8年試用期

仲有個多星期，我們就可以慶祝相愛o既第8個年頭，你還記得我們是怎樣走在一起的嗎？

(當然啦，如果查理斯你已經忘了，你 死 定 了！)

時光回到2002年，早在10月身份還是朋友的你問我想要甚麼樣的生日禮物，我答你我要──

成為你的女朋友！

大家沒有眼花啊~~

我是求愛金絲雀啊~~(所以我很喜歡惡作劇之吻的湘琴呢~~但，請不要叫我笨蛋~~)

但可惡的查理斯居然金絲雀當前都不為所動，說要考慮一下喎!!!!! (算你狠！)

(當時我就想，等我得手後你就知味道！當然，直至現在我也切實執行來讓你明白何謂 悔 不 當 初 啊~~)

其實一開始都是我先表白啊~~

大概是4月初就已經告訴了他我好喜歡他啊~~(哎呀呀，別笑人家啦~~我不是不怕醜而是面對自己的The One，我一定努力爭取啊~~)

可是這個笨蛋居然說：我從來沒有喜歡過你喎~~(好hurt呢)，我只係覺得你好 得 意(我知我知，8年後的今天依然有新朋友覺得我好得意.....)

沒有喜歡過我這句說話像魔咒般纏擾著我，好恐佈啊.....

.............那你為甚麼那麼喜歡攬住我膊頭呢？

.............又都肯陪人家老遠的由Poly行去海運食哈廸斯(當然後來我知道當時o既佢真的好喜歡好喜歡哈廸斯......應該話而家哈廸斯執咗佢都依然念念不忘~~)

一直沒有放棄過堅持等佢放工接佢收工，當時還在讀Poly的我好堅呢，假設我最後一堂是630pm下課，我試過等佢等到3am啊!!!! (所以我約你你唔好再遲到喇，你已經浪費了我人生好多o既時間都是在等你啊~~)

通常都係o係Library睇戲(對，如果我肯用o個啲時間溫書，大概今天我已成了Professor Win，但我多數都係Hea o係圖書館睇中西鬼片啊~~)

直至某一天早上，這個笨蛋開竅了~~佢o係電話話我知我要o既呢份生日禮物應該無問題~~我真係勁勁勁開心呀~~

可惜，當時只係10月尾，接住o個2個禮拜情況都反反覆覆咁，我都無咩信心到時真係會一齊喇~~

生日o個日，上完堂只係2pm，查理斯話佢要去尖沙咀開會可以同我食個Tea先，去到尖東扒王之王，佢送咗隻Pooh pooh的限量版手錶比我，然後先話我知佢請咗半日假同我去馬爾代夫 (係麥兜口中o既馬爾代夫先o岩~~唔明？山頂呀~~)

上到山頂，望住個好靚o既咸蛋黃日落，咁浪漫o既時刻係咪應該講我愛你先？我問佢我要o既禮物呢？佢居然話：o下，而家咁樣唔好咩？(梗係唔好啦，你唔要我都唔好阻住我飛出去吖~~)

我真係即刻喊咗出o黎，問到出口你都唔肯講，正死佬!!!!!

我真係頂唔順喇，為咗唔想推佢落山變成殺人兇手，我跑離咗案發現場.....

佢一路喝住我一路追(仲要呼喝我，寫完呢個回憶錄真係想即刻大大力搣o個個死人頭一下以洩心頭之氣!!!!) 追到去條樓梯度，大家都停咗o係度喇，總之過程我仲講咗好多嘢~~

最後，佢話：

好啦，咁我哋試o下啦~~

(係呀，佢依然無話我愛你o架~~)

就係咁，我哋試咗8年、相愛咗8年，都唔記得問佢，咁仲要試到幾時呀？