚮往去呢個地方，對於我呢啲睇義海睇到蘿蔔頭恰中國人都可以睇到眼濕濕o既人，我想我很難叫自己喜歡這個民族，北海道小樽啲景色算係比較吸引到我的了，但係我唔識日文又無車牌，即係自由行同自駕遊我都唔駛諗喇，要跟團？咁可以等老咗先去都得喎，Out AGAIN~~
諗到o黎呢度，個心開始灰啦，就求求其其上網呢度睇o下o個度睇o下──
泰國？紅衫軍 + 睇得彭氏兄弟鬼鬼怪怪作品太多，我唔想渡蜜月變咗追悼月，OUT！
沙巴？對呢個地方認識限於婆媽劇富貴門，天氣好似好熱咁同埋又係陽光海灘與SPA，唔係好o岩我哋，OUT！
馬來西亞？雲頂好似好特別咁，但唔跟團去我哋又唔敢喎，加埋又係勁多鬼鬼怪怪之事，都係算把啦....OUT！
長灘島？good~~但係o係菲律賓.....都係算把啦，唔怕一萬至怕萬一........OUT！
韓國？去過一次首爾，感覺良好，唔駛識韓文只要有本旅遊書就可以去，不過首爾無咩觀光地點(有都跟團去咗lu)，只會係買買買同食食食，但佢啲酒店好普通，好似無咩特別靚的，可能感覺只似去旅行唔會係甜甜蜜蜜o既婚後二人世界之旅，所以要再諗諗......
好喇，多謝大家咁關心我睇我寫埋一大篇蜜月狂想OUT OUT篇~~
其實真係有諗過不如唔好去啦，未來6299話想趁我哋未有BB全家總動員去一次歐遊(感謝主佢話佢照起我哋，當然唔包瘋買名牌o個啲啦)，計劃都係11月尾至12月頭，因為驚12月中打後會好凍又落大雪，咁樣真係會人都癲呀!!!!雖然佢話佢包起我哋旅費，但係都要洗費o架o麻，仲未計我哋額外為呢次歐遊預備o既保暖裝備，羽絨、毛毛鞋、superwarm打底、厚厚手襪......etc.
雖然係佢出雞，但我哋都要出番幾十樽豉油o架.....
而家暫時打算去台灣，至於台中南北邊一忽係未諗好o架，揀呢度係因為儲咗o既飛行里數夠換台灣機票喇，唔駛再額外比一筆錢，台灣真係可以零planning，去圖書館借本旅遊書就搞掂喇，食住又平靚正~~
如果最後連台灣都無錢去，我哋唯有留港消費振興經濟啦~~
我可能final要返深圳2日1夜當honymoon咋~~~
回覆刪除[版主回覆01/25/2011 20:04:00]可能到時我要Join埋你呀,不過RMB都係咁升呀,我哋呢啲唔住得咁近深圳唔好o係o個邊book酒店住喇,早啲去玩,夜晚番娘家瞓慳好多呢,哈哈~~
如果你真係只想...食...玩....訓....
回覆刪除介紹你近近地去新加坡既民丹島，好多時"新航假期"都有promotion package，包你機票+船票+酒店幾晚...淡季都係around 1人$3-4k...呢個島仔幾有趣的，其實係屬於印尼既但勁近新加坡...去到個島有專車車你去酒店，然後就可以...食...玩...訓...幾日....好正的~~
如果去台灣，有想知既野就問我啦...趁我仲記得..haha..
