長老襟花

2011只係過咗幾日，多謝天文台胡亂預測，星期一我著唔夠衫番工，手足冰冷凍咗一日(可憐別的同事辦公室有暖氣，我只有攬住暖水袋)，比病魔打倒，連續4天病假，應該唔單止我面色唔好，老細面色應該都唔會好得去邊。

Anyway，我唔得閒理佢~~ (其實我好希望我復工之日佢都唔得閒理我)

病塌中o既我都好忙，忙著瞓覺、食藥、煮嘢比自己食，休息咗2.5日開始有精神，又開始call人o黎整寬頻、整襟花、睇亦舒、覆blog，經過我昨天犧牲咗午睡o既1/3時間 + 晚上830劇集~~我完成咗長老襟花 x 12 + 3個裝飾咪的小花束~~

這些花買了都有半年了(!)，是在旺角交水費對面的一間精品舖買的，2束玫瑰 + 2束繡球大約$100有找，即係每朵襟花大約$8，DIY除了可滿足自己o既手癮之外，也合乎慳家民女的原則啊~~(DIY items大概得呢樣係抵過去買)

其實整襟花(假花)真係唔難，就是將想要的剪下來拼湊成一束自己想要的，秘訣係顏色要夾，那麼弄得不太正宗看起來也挺好的~~

工具要有花、綠色膠紙(專用來貼花的)、剪鐵線的鉗，部份不夠長的葉要另加鐵線駁長，可幸今次我不需要~~(因為得我一個人製作，所以沒拍照片了，做襟花要一股勁兒甚麼都不想的做做做，最好就是起個玩天下太平般的防護罩，不然洩了氣就不想再動工了)

這束粉紅玫瑰可是一看便相當喜歡，因為顏色花形都像真度高，單是放在花樽裏也挺好看呢~~

未包好腳的樣子，應該要將多餘的枝腳剪掉，用綠色膠紙封好~~

襟花共做了三款，一款是較小的單朵玫瑰細葉(圖左上)，第二款是兩朵玫瑰大葉(圖下中)，最後一款是單朵玫瑰大葉(圖下右)，有多餘的花材也用了做咪的裝飾，拿著就是圖下左的款式，也不差吧？

大部份人會用綠色T字夾將襟花扣在衣服上，但我覺得最好的還不如普通的長的大頭針，又實又穩，不過麻煩的是要請別人代勞~~

襟花還會加工，以方便放在西裝口袋裏，留意日後我的post吧~~

還要綁上我們設計的絲帶才大功告成呢~~

要買花的可以到這裏看詳細地點+實景圖，太子夾夾埋埋有6個絲花地點o架~~