金絲雀2011大事回顧

放假不知時日過~~ 以前日日番工得閒無嘢做就寫Blog，而家日日瞓到王朝百晏無事忙，幾隻字都嘔唔出，懶過條蟲......

尋晚驚見電視又播緊2011香港大事回顧，等我偷步(偷咩步吖，2011得番兩日o乍)寫咗呢個先~~ (我要再一次重申，我寫咗篇好長o既台灣蜜糖月o架，yahoo整唔見咗，而家都仲未搵得番比我.....陰功....或者我都係適合做番條蟲.....)

幸福人妻回歸喇

各位靚太 / B2B，雀嫁咗喇~~~

好多謝你哋無唔記得雀呀，睇到你哋o既祝福同留言，我全部收到晒亦記咗o係心喇，隔空Hug hug先~~

好多嘢要寫番，不為有無人睇(至少有老公每逢有新blog就一日睇幾廿次)，當初寫blog係要記錄低籌備婚禮的點點滴滴，所以唔可以嫁咗就懶(其實未嫁都懶過條蟲......)，我一定要快啲手blog番晒所有嘢先!!!

但係...... (話咗你啦，懶過條蟲.....都未寫又"但係"搵藉口喇.....)

堅係變態的DIYs

係，我有個好鍾意整手作仔o既老公，除咗鍾意整o個種熱誠，佢真係可以做到 "我整我所想" (根據那些年的中學會考課程「以畫為喻」，佢可以為係有熟練o既手腕)

婚期日漸逼近，佢又比我日日逼迫，o係短短幾日之內完成咗幾項DIYs......

那些年勾起了那些年

同各位打聲招呼先，太耐無寫Blog了，你哋有掛住雀嗎？

大家一定以為雀好忙所以無時間update哩，事實係......雀......得 閒 得 很!!!
(年尾o既準新娘唔駛又羨又妒咁o既，只要學雀放開懷抱日日去吃喝玩樂，將o個啲rundown、物資list拋入床下底，雀感受到o既優哉悠哉就會與你們同在了~~)

被打爆頭還是很快樂

今日，2011年8月16日，是應當要記低的，因為，那個經常想打爆我個頭o既blogger有咗啊~~

話說呢位少女兩個星期前話自己谷m，但一直都無o黎，我已經問佢係咪有咗吖，佢話驗過唔係喎......

沒完沒了

同朋友傾傾o下msn講開有咩未做，講講o下唔對路，仲有 Z 咁多樣嘢未整，開篇BLOG紀念o下呢啲待辦o既事先~~

戀上雀的巢(上)

有一段時間無寫blog喇，轉咗新版面，見到留言都唔知邊個打邊個，所以無心機覆之餘又越o黎越懶唔鬼想打blog.....

不過，當初寫呢個blog係留比自己同查理斯老咗o既回憶，所以唔理有無人睇我都係應該要繼續寫o既 (但我估我要搵名醫斷咗我條懶筋先.....)

8月頭開始，陸續為雀巢添置呢樣o個樣 (咪即係持續敗家囉)，雀巢已經逐漸成形，不過當中的辛酸真係不足為外人道呀!!!

成帖之路

因為Budget有限但又希望張帖可以配合金絲盛宴的主題，所以我哋都傾向先o係坊間印製普通款再DIY~~

首先我哋o係expo join咗名帖，對於呢間公司，我哋唔會彈但都唔會讚，只可以話大家付出的係等價交換，無蝕都無賺......

我哋每張帖價值大約$7，但只係包咗封面壓紋及熨啞金Logo，Logo咁大個仲要加錢，不過可以攞番個電版~~

製成品一如所料，因為實在太簡單，無咩可以再錯的地方，唯一挑剔的是啞金變咗啞銅金，顏色偏玫瑰金，不過尚可接受~~

長長久久宴

(欠落好多blog債，幾時先寫得晒呢？懶鬼始終係懶鬼......)

2011年8月13日，我哋一班20111120的BG2B o係稻香book咗間房，食百日宴~~(雀叫佢做長長久久宴，因為係倒數99日，亦希望大家的婚姻天長地久~~)

呢個Idea係Germanthea諗出o黎o既，佢哋話既然大家都去唔到對方的婚宴，不如就o黎一次飯局當係飲咗對方o個餐啦~~So Great !!!

不見天日窗簾布

北上做窗簾第一樣梗係諗起羅湖商業城有間大大間整窗簾o架啦~~

第一站去到，已經覺得招呼唔係幾好，所以又貢咗上五樓布城睇睇，但都係唔o岩心水，唯有落番地下o個間大舖再揀啦......

