五週年

去到第五年，人人都講o既七年之癢卻早o係呢個時候就出現了，然而，這一年，不抱期望之下，你送o既禮物反而贏盡了我所有同事的歡心~~仲得到咗"OK仔"呢個名(我同事話佢送的禮物好OK，外型又OK，唔係話佢似彭建新隻狗呀!!!!)

還記得那時我才剛踏入Office，便見到一紮好靚的粉紅色為主的豬豬花，個個同事都笑笑口，我仲以為係佢哋送(但個心又諗：我o黎做咗唔係好耐o乍喎~~)，然後佢哋話唔係呀，今朝一早有人送咗o黎喇~~

(呢啲豬仲識唱日文歌o架~~真係超可愛呢~~)

跟住成朝啲同事都好開心咁走過o黎同啲豬仔玩o下唱o下歌咁~~到咗lunch，少人啲喇，我就開始同豬仔傾偈喇：

我：你好呀，你今朝好早就o黎咗o拿？

(都係)我：係呀，好早呀....

(仲係)我：咁你眼唔眼瞓呀？你好得意呀，一係我唱歌比你聽吖.....

咳咳.....咳咳.......

我擰轉頭一望......原來校長企咗o係我隔離呀!!!!!!佢個樣好似忍緊笑喎......好明顯佢係聽到晒我啲咁白痴的對話啦!!!!

到咗下晝，查理斯仲親自送咗個生日蛋糕過o黎呀!!!!

好靚的寶盒呢~~

佢仲等我放工tim~~

點知去到夜晚仲有禮物喎~~

ctf.鼻屎耳環

ctf. 星星珍珠手鍊 (我唔算好鍾意，但成日都有人話靚喎......)

過埋呢個生日，我哋就成日鬧交、你黑我面，o個段日子點樣捱過o既呢？咪就係靠呢啲小禮物成為"苦中一點甜"囉~~

我有無諗過放棄？半夜喊到瞓唔到、心痛到死o既時候梗係有諗過啦(我唔係自虐狂啊，怎可能沒想過離開呢？)，不過後來有幾首歌鼓勵咗我：

「But only love can say, Try again or walk away

But I believe, for you and me, The sun will shine one day~~」

o係好困難好辛苦的時刻，我唯有不斷咁聽Only Love呢首英文歌，朝早番工聽、放工聽，唔開心時又聽，我真係相信唯有"愛"先可以改變壞結果，我只能夠不斷咁希望用愛去修補呢段關係!

過程係辛苦o架，但愛換來的結果一定會是美好的 ── 當時我這樣告訴自己。

「凡事格外出力　我這種小角色
欠缺先決運氣　唯有對你一直　專心努力
從沒有權消極　我這種普通貨色
笑我怎厚待你　就算再費心力　不一樣的
別人隨便做　便人人愛慕
我用十倍的氣力來做
若然還不好　就重頭深造
緣份繼續用努力補」

由一開始表白到能夠拍拖，若不是我主動爭取，又怎會有機會走在一起呢？所以我又好阿Q咁諗，既然當初都係我努力先o既，咁今日佢攰喇，就等我努力埋佢o個份啦~~

我無咩好無嘢叻過人，唯有在逆境的阿Q精神都可以算得上是"正能量達人"，我相信努力去做，終有一天感動你o麻~~

「不論快樂難過也同樣專注」

除咗聖經經文，我講得呢句歌詞就最能夠涵蓋愛是甚麼？愛一個人，唔係淨係o係自己開心順境的時候先付出，而係o係自己面對好多失意不如意時都同樣專注咁單單為咗愛o既人付出，呢種愛先算係愛！

年關難過年年過，邁向第六年，我哋攜手又過一關了~~