[版主回覆01/28/2011 19:50:00]係呀,你超勁呀,你好多度都去過!!!!我一定一定會遇疑難話你知o架~~thanks~~拜託你要記實啲台灣料先呀~~哈哈~~
其實我覺得去日本自遊行易過韓國喎~~
回覆刪除[版主回覆01/28/2011 19:51:00]我上次跟團去首爾,但夜晚自己出過去,搭的士,只要有本旅遊書,絕對唔成問題~~
十卜台灣~~我之前去過兩次了~
回覆刪除兩口子去台灣都可以好正~~
等我3月去完比d相過你睇~
同埋寫卜寫得detail d下~~嘰嘰~~
[版主回覆01/28/2011 19:54:00]兩次!!!你就o黎去第三次喇喎~~ 明天影相喇,帶齊嘢呀!!!! 粉卜,恤衫,高跟鞋,nu bra, girdle, 束褲/打底褲, 假睫毛, 一支水, 食早餐, 落粧嘢(?), 拍攝道具? 花球?
咁快就out左我家鄉咖...
回覆刪除我唯有支持台灣啦咁, 可以去清境睇羊咩同埋墾丁hea~
[版主回覆01/28/2011 19:54:00]哈哈,Charles唔鍾意你家鄉呀,同埋我睇得太多泰國啲鬼片喇,猶有餘悸呀..
去邊都無所謂，最緊要兩個人係埋一齊sweet幾日嘛～去台中台南會渡假feel d，清境風景超靚！果時我地去台中影相無去到都好飲恨！
回覆刪除[版主回覆01/28/2011 19:56:00]見到你啲馬代相片,真係好鬼羨慕o架~~清境真係好多jm讚喎,等我搵o下料先~~你唔駛飲恨啦,趁未有小林b再去囉~~
仲有時間慢慢諗去邊...同埋只要你地兩個一齊去,其實去邊都無所謂啦...
回覆刪除[版主回覆01/28/2011 19:58:00]嗯~~你講得o岩~~過完年搵日o黎搵你傾偈先~~嘻嘻~~
金絲雀, 沙巴係一個超級好玩既地方黎架, 同埋D 野食 (虎蝦) 超級極之非常好食!! 不過個套乜乜XX 門真係做到佢超唔掂 (最唔掂係好硬膠樣的男主角 HOHOHOHO), 無乜特別洗費 (除左洗) , 可以考慮下架!!! 我上次去左10日, 唔計機票酒店啦, 旅程所花既錢就係食同買魚糧 (個度可以浮潛餵魚) 就無野洗過了...
回覆刪除同埋個度基本上講廣東話就可以橫行了 WAHAHAHHA
[版主回覆01/28/2011 19:59:00]虎蝦!!!!你咁引我~~~小白,你好衰o架,我好喜歡蝦啊~~
講廣東話可以橫行咁高興,咁我又要重新規劃規劃先~~
去邊都冇所謂呀，一定好 sweet 架 ^^
回覆刪除[版主回覆01/26/2011 16:14:00]哈哈,咁我不如都係考慮慳番啲錢唔去喇,嘻嘻~~我估過完年先約得你同mandy食飯了,我腸胃仲係唔好.......哈哈,我哋要迫mandy派利是呀~~wakakakak~~
我 睇你都係鐘意水清沙幼，陽光與海灘的地方，不如諗下MORE MORE TEA丫....摩摩茶(樂浪島)在馬來西亞的其中一個島, 比起沙巴, 佢無咁普及化,而且價錢只係比沙巴貴少少。如果遇上AIR ASIA做PROMOTION, 來回4程機都只係$1,000乍, 我上次個 Friend就係咁喇~ 香港無旅行社做more more tea的, 所以所有野都要自己安排喇~ see see la: http://hk.myblog.yahoo.com/asukichan/article?mid=395
回覆刪除有需要可以搵我啦~
[版主回覆02/02/2011 13:42:00]係好靚呀呢度,但太舟車勞頓喇,不過又真係要咁樣先會零污染,好似遠離煩囂咁~~~如果我去一定搵你問,thanks~~
佢2月初去 honeymoon 呀.... 去十幾日先返黎呀
回覆刪除[版主回覆02/02/2011 13:52:00]嘩,好開心呀,十幾日,佢係咪真係影post-wedding呢~~
咁等mandy回港再約啦~~
睇義海睇到蘿蔔頭恰中國人都可以睇到眼濕濕o既人 <---哈, 我都會架.
