金絲盛宴

有blogger幫我將半島婚宴名為金絲盛宴，幾鬼好聽呀，忽發奇想，如果我係有錢人，我想我o既婚宴有啲咩呢？

1. 唔o係半島搞啦，book亞洲博覽館啦，賣飛入場的話話唔定膁大錢呀 (都話我係民女啦，而家講緊當我好有錢吖o麻，仲成日掛住賺大錢!!!! 窮到上腦喇)

2. 耀榮娛樂或者東亞娛樂贊助，開場前會有林海峰講有啲咩贊助商

3. 全場坐椅用LV皮做成椅套 (連我都想借機割走啲皮夾夾埋埋話唔定可以車個百家皮手袋，仲係獨家限量版)

4. 請大衞高柏飛用魔術變我哋出場 (同埋變走o個啲我唔想見到佢但又要請佢o既三姑六婆)

5. 個求婚城堡由MaBelle Leo Diamond贊助鑲上每粒不少於1卡的鑽石 (好明顯要請10幾個G4 o黎睇住個城堡啦)

6. 司儀係DoDo同何守信(係!!!何守信係查理斯點名要求的....有咩理由唔搵李思捷阮兆祥鄧梓峰陳啟泰吖....証明咗上一代的人心目中何守信係金牌司儀)

7. 請劉華唱首「情人Happy Birthady」比我聽，因為o個日係我生日，我仲要佢一路唱一路電我~~ (究竟証婚時我仲願唔願意講我願意呢？)

8. 早拍晩播要高清3D效果，搵阿凡達導演同張藝謀合作，科技藝術片，勁!!!!

9. 3D片立體像真度高，影我斟茶比屋企人時，啲賓客以為我斟比佢咁伸隻手出o黎接 (3D眼鏡由miu miu贊助)

10. 六叔次次都有美女扶住佢上台，咁搵林峯黃宗澤馬國明扶住我grandma上台啦~~ (阿麻老來都好豔福)

11. 最尾唔駛企o係度講招呼唔到喇，o係台上面祝酒啦~~ (最唔同o既係我哋唔會講：明年再見)

如果大家好有錢(咁事實係無錢o麻......)，你又會想點呢？

但如果有個咁o既婚禮，o黎飲人數數以萬計，就更加難保有人唔係當o黎睇表演咁o黎賀我哋了....

話唔定仲心諗：睇你好得幾耐!!!!!!

 

所以，我還是很滿足於現狀，

我還是很喜歡城堡上的假石，

我還是想親自與每位來賓擁抱道謝，

那個有少少豪、多多cheap、啲啲DIY、勁勁勁warm的婚禮就是我的

金絲盛宴(民女版)~~