敗家女買花遊蹤(附實景地圖)

長老襟花一文出咗之後，我發現好多jm唔知邊度有絲花賣，所以小女子咗啲實圖比大家睇睇，有需要可以參考o下去搜羅一下吖~~

(如果以上舖頭無開檔/ 執咗笠，大家白行一次的話唔好番來鬧我呀!!!! 我真係整咗好耐o架喇~~)

出發點：旺角新世紀廣場弼街天橋出口

第一站：往買長老襟花沿途的夜冷店 (有時都有啲筍嘢o架，價錢比較便宜，但要自己細心啲揀喇)

落咗天橋後向後行,然後一直往旺角方向行，沿路有間夜冷店同家居店，都會有絲花賣

第二站：買長老襟花舖頭 (價錢中等，絲花像真度高)

(我再重申一次，我唔知間嘢而家仲有無呢啲花買o架,我今日放工出去睇睇,番來再同大家報告~~)

過完馬路見到投注站，投注站隔離有檔賣女裝(好似)，再隔離係賣果汁，然後會見到如下圖的窗簾舖，因為閂咗門，我都唔肯定係咪呢間，但如果唔係，都會o係同一條街~~可以嘗試再向前行睇睇，佢開舖時，櫥窗會有好多毛公仔呀、燈呀、精品呀、手繪木器/傢俱等等~~

第三站：花園街伯伯 (幾乎所有DIY B2B都會去搵佢買花，價錢OK，花材多同靚)

第四站：藤狀絲花 (花款較少，但好平，我媽試過買$8一枝有朵花的蘭花，好抵，像真度100%)

往花墟方向的馬路側邊，去完花園街伯伯度再o黎呢度o岩o岩好~~

第五站：繽紛  +   第六站：出咗繽紛左轉直行 (繽紛啲花好貴但靚，品種較多，另一間未幫襯過~~)

行程到此圓滿結束~~