2010年11月17日 星期三

六週年

第六年的慶祝活動得來不易，想不到愛情低潮期剛過去，你便這麼費心思為我預備這一年的禮物~~


這年有好多我喜愛的卡通人物同我一齊慶祝呢~~



特別之處係個pooh pooh座可以旋轉，有音樂聲的~~


據查理斯後來回報，佢買呢個音樂座的配件係幫襯城中專幫人刻呢啲木相簿o個間連鎖店，但受到的待遇超激氣~~


呢個音樂底座只售配件不能整個買走，佢番到屋企先發現錢就用咗，但配件又唔齊，難得好好脾氣o既佢都比超差comments呢間死嘢~~



然後生日那天又有佢自己做外賣仔送來的城堡蛋糕及鮮花一束~~


城堡蛋糕係美心出品~~真係好靚又好味呀~~同事仲幫我印製咗字條加咗我哋個名落去呢~~



這年的自製生日樂園都叫我大開眼界了，想不到第七年還會有城堡的出現


張貼者： 於

15 則留言:

  1. Cherry2010/11/17 上午9:55

    哈哈... 好像年年都有城堡蛋糕呀... 咁你地結婚蛋糕都用城堡啦~
    [版主回覆11/17/2010 10:01:00]哈哈,無錯,結婚蛋糕個CAKE TOPPER係城堡呀~~

    回覆刪除
  2. 熊貓車 Panda Car2010/11/17 上午10:32

    越睇就越羨慕呀, 我果個年年都問我想要乜先買乜比我架咋 >.<
    [版主回覆11/17/2010 10:33:00]我o個個年年都問我想要咩,然後自己整咗啲第二樣嘢比我呀!!!!!哈哈~~我夠超羨慕你去歐洲honeymoon啦,仲可以去名店血併~~

    回覆刪除
  3. 熊貓車 Panda Car2010/11/17 上午10:35

    血拼返黎係有報應架 XDDDDDDDDDD 見到張statement想暈 @@
    [版主回覆11/17/2010 10:44:00]我諗我血併名店的後果會係發生血案呀!!!!!

    回覆刪除
  4. 阿雪琪2010/11/17 下午2:03

    個CAKE好靚靚呀....haha~~ 睇到呢度, 我男友就唔及你男友了。  前幾個月佢生日正日, 我帶左佢去一齊整旦糕, 好開心, 而且是大家親手一齊整的。你都可以試下wow.....不過生日佢重要自己整旦糕比自己食...wakaka
    [版主回覆11/17/2010 18:11:00]但個cake唔係佢整o架噃~~今年佢生日我自己去做咗個拿破崙比佢喇,佢打開個盒時不知幾感動咁樣~~ 哈哈~~
    你男友唔駛同我男友比o架~~大家都幸福,大家都有唔同的相處同埋難忘事件,唔係計禮唔禮物o既~~

    回覆刪除
  5. Lovely Cinnamoroll 小白2010/11/17 下午2:05

    城堡對你地黎講, 真係太有特別既意思. 簡直就係見證你地既愛情起起跌跌  其實諗諗下, 你地兩位係應該係DISNEYLAND 灰姑娘個城堡結婚先岩嘻嘻  或者再唔係honeymoon 去德國新天鵝堡見下真既城堡都好 哈哈!! 不過查理斯真係好有心機呢!!!
    [版主回覆11/17/2010 18:13:00]我都好想去迪迪尼擺酒呀,佢個ballroom好鬼靚!!!但貴過半島好多喎,同埋咁遠,得米奇同維尼肯去o架o乍.....
    honeymoon.....無晒錢喇!!!!去元朗o個個天鵝堡餐廳就有我份

    回覆刪除
  6. 大王與女王2010/11/17 下午3:00

    好溫馨呀~~~
    年年都有城堡蛋糕，有意義又充滿回憶呢!
    我是但有蛋糕或者相架已經開心死喇!HAHAHA
    [版主回覆11/17/2010 18:14:00]蛋糕係因為我有大大班同事,佢訂咗又可以比我請同事食~~有時唔一定要男友比驚喜你o架,你訂個cake送比佢囉

