Show格拉底

大家有無諗過結婚o個日除咗要show靚樣、首飾金器之外，隨時都會show到格拉底，所以今次有好介紹比大家~~

早幾日o係Esdlife見到：

http://campaign.esdlife.com/ad/i-sky/2010/10/21/

$678享永久underarm脫毛呀~~(大家唔好鬧我唔一早講呀......因為我尋日親身體驗過先敢介紹o乍~~)

雖然坊間都好多呢啲廣告，但好多都不盡不實，令到我哋呢啲民女驚比人斬到一頸血(結婚都已經搞到一身血喇o麻.....)真係幾想敗家都唔敢輕舉妄動~~

見到呢個廣告後諗咗一陣，就算佢呃我我都係比咗$678 o者~~咁係激光唔係彩光(呢個唔可以做到永久)，真係不妨一試喎~~

登記咗兩三日後收到佢哋電話，約咗尋日430pm上去銅鑼灣分店試o下先~~

職員會o係電話提你前一晚要自己剃咗underarm先，但唔可以用拔毛機，要用剃刀~~

上到去間嘢，又大又光猛又靚~~ (唉，好怕我會成為有份比裝修錢的一分子啊~~)

雖然我一幅掛住甜美笑容又愚笨笨咁o既樣，但實質我個心已經起咗個"捍衞荷包防護罩"，今次行動代號係：一 毛 不 拔 !!!! (其實呢只係去美容完啊，不知怎的我卻一幅戰鬥格.....)

坐低填咗啲個人資料佢就帶咗我入去一間房 (嗱.....你唔好狂sell我呀，我真係會黑面o架!!!!)

負責的美容師係Cathy (今次仲唔係玩貓捕雀)，佢先問我：我哋呢度有駐場醫生o架，你有無嘢想問佢呢？咩都o架喎，body呀皮膚呀都問得，免費咨詢o架~~

(我心諗：唔知問o下有邊個明星經佢手打過botox得唔得呢？wakakaka~~~)

我話唔駛喇，咁佢就詳細講解咗點解激光可以做到脫毛效果，又將一陣的程序講咗一次，佢話underarm大約做4-6次就可以永久的了，不過因人而異，但由於我呢個係永久保用所以如果又生番都可以再上來做的.....(我幻想到自己60歲頭髮都唔多條時再打電話o黎約....)

然後佢問我有無興趣做其他位置的脫毛，例如小腿同埋比堅尼位(唔知點解佢會覺得我會著比堅尼.....呢世人除咗細個幾歲著過之外，我估呢世都唔會著囉.....)，咁我話我平時唔去游水o架，小腿又有啲濕疹印，好少唔著legging，咁著legging又唔駛成日剃毛啦~~

咁佢望一望我，然後話：你啲皮膚都幾好，係有少少斑囉....有無考慮做激光去班($3000 for 10次)？

哈哈哈哈哈，天知道我塊濕疹面用咗幾多時間去修復~~ (可以寫本濕疹血淚史呀~~可幸今年老天庇佑得到迅速改善~~我真係無咩用錢去修復o架，9成時間都係用醫生開比支搽身o既潤膚膏搽埋面就算~~頂多要修眉的時候做次facial啦，因為有我媽呢個人版，我只會用凍的清水洗面，卻有很多做facial的人讚我塊面好乾淨!!!!)

佢居然讚我皮膚好!!!!!! (定係佢都係一個有遠視而唔戴眼鏡的死人頭呢？)

我唯有答：醫生話我平時連太陽都唔好曬呀，所以我做唔到激光o架~~(註：呢個係我講o既，醫生無講過呢樣嘢，我唔會/唔敢屈佢)

如果你係美容師你會點呢？呢個人真係一毛不拔喎!!! 比著你你會唔會黑面呢？

佢居然還換上個超甜美想電死你的笑容話：啊，咁唔好喇，你用番醫生啲嘢好啲~~

(你哋係咪即刻都想用濕疹o黎做藉口先？但其實唔係次次有用o架，8成8美容師會答你：我哋啲產品好安全!仲可以改善你的濕疹o架~~bi li ba la bu講一大輪直至你打開銀包佢就會罷休了~~)

佢話佢係sell永久脫毛o個間過檔的(佢o既marketing令小妹佩得五體投地，居然可以想到將脫毛同結婚宣誓扯上關係的唯一一間)，所以佢知道呢間公司同o個間的儀器係一樣的，咁我問點解可以咁平o既？佢話咁平.....所以有quota o架~~~(網頁寫明40個~~)

然後佢帶咗我去另一間療程房，叫我換咗件毛巾袍(如果你著背心可以唔駛換)，仲細心到幫我lock咗度門先出去，呢點真係超細心呀~~(你以為佢應該咁做o架？nono~~我join過別的連鎖美容店，佢哋唔會理你o架~~)

瞓上床等咗一分鐘，療程師入來了，佢先幫我用消毒濕紙巾清潔脫毛位置，然後再講咗一次激光打入去時會有點痛，就好似有橡筋一下一下彈你咁，但真係一下o架o乍，唔會持續，然後佢會幫我戴眼罩(好神奇啊，真係黑到咩都見唔到o架~~) 再數一、二、三先打第一下，第一下其實無咩感覺o架，但到中間可能有毛頭的位置就真係feel到痛痛哋，同埋好"火羅"(好似燒嘢咁o既味，不過佢話係正常~~)

兩邊夾埋我諗2-3分鐘都打完，咁佢話5日內唔好用太熱的水沖涼、唔好曬太陽、飲酒、剃毛，之後就無問題o架喇~~出到去Cathy問我book唔book埋下一次，大約一個月後可以做，然後就放我走喇，佢仲追出o黎同我講治療師話我皮膚比較乾，所以都記住可以搽cream係無問題 o架~~

夜晩番到屋企好似變態咁對住塊鏡Show格拉底，哈哈，真係一次見效呀!!!!有啲地方平時剃完都係有啲黑粒粒o架，而家無晒呀~~雖然暫時只係一小片地方，但變番好似細路女咁真係令人好興奮啊~~

朋友join咗D字頭服務，非繁忙時價錢都要成萬蚊，但當然一分錢一分貨，D字頭係會去到幫你剃埋毛，做完又會有cool down gel，但我覺得自己剃毛仲無咁尷尬，我咁敏感都廡紅無腫無異樣，所以都唔駛用cool down gel了~~

強烈推介各位登記，另外佢話如果我介紹朋友o係11月內join其他部位療程，可以有4折優惠，同樣都係永久保用~~其實我影低咗佢價目表但唔方便post出來，如果小腿折後價大約係6k，連男士脫鬚都可以o架，佢仲話好多男士脫o架~~如果大家有興趣做其他部位可以私留比我話個價錢你知吖~~(連眉心呢個位置都有呀，仔細到呢~~)

I-Sky Beauty天行醫學美容中心 (評分以5粒係滿分)

服務：

環境(整潔及舒適)：

價錢：