瘋買傢俬腳跛鳥

(雀因為多手upgrade咗，又唔識得用個新版面，最慘係搵唔番啲blog友仔，所以一直都無心機寫blog啊.....
如果再搵唔番咁多位，大概我要靠東華尋人服務roadshow上呼籲大家搵番雀.....)
由於間屋已經吉咗，雀心急鳥~~這兩個星期不斷逛傢品店買這買那，幸好我哋只打算短住，傢俬唔駛咁襟用，求其靚靚仔仔同埋平先係緊要~~
首先我哋o係DSC買咗電視櫃、鞋櫃、床頭櫃同床架~~

未入伙先搬屋

兩年前未來6299出咗首期比我哋置巢，然後我哋就放租，一直都打算9月頭收番執修少少再添啲傢俱，而身邊所有認識o既人都會話我哋11月中結婚，9月頭先收樓仲要裝修時間真係好緊迫，我哋都明，不過放租比人唔駛供之餘仲有錢落袋，我哋係唔會同錢鬥氣o架，所以先至遲得一日得一日，人哋出錢幾時都係著數o既~~~
原先個單位係咁o既，三房，算係好好o架喇，實用率有9成o架~~

第一枚雀彈

某一晚收到好姊妹的sms，她說買了一份結婚禮物給我，甚麼時候給我才好？

看到這段文字，心頭暖暖的，第一次聽說有人記掛著自己，為我們預備了禮物呢，其實禮物本身是甚麼並不重要，令人興奮的是那份心意~~

過大禮

過大禮真的很煩，但雀總算完成咗呢個步驟，而且暫時表面上相安無事，補番當日盛況先~~

大家仲記唔記得呢籃嘢呀？就係o係立興買o架喇，RMB$119，大家記住提佢要比個紅噹噹藤籃你呀，佢求其寄咗個咁淨色o既我哋，查理斯睇唔過眼，又來一次 D I Y.....

停不了的痴膠花(下)

再來兩個痴膠花筆插，今次這兩位也是1120的B2B，兩個也喜歡紫色和襯紫色，嘻嘻，紫珠鍊有上場o既機會了~~~

停不了的痴膠花(上)

因為雀敗了很多膠花，所以DIY還陸續有來~~~

首先製作的有插羽毛筆的筆座，在家隨手攞咗支鉛筆扮羽毛筆，但效果似乎唔係幾好，鉛筆被無知少女當為厠所刷支竹(鉛筆：我明明頭頂有舊擦膠啊~~)......

而插筆位置再落花顯得too much，所以......

滑鐵盧

越接近大日子，陸陸續續就會有啲現實細節嘢o黎打搞我哋，自問我家父母思想新潮開通，未來老爺奶奶更加係零傳統概念，所以一直籌辦婚禮好多嘢都由我哋話事，但o係過大禮一環上卻因家有一老而令我哋遭遇滑鐵盧，細節唔講喇，只求大家用你哋o既碎碎念幫幫我星期六過大禮順利平安過渡！

來到倒數四個月o既今天，雀經歷前所未有o既唔開心，但今日想記低o既唔係當中o既經過，而係呢份唔開心背後o既祝福！

今早在Facebook寫了一句：

「can't help falling in...sadness......」

2011半島showcase

2011年7月10日，半島搞咗今年o既showcase喇~~ (重溫舊年o既showcase)

今年轉咗decoration公司，啲佈置好唔掂，全部嘢都白色，好唔喜慶~~

取消資格

仲有2個星期就過大禮喇，即係好快可以做炸彈人，咁早預備派帖係因為之後查理斯公私兩忙，又要收樓裝修，所以o係能力範圍內能夠先KO的我們都會先做~~

近來都開始煩緊賓客名單，其實呢個list 差唔多o係一決定結婚已經開咗個excel整緊，中間不斷咁加加減減，有時delete咗啲人，之後又會加番，加番之後，無幾耐又再delete過，由於中午証婚同晚上飲宴受場地所限，我真係唔可以豪氣地請一百幾十無謂人，不過咁樣反而好，令我仔細諗諗我想要一個甚麼樣的婚禮~~

金絲雀帶隊北上

剛過去的星期六約咗幾位1120BG2B北上笋崗買結婚用品，約咗九點o係上水食早餐，嘻嘻，我哋咁近都遲到，難為兩位B2Bo係九龍西同九龍東出發，佢哋都話如果唔係識到雀，大概唔會頻頻去上水，哈哈~~

出發之前梗要影番張相先啦~~

苦盡‧甘來

又一晚少女講(男子組，唔係師奶講呀，你哋咁講，即係針對佢o者~~因為暫時係得佢係師奶啊~~)，人哋話同自己鍾意o既人相處先會覺得時間飛逝，恐佈o既係每次同你哋見面我都有呢個感覺....... (但....我愛o既.....始終都係查理斯......)