回覆刪除咦, 你11月去呢, 可以諗下台灣清境呀. 11月-12月會有紅葉架. 我朋友去完, d 相靚到好似postcard 咁呀!!
[版主回覆02/02/2011 13:53:00]hey,give me five~~
好多jm都話清境靚呀,我要搜集一下資料先~~~thanks sweetie~~
哈哈哈!!!申請破產,笑死我
回覆刪除[版主回覆01/26/2011 17:42:00]笑得你咁開心~~資助o下我哋啦~~
同你一樣...攪完個大project後....我都怕左再摷資料...plan野...格價等...真係人都癲
回覆刪除[版主回覆02/02/2011 13:53:00]至弊我而家已處於癲咗一半狀態o喇麻~~~
去清境啦~我pre-wedding都係嗰度影架~d風境真係靚到冇朋友呀,12月早晚會凍d,會係10度以下,不過太陽一出,我著住影pre-wedding嗰d衫都唔覺凍,(我本身係一個超怕凍嘅人,哩幾日我都keep住著4件衫或以上,再+件褸)
回覆刪除honeymoon可以住一晚豪d,住the old england吖,啱哂你架,好城堡feel架~可以looklook: http://www.theoldengland.com/story.htm
[版主回覆02/02/2011 13:54:00]個古堡真係靚到唔係人住咁喎,台灣都有咁歐式古堡,你好勁呀,咁都知道!!!!不過真係好貴呀,$15000台幣一晚,要4千港元呀......可以去多次一個人的台北旅行......不過多謝你介紹呀,我大開眼界喇~~~
我支持台中清境，真係好正，好relax ga！ the old england真係好鬼正，我上次去個度個時，佢仲起緊！但個度真係令人好舒服！咩有"羊咩咩"睇！靚！
回覆刪除[版主回覆02/02/2011 13:55:00]嗯,大家都極力推介呢個地方,等我搵搵料先,thanks wingwing
haha,,,, 去taiwan都好呀, 起碼一定係hea爆,,,,
回覆刪除in case 你要留港消費,, haha, 可以選長洲啦,,, 香港靠晒你!!!
[版主回覆02/02/2011 13:51:00]i like hea爆,2011年度hea爆新人得主仲唔係我~~哈哈~~~
我哋以前成日去長洲都真係超開心
睇到呢句 "番來應該可以去搵葉謝鄧申請破產喇"" 我都笑左出來 ** 係公司個位到, 好彩無人見到 : p 我都想去馬爾代夫, 同d 朋友講點知俾佢地串 """ 一個又唔識游水, 一個又唔鐘意曬太陽, 去咩馬爾代夫"""" 聽到之後有d 無奈 馬爾代夫真係貴,i support 關島 !!!!!!!!
回覆刪除[版主回覆02/02/2011 13:50:00]做咩笑？破產係一個好嚴肅的問題o黎o架,如果我破產又唔可以好似阿b哥哥咁開演唱會,真係會好窮o架~~
關島洗費貴呀~~ 呢個jm寫晒行程同埋洗貴出來
http://hk.myblog.yahoo.com/cookinglover0709/article?mid=5073
呢日係第一日,佢日日都有寫呀,好詳盡~~ 慢慢煲啦~
我都想趁 LNY 去玩下~ 比你blog 一blog, 直頭想而家就出發添~
回覆刪除你想去邊度自由行, 實大把blogger 比ideas 你, 因為mc win 好受歡迎呢!!!
