一週年

時光飛逝，上篇講咗我哋點樣一齊，今篇會講o下第一年我哋點慶祝~~

我仲記得o個日要去西貢o個間三育書院見工(即係而家好興行教堂証婚的)(呢間衰嘢何止見工呀，後來仲要去試工呀.....crazy~~呢個容後再談)，超級咁遠呀!!!!! 成5點先出番去觀塘見查理斯~~

我哋去咗銅鑼灣的Kenny Rogers食飯(好景不常，o個間嘢而家執咗lu~~但佢啲鬆餅係我食過最最最好味的了~~)

然後，查理斯送咗一樽佢自己摺的幸運星比我，結果.....

佢比我鬧到狗血淋頭呀!!!! (雖然佢由唔識摺星到識摺星都要自學....但實在太小兒科了.....)

因為我講咗好多次我想要紮手摺的花呀~~而家得o個幾粒幸運星，太過份了！還要是生日+ 週年啊~~

(隻蝴蝶結原來係倒轉咗o架喎.....)

大家係咪都覺得hea咗啲呢？

結果o個晚我哋去遊電車河時我不斷地話：唉.....得啲星......唉.....(然後對眼釋出的怨氣足以殺 他 死!!!!)

真係埋怨咗幾千幾萬次呀.........

但係佢依然笑晒口咁話對唔住囉，下次啦......(佢真係小小黑面都無喎，佢真係知衰咯~~)

一個都算愉快但有好多怨氣的一週年晚上就咁過去喇.....

番到屋企，見到床度有紮花.....好靚呀!!!!!

o個時仲第一樣諗：點解家姐咁好送紮花比我o既呢？

家姐好似拍戲o個啲路人咁行過話：查理斯下晝攞上o黎o架~~

哎呀呀呀.......呀.......

當堂心諗：死火喇，怪錯咗佢喇~~~(大家要想像一下好似小丸子測驗唔合格個額頭好多一畫畫好多汗個樣)

原來個傻豬想比個驚喜 + 唔想我拎住紮花四圍行，所以預先趁我出咗門口攞咗上我屋企呀!!!!!

佢係一個從來未拍過拖又中學讀和尚寺的男仔，佢點解會識摺花o既呢？哈哈哈哈哈~~

佢見人哋舖頭門口有紮呢啲手摺花，佢企o係人哋門口望呀，望o下望o下就識摺喇!!!!! (Amazing~~~)

仲要自己整埋packing一紮咁送比我呀~~真係超開心啊~~

呢紮花後來我帶咗去影畢業相呢，當人人都係攞住鮮花同公仔的時候，我攞住呢紮愛心花束，好威呢~~(雖然周圍其實都係奇怪至極的眼光......呢個人究竟係咪連買鮮花的錢都無呀？)

而家諗番轉頭真係覺得佢好勁，受咗我成晩的怨氣都無黑面都堅持唔講出真相，為o既就係準備呢個大驚喜~~可憐佢比我鬧咗大半晩呢~~

而家諗番都覺得好笑~~為咗當日我錯怪咗你，而家錫番你啦~~