大家見到我會點嗌我呢？(okok,而家唔係講緊民女同金絲雀呀~~)
係M,C + win？
哈哈哈哈哈~~~
搞錯咗喇大家~~
一開始開呢個blog要用假名，一諗就諗到呢個喇
事原o個時同查理斯感情好差，所以開咗呢個blog o黎打o下嘢發洩一下，
o個時我已經有好多個唔同名字+生日+數字的yahoo account，
又要諗個特別啲無咁容易比熟人見到o既，就用咗呢個名──
mc win (yeah~~但講咁耐大家都唔知錯啲咩喎.....)
其實係好多年前查理斯整過一張咭比我，入面貼咗mc dull + mc dull太太 o既貼紙，
(唔係麥太呀，係麥兜的太太，麥太係麥兜媽媽啊)
佢o係呢兩隻公仔下面寫住 "mc char + mc win"
(你哋終於知道我o係查理斯眼中從來都只係一隻豬了嗎？)
所以正確讀法係
麥char + 麥win (但我哋唔係姓麥o架.....)
同埋最最最重要o既係我同MC Jin係 無 關 係 o架!!!! 
佢係菜生，我將來係菜太
第日我哋個女會叫"菜 菜 子" (呢個名真係幾好聽o架喎又親切~~)
個仔o既中文名我哋本來毫無頭緒，但尋晚講電話，無聊o既我就問：
第日個仔叫咩英文名好呢？ (拜託，我沒有未婚生子的打算，純粹無聊聊聊天o麻~~)
我講咗幾個.....查理斯都話唔好 (男人通常都只係reject但without reason or any other suggestions)
於是我話：
一係叫Banana Tsai 啦
咁中文名可以叫"笨啦啦差"呀
鍾意佢o既同學仔可以叫佢"啦啦"
唔鍾意佢o既就會叫佢"笨啦啦"
都幾好聽吖，老師應該唔會叫佢答問題啦~~
政府規定個名連姓最長只可以有6個字o麻
咁叫"菜笨啦啦差"都可以用到啦~~
同埋讀出o黎好似泰文呀，都好好聽呀~~
(好喇，好喇，大家唔好再直呼我個仔個名喇~~)
XDDDDDDDDDD菜笨啦啦差…
回覆刪除[版主回覆11/03/2010 13:23:00]你响我個仔全朵~~
菜菜子~~~
回覆刪除[版主回覆11/03/2010 13:38:00]哎呀呀,小藍做咩咁頑皮~~
麥win, 麥win, 麥win,麥win, 麥win, 麥win, 麥win.............
回覆刪除[版主回覆11/03/2010 13:38:00]答對了,獎
哈哈~咁你想生啦啦差定菜子呀~?
回覆刪除[版主回覆11/03/2010 16:06:00]你叫佢啦啦差....似乎你介乎o係鍾意同唔鍾意佢之間喎....
我想先生啦啦後生菜菜子(不過真係諗....邊到我話事吖~~)
你真係好攪笑
回覆刪除[版主回覆11/04/2010 08:59:00]係你哋鍾意笑o乍o麻~~
係公司睇完你呢一段blog~係公司笑左出黎...
回覆刪除你個仔" 笨啦啦差" 將來一定會責問麥win ...
"阿媽...點解......你要玩我........!!!!!!!!"
[版主回覆11/04/2010 08:59:00]我無話佢喎，到時如果佢激親我，.我會話"生個橙好過生你呀,衰仔!!!!"
你話最重要同MC jin冇關係,我砵一聲笑出黎囉...
回覆刪除[版主回覆11/04/2010 08:58:00]咁係吖o麻~~
say hello to your future son ... 菜笨啦啦差, cup Koo cup, sa wa dee, mc chai chai ... i just know these Thai .... wakakakakakakaka
回覆刪除[版主回覆11/04/2010 08:58:00]我未來仔仔笨啦啦差話：釘橋啦~~
唔得...苯啦啦差呢下....真係響office"卡"一聲笑出黎......