[版主回覆02/02/2011 13:48:00]哈哈,唔知你而家係咪已經落實咗農曆年去玩呢？嘻嘻~~你老公真係多得我唔少喇~~~我最新一篇寫金喎,你會唔會比我撩起條筋去買金?(好押韻啊~~~)哈哈~~~真係有好多jm留言比我呀,真係好呀,我連用腦都慳番喇,great~~~
我好鍾意你呢一句呢mc win~
回覆刪除如果最後連台灣都無錢去，我哋唯有留港消費振興經濟啦
[版主回覆02/02/2011 13:46:00]但係你會去馬代振興經濟喎~~~wakakakakak~~~羨慕c人喇~~~
去邊都好啦~ 一定好開心啦!! 最緊要係同最愛o既人去啦~
回覆刪除[版主回覆02/02/2011 13:46:00]嗯~我哋以前去長洲都開心
去邊都好...同honey一齊就最開心啦
回覆刪除[版主回覆02/02/2011 13:45:00]嗯~都係o既,我哋以前成日去長洲都開心
我都好掛字台灣呀~~~>0<
回覆刪除你11月請倒假咩?
或者你可以好似我咁, 婚後一個月先去~咁就可以再慢慢PLAN喇~^^
[版主回覆02/02/2011 13:45:00]請唔到假啦,又結婚又honeymoon仲要同6299去歐遊,所以我而家31/8end contract,如果佢續我就做到31/10(當然唔會話佢知啦)，如果唔續.....可能搵份近屋企的做兩個月 / 唔做, 結婚後搞掂晒先搵工囉~~呢行唔怕無工做,不過驚人工會減........
我都好掛住台灣, 又平又抵玩, 仲餐餐食得好飽 ~
回覆刪除台灣, 我想去台南, 風景好靚, 想坐小火車 ~
[版主回覆02/02/2011 13:42:00]如果係我都想台北 + 台中 / 台中 + 台南~~
你篇文好攪笑! 台灣好，我剛剛同媽咪去完台灣「渡蜜月」
回覆刪除[版主回覆02/02/2011 13:40:00]同媽咪去？應該玩得好開心啦~~
win.. 你同我諗既野差唔多wor~ 我同你揀既地方都差唔多.. out既都差唔多.. 再努力d諗下有咩地方想去啦!
回覆刪除馬爾化夫 - 唔識游水又唔鍾意曬太陽.. out
關島 - 因為惡吻2所以想去.. 雖然洗美金, 不過可以諗下..
日本 - 蜜月勝地..又唔係好向往..@@
韓國 - 鍾意!! 食同買到o岩我.. at last好過日本, 不過自由行有難道..
台灣 - 超鍾意!! 好似返鄉下咁呀~ 可能再去台中d農場hea下, 再上台上搵間靚d既溫泉!
[版主回覆02/02/2011 13:39:00]嘻嘻,証明我哋雖然係窮鬼,但有tatse囉~~~wakakaka~~~
資唔到啦,點解呢......我細細聲話你知吖
回覆刪除因為我新年要去峇里呀,呵呵呵
[版主回覆02/02/2011 13:37:00]衰人衰人衰人.....不次呢啲嘢唔駛話我知o架喇.....我得個"恨"字,玩得開心啲呀,番來寫番個詳盡遊記呀!!!!!
或者起香港搵間好o的酒店豪住豪食都ok 家!!
回覆刪除[版主回覆01/28/2011 20:12:00]如果唔去honeymoon,我一定一定會book多一晚半島房,擺完酒o個晚瞓~~
墾丁好relax..又平. ok gar. 我地都去左墾丁做honeymoon. 台灣人都興去墾丁honeymoon gar.
回覆刪除[版主回覆01/28/2011 20:11:00]我都喜歡墾丁呀!!!!靚呀~~
墾丁好relax..又平. ok gar. 我地都去左墾丁做honeymoon. 台灣人都興去墾丁honeymoon gar.