尋晚o既重點係姊妹分享佢新鮮滾熱辣o既求婚事件，雖然我哋無一個在場(但我哋恨不得可以在場!!!!)，但聽時都好投入又好感動，這個花了很多心思又做足保密功夫o既男人，You deserve it~~

姊妹分享完後說了一句：我覺得自己苦盡甘來了！

剪剪剪~貼貼貼

其實我真係無諗過要DIY Menu，大家唔好以係我迫查理斯整o架，其實係佢內心o個團火已經一發不可收拾!!!

(平時行街佢最鍾意去書局同文具店，睇紙睇sticker睇素材，前兩日佢放假仲自己走咗去永信，如果佢唔係G2B而係B2B，咁多手作仔，我相信佢個朵會比我仲響......)

DIY menu基本上佢一早諗好咗點整，見到製成品o既時候我只可以話佢非常深謀遠慮、心思縝密、計劃周詳!!!

大家睇唔睇到圖左上o既請帖呢？(哼，呢part係雀o既手工啊~~~快 來 讚!!)



呢張帖成為咗我哋本menu o既關鍵!!!

給簽名筆一個家

睇過市面上有啲絲花裝飾筆插好靚，但連兩支筆要$2xx，好久之前在實惠(!!)買下這個透明筆插打算給查理斯加工，結果我動手完成了，眾多DIYs裏最滿意的作品，比想像中容易，又係o係播團圓時開始做，團圓完了就做起了~~

我的婚禮統籌師

大家成日話我好快手，我咁快手預備咗咁多嘢除咗係因為我份工好得閒之外，最大原因係我有一位超能幹o婚禮統籌師~~

能夠遇上這位婚禮統統籌師，絕對是上天給我這個懶鬼最好的嫁粧

惡女‧美女‧品美女

嘻嘻，講個秘密你哋知吖，上星期雀腸胃炎嘔咗兩日，星期五查理斯差啲想以死進諫我唔好出o黎同幾位B2B見面o架 (仲要去打邊邊喎~~)，好彩我無理佢o乍，咁就成就咗雀一次同3位美女同枱食飯o既機會喇~~~呵呵呵~~~ (好像變態金魚佬.....)

(放心，以毒攻毒o既情況之下，我已經排毒成功，而家舒暢晒~~)

大日子前的五個月

嘩嘩嘩，大件事喇，得番五個月o乍，聽日仲恐佈，得番4個幾月，呢啲數字o既嘢講出o黎真係嚇雀咩~~

摷番好多個月之前個進度表出來望望，原來仲有好多嘢未搞掂，主要都係啲DIYs，雖然好多人都覺得唔值得浪時間o係呢啲 "做比自己睇o既嘢"上面，但好彩，查理斯好享受DIY過程，一齊諗點整、一齊解決o個啲技術上問題，其實都係拍拖o既節目，老來o既話題應該都離唔開今日我哋為咗呢個婚禮，開展咗o個啲"向筍崗出發"、"尋找地氈的故事"、"一屋DIY人"等活動~~

而家希望盡快KO啲帖o既加工，然後跳去下一項DIY啦~~

五個男人戴襟花

好多個月之前完成咗長老襟花同姊妹手花，但就一路拖住未整過兄弟o個啲，尋晚一路睇團圓一路整，一個鐘頭KO咗五朵，夠用就算lu~~

而家所有花o既項目完成，買埋絲帶紮上去就搞掂喇，feeling great~~

布上留名筆

星期六係雀家DIY活動o既日子，雀決定要o係呢日KO咗啲簽名筆~~

身痕家族

婚禮上，雖然話所有人都係你o既親朋好友，但總係有啲人唔識死 / 嫌命長，平時可能都正正常常，但到咗o個啲喜慶日子就原形畢露，我無無聊聊又諗o下有啲人有啲嘢我真係唔希望o係我o既金絲盛宴出現~~

給雀愛過的男孩們

(查理斯，接住落o黎寫o既，你最好唔好睇啦~~費事你......咩啦~~哈哈~~~)

金絲雀由細到大都係讀男女校o既，雖然係咁，都無拍過拖喎，但係暗戀明愛就有好多次喇~~

利利是是

緊接住簽名布o既有o係咭片皇印製的利是封，坊間要印製個人化利是封o既選擇已經唔多，仲要印咁少量(200起)真係無咩好揀喇~~

布上留名

查理斯呢期開Turbo~~DIY陸續出籠呀~~

今次係簽名布~~

比啲波波困住o既我哋好可愛喲~~(又o係度自我陶醉......)
原先電腦圖係咁o既

大食新人聚@八月花

1120BG2B已經去到唔見一週，如隔三秋咁大鑊喇~~

通常約咗今次都未出o黎，又已經熱烈討論緊下一次o架喇，能夠o係呢條沙石多多o既婚禮籌備路上遇到你哋，係我金絲雀o既福氣~~(唉....再咁成日約埋食嘢真係人人都有腹氣咯......)

每次見面都有說不完的話題，加上我哋有共同朋友大姐，真係每次都無冷場而只會飲恨點解太陽咁早落山~~