    回覆刪除
  7. 傻瓜‧菲2010/11/17 下午3:05

    睇完你<五週年>o個篇....感覺到你好愛查理斯呀!! 經歷過低潮....誇過去後的感情一定更sweet/更用心.....
    每一年查理斯送你的禮物都好有心思呀!!!
    [版主回覆11/17/2010 18:15:00]菲~~我超鍾意你呀~~~
    感覺到你好愛查理斯呀──終於得你講句公道說話喇,陰功,個個都掛住讚佢~~

    回覆刪除
  8. Iris2010/11/17 下午3:11

    冇黎兩日，事情已經發展得咁快…   查理斯的心思，一年比一年勁… 又比個讚佢先
    兩個人係埋一齊，起起跌跌梗有啦，最難得佢年年都咁有心機嘛… 睇吓住你咁多年收埋收埋啲城堡，真係好替你地開心呀… 要學台妹講返句 " 椰… 好幸福哦… "
    [版主回覆11/17/2010 18:16:00]係呀,而家興即食愛情呀,你再過兩日唔睇,話唔定我個仔都結婚lu~~wakakaka 我哋好似有公主王子病咁,一定要住城堡....

    回覆刪除
  9. ::chanwong::2010/11/17 下午4:20

    wow .... 睇咗咁耐，勁期待八週年吖！！
    [版主回覆11/17/2010 18:17:00]你有你期待,我有我無奈~~ 今年係我的天下呀~~o個個衰佬無時間整喎~~

    回覆刪除
  10. Tem Tem2010/11/17 下午5:59

    勁sweet啦!! 我想問下你咪倉主黎架? 王子年年入一個係倉....好似博物館咁呀!!
    [版主回覆11/17/2010 18:17:00]倉主?我唔係倉主又無養倉鼠~~ 都話佢間房好大o架啦!!!!!

    回覆刪除
  11. 艾利絲2010/11/17 下午6:07

    呢個查理斯真係不得了... 一次比一次有心思, 而且禮物都有幾份!!
    [版主回覆11/17/2010 18:18:00]係喎,次次禮物都有幾份o架喎(都未計o個啲用錢買的....)哈哈

    回覆刪除
  12. Glad2010/11/17 晚上8:05

    睇完你D週年禮物再加求婚城堡, 簡直唔能夠相信香港仲有咁ge男人, 你地真係好幸福好sweet呀! btw, 我俾男朋友睇你個求婚城堡D相, 佢剩係不斷咁話痴線同阻止我繼續睇落去....哈哈哈....
    [版主回覆11/18/2010 11:08:00]可能你再睇落去你男友以為你都痴線呀~~哈哈~~其實佢....唔係香港男人呀,佢係外星人~~

    回覆刪除
  13. 莎拉蛋糕Sarah Cake2010/11/17 晚上11:29

    你絕對係princess,,,,,每年都有城堡蛋糕,,,,,,!!!!我男朋友都唔知幾耐無做個啲咁sweet既嘢啦(除咗proposed個次), envy都爆,,,
     
    [版主回覆11/18/2010 11:09:00]個蛋糕又唔係佢做的~~用錢買的,幾時都可以買啦~~一係你都買番個比男友等佢知下次要買番蛋糕比你吖~~

    回覆刪除
  14. NaT2010/11/18 凌晨12:19

    個音樂座係咪DIY架??好靚呀!!!!!!
    [版主回覆11/18/2010 11:09:00]係呀,DIY o架~~佢係咪真係好變態呢？

    回覆刪除
  15. 阿雪琪2010/11/18 上午11:38

    haha~~ 我話我男友同你男友無得比就係指手工DIY啦, 因為我男友勞作白痴架...唔會整呢d野...不過會係其他野上, 心思上表現出來。kekekeke  我知個cake係買的, 美心ma, 我有睇架......我指可以一齊整, 都好開心架!!!!!
     
    好喇好喇~~ MC WIN 你聽住喇~~~ 你都好錫你男友呀......拿破崙咁難整你都整比佢, 真係好好好呀~~~
    [版主回覆11/25/2010 16:08:00]MC WIN 你聽住喇~~~ 你都好錫你男友呀......拿破崙咁難整你都整比佢, 真係好好好呀──好想比個BIG HUG你呀~~~
    遲啲有屋企人生日可能都會一齊去做蛋糕O既~~

    回覆刪除

訂閱： 張貼留言 (Atom)