回覆刪除[版主回覆01/28/2011 20:11:00]你係自由行呀?難唔難plan呀?你去咗幾日呢?^^
咁開心~ 有6299包起去歐遊~ 佢地真係好錫你~ 好幸福呀~ ^^
回覆刪除之前去台灣都好丫~~ 好多好野食~ 交通方便又抵玩~ aiya... 講講下好想去旅行........ XP
[版主回覆01/28/2011 20:07:00]我都有付出豉油o架~~
係呀,佢哋都好錫我,其實佢哋請過我去幾次旅行喇...又去咗北京又去咗澳門威尼斯人又去咗首爾,所以我係好幸運吖~~
台灣我最鍾意佢啲嘢食同埋啲人好好,言語又易溝通,呢個真係首選o架,你o岩o岩先去完o乍喎~~
我聽朋友講，台灣清境好似幾靚的，亦好有歐洲 feel 呢！
回覆刪除[版主回覆02/02/2011 11:36:00]係呀.好多jm留言話清境good呀,等我再搵o下資料先,你去兩次馬代,真係羨慕到我流晒口水呀,你新工作一切順利嗎？
haha, 可能我上次有去郊區啦，見到架巴士成堆韓文，但係都唔知目的地係邊~~
回覆刪除[版主回覆02/02/2011 13:56:00]搭巴士......地鐵會好啲,有中文字~~~
Very easy ah.. 包車.叫司機plan. 5d4n
回覆刪除[版主回覆02/02/2011 13:56:00]咦,又得喎,唔該晒
我個同事剛剛0係日月潭渡蜜月返黎，佢話佢住0個酒店好出名 (不過我唔記得個名)又好靚，我睇佢 d 相真係好有 resort feel，可以諗諗 woh~
回覆刪除其實我好恨去 d club med resort honeymoon，一個價錢包哂機票住宿一日幾餐同 resort內活動，去 hea 幾日岩哂!!!
[版主回覆02/02/2011 13:36:00]club med....好多jm去馬代都係揀呢間呀~~resort我都喜歡呀,不過唔平呢~~
如果去台灣~~我支持你住民宿~~真係抵好多!!!
回覆刪除比個網你睇~~裡面有好多民宿~
http://www.facebook.com/home.php#!/hotel.tw
[版主回覆02/02/2011 13:35:00]唔該晒毛毛球~~
我book左關島呀... (你講既blog可否俾條link我呀?)
回覆刪除其實最緊要開心, 去邊都唔緊要呀...
[版主回覆02/02/2011 11:12:00]http://hk.myblog.yahoo.com/cookinglover0709/article?mid=5073
呢日係第一日,佢日日都有寫呀,好詳盡~~ 慢慢煲啦~
哇~~唔返工專心搞結婚旅行好羨慕呀
回覆刪除[版主回覆02/02/2011 13:58:00]no la~~到時係專心"去"旅行喇~~去之前可能要好似廣告咁o係機場搵"幫人財務公司"
無咁誇張....
回覆刪除不過個人觀感，去完希臘我好慶幸我唔係HONEYMOON時候去....亦可能因為我係8月去.....我覺得成個trip好似冒險體驗trip多d..係好辛苦咁.....我仲未得閒繼續寫晒我既遊記~ 呢個農曆年我會努力~
我都好認同攪wedding plan plan plan 好鬼煩, 因為我d腦汁已經耗盡, 所以決定跟團實行唔帶個腦去..
回覆刪除[版主回覆02/07/2011 14:10:00]你哋去邊呀？幾時去呢？玩得開心啲~~
我地去北海道呀!! 雖然係貴d, 但係我唔太鐘意游水,又唔想搭十幾個鐘機去歐洲又無啖好食, 陽光海灘唔啱, 長途又唔啱, 又唔想諗野....所以揀左縱橫游既hea團佢話每日8:30-9:00至出發喎..食得好又住得好喎...今個weekend出發啦...都好想快d呀!!
回覆刪除[版主回覆02/07/2011 16:52:00]我都跟過縱橫遊,係細公司,但ok o架喎,食好住好同晏出發,我o個次係去台灣~~成團先得14個人,超爽,唔駛左等右等~~~
我都期望你番來寫o下遊記,等我眼睛去旅行都好吖~~
除左清境及墾丁，花蓮啲風景及民宿都好得嫁，可以考慮下！
回覆刪除台灣勝在價錢相宜，容易溝通及大把好嘢食，所以去台灣渡蜜月都幾好~