回覆刪除講開，我同bf都有諗過阿仔叫咩名...........話說我地剛剛的八月去左法國阿爾薩斯(Alsace)旅行。我地都好鐘意呢個地方..以前讀hisotry又成日讀"Alsace & Lorraine"呢個地方......如是者中途無聊之際講開話我好多朋友既英文名其實都係地方名....eg Adelaide, Wales, Sydney 等等......於是，我地就響法國決定第日如果生仔....個仔既英文名就叫"Alsace"....英文讀"AL-SAC"....法國讀"AL-沙-S"....好似好勁咁....最緊要，阿仔一出世就會有乳名.....叫做 "石石"..........
而家出街見到D 可愛BB用品....我地就會話...不如買比"石石"羅.....唔識我地既人真係會以為我地有個仔叫石石..... WAKAAA....
[版主回覆11/04/2010 08:57:00]真係響office"卡"一聲笑出黎......──記住有同事問你笑咩你唔好話佢知我未來仔仔個名喎,我唔想有人同佢一樣叫笨啦啦差呀~~
原來唔只我一個係咁傻,大家都未結婚先生仔(諗o下o者~~),咁你睇中啲咩記住話我知等我又買一份比"啦啦"啦~~
haha~~ 原來唔係M.C, 係麥......咁其實你咪係乜太教煮餸 LAW~~
回覆刪除[版主回覆11/04/2010 08:53:00]教煮餸....都得o架喎~~我都有番幾味撚手小菜o架~~
其實我第一下睇你個名，直覺話我知你係麥win而唔係M-C win lar~~~ 你咁改名法，我驚你個仔大個會好反叛呀
回覆刪除[版主回覆11/04/2010 08:52:00]等我又幫你個仔改o下名先~~我都有個朋友姓陳，佢個仔會叫陳皮,再生個女就叫陳皮妹~~~yeah~~正到不行呀!!!!!
你好叻吖~~不過而家o係街可以叫我Winnie得o架喇~~
hahahhaa!!! i like your logic !!! hahahahhaaa!!!
回覆刪除[版主回覆11/04/2010 08:50:00]YEAH~~~thanks Annie~~
哈哈~ 唔緊要啦~ 好似pizza 輝咁... 要分享嘛~~~ 不過都係煎下先好d~ 就咁咬會肚痾架~~~
回覆刪除e?!~ 你個 啦啦 同 菜菜 都食得架bor~ 仲好健康tim~! kekekekek!~
[版主回覆11/04/2010 09:54:00]哎呀呀.....係喎,唔記得我啲仔女都可以食落肚tim.....
pizza輝....佢分咗條蟹柳比麥兜呀~~
石石同啦啦應該可以做到好朋友.........我睇岩既野會預埋佢一份...hoho
回覆刪除[版主回覆11/04/2010 11:22:00]樓下仲有個玉玉呀,第日我哋會分享Mother-to-be心情~~
haha， mc win你好犀利丫，
回覆刪除甘都俾你諗到
[版主回覆11/05/2010 09:24:00]我隨口up當秘笈~~
2030年全新樂隊組合...."玉‧石‧啦" 隆重登場....~~~萬眾期待...
回覆刪除[版主回覆11/05/2010 09:24:00]仲要期待20年!!!!!!
wahahaaaa~ 笨啦啦差同菜菜子個名好易記～ 到時個個都會記得你仔女D名
回覆刪除[版主回覆11/05/2010 09:24:00]最緊要行玩具反斗城買玩具o個時記得佢哋喎~~
我想叫你mc jin~haha~
回覆刪除[版主回覆11/05/2010 09:23:00]咁我叫你蘇格拉底~~
你唔講我真係以為係mc jin 果個mc 架, hahaah~
回覆刪除[版主回覆11/05/2010 09:21:00]因為唔止你一個以為呀!!!!個個都咁叫我,我怕我唔識應呀~~
hahaha.... 你真係好搞笑
回覆刪除[版主回覆11/05/2010 09:21:00]咁你有無大笑先
haha.. u are so fun ar !!!
回覆刪除[版主回覆11/05/2010 09:20:00]你有無諗住幾時生bb呀？
哈哈~~咁快d生番個,第時同我個旦旦仔玩啦~~kakaka
回覆刪除[版主回覆11/08/2010 10:16:00]好好好,我哋結完婚會努力~~
haha，收到，我唔會再以為你叫M-C WIN 架啦 (不過我記得你叫winnie，唔記得係邊篇blog 見過lor )
回覆刪除[版主回覆11/08/2010 10:17:00]聰明,我係Winnie呀~~
haha, facebook 流傳..keke
回